Kultur

Mat sengem éischte Solo-Album "Roots" geet den Cellist Pierre Fontenelle op d'Spuere vun der musikalescher Identitéit. Net nëmme vun der eegener, mee och där aus dem 21. Joerhonnert an den USA.

Den Album ass souzesoen en Hommage un déi amerikanesch a musikalesch Gesellschaft an hir Villfältegkeet.

De Release verbënnt souwuel klassesch Musek, wéi och en europäeschen Touch an Aflëss aus dem Blues, Jazz a Rock.

Am Gespréich mam Lex Kauffmann gitt Dir iwwerdeems gewuer, wéi de Pierre Fontenelle als Autodidakt mam Cello ugefaangen huet, an a wéi enger Stilrichtung de Museker sech selwer am meeschte "verwuerzelt" fillt.

Zanter méi wéi 30 Joer ass de Schwäizer Affekot Antoine Goetschel am Déiererecht aktiv. Als weltwäit éischten “Tieranwalt” huet hien a senger Karriär iwwer 700 Déiere viru Geriicht vertrueden, dorënner souguer ee Chamäleon, ee Pony an eng Boa. Mee wéi gesäit et an Europa a Saachen Déiereschutzrecht aus, an a wéi eng Richtung entwéckelt sech d’Relatioun tëschent Gesellschaft an Déier weider? Den Déierenaffekot huet an der Nationalbibliothéik ee Virtrag iwwer méiglech Weeër gehalen, an de Joé Birchen huet mat him iwwer dës geschwat.

Wat fir Museks- a Kulturevenementer gëtt et zu Lëtzebuerg ënner der Woch? Den Nicolas Calmes aktivéiert säi Radar an zielt Iech, wat op Iech zoukënnt.

Wéi ënnerriicht een engem Komponéieren? Ënner anerem dëser Fro geet de Pit Brosius am drëtten Episod vum opus 100,7-Podcast “Hanner den Téin“ op d‘Spuer. Als Dirigent huet hie vill Kontakt mat Neier Musek a gëtt ëmmer erëm a spannend Gespréicher mat Museker:inne verwéckelt. A sengem Podcast stellt hien dës perséinlech Diskussiounen an Anekdoten - déi normalerweis soss keen héiert - eemol de Mount an de Mëttelpunkt. Am drëtten Episod trëfft hie sech mam Marcel Reuter, Komponist an Enseignant fir Kompositioun am Conservatoire du Nord.

Eng Serie, déi eis mat an d'Joer 1857 hëlt. Et geet ëm eng manner bekannte Period vun den USA, ëm de sougenannten Utah-Krich, bei deem mormonesch Siidler géint d'US-Militär gekämpft hunn. De Simon Larosche stellt d'Serie vir.

Et ass eng Zesummenaarbecht tëschent dem Kammerchouer vun Namur, der Sopranistin Caroline Weynants, dem Bariton Samuel Namotte, dem Organist Baptiste-Florian Marle-Ouvrard an dem Arrangeur an Dirigent Alessandro Urbano: E Release mam Gabriel Fauré sengem Requiem op.48 - ee Projet, deen am Kader vum Centenaire vum Komponist an och den Aarbechte vun de Fresken an der Diddelenger Kierch entstanen ass.

Am Gespréich schwätzt de Museker doriwwer, wéi wichteg et ass dem Fauré seng Musek fir d’Éiwegkeet festzehalen.

Dem Jeff Schinker seng lescht Rezensioun vun de Literaturpräiser vum November ass zugläich och déi éischt vun der Rentrée littéraire vum Januar: Mat "Cœur" vum Thibault de Montaigu an "Un homme seul" vum Frédéric Beigbeder hunn zwee Hedonisten een Hommage un hire verstuerwene Papp verfaasst - an domat bal zweemol dat nämmlecht Buch geschriwwen.

Haut den Owend (30.1.) um 6 ass an der Galerie Reuter-Bausch an der Ënneschtgaass de Vernissage vun der Expo “Jim Peiffer curated by Christian Aschman”. Béid Hären si bekannt: de Christian Aschman haaptsächlech als Architekturfotograf, mee ewell och als Ausstellungscurateur; de Jim Peiffer als Moler vun neien Albdram änleche Bestiairen, an intensive Faarwen, op deene verschiddenste Supporten, vun Toile iwwer Holz bis Blech. Béid Hären si sech och nawell zimmlech bekannt: de Christian Aschman ass dem Jim Peiffer säi Monni. D’Kerstin Thalau war virun e puer Deeg beim Montage vun der Expo mat dobäi an huet mat allen Implizéierte geschwat.

D'Téitenger Schungfabrik proposéiert eng oft ganz alternativ Programmatioun. Dräi lëtzebuergesch Bands, deenen hiren dénominateur commun amerikaneschen DIY Rock direft sinn, stinn de Samschden den Owend do op der Bün. Ee Gespréich mat zwee Gittaristen, dem Pierre Bianchi vun No Metal in this Battle an dem David André vun Odds Ratio.

De Pianosfestival vum CAPE setzt all Joer Komponist:innen an de Mëttelpunkt. Dëst Joer gëtt dem Maurice Ravel säin 150. Gebuertsdag gefeiert. Wärend véier Owender gi vum 30. Januar bis den 2. Februar Stécker vum franséische Komponist vun 8 Pianist:innen opgefouert. Am Kader vum Pianosfestival Ravel + spillt d'Cathy Krier dëse Samschden, 1. Februar e Programm mat a ronderëm D'Musek vum Ravel. De franséische Komponist huet eng besonnesch Bedeitung fir d'Pianistin. Op hirem leschten Album hat si scho Gaspard de la nuit interpretéiert. Si erzielt ënner anerem iwwer de roude Fuedem vum Programm a wat si un der Musek vum Ravel esou begeeschtert. Dat besonnescht ass, datt de Pianosfestival Ravel + sech net nëmmen em de Maurice Ravel a seng Kompositiounen dréint, verréit d'Ana Maria Tzekov, artistesch Direktesch vum CAPE.