Kultur

D'Diane Orban an d'Myriam Karels hu rezent mat "Et rabbelt an der Broutgaass"(Editions Guy Binsfeld) schonn hiren zweete Lëtzebuerger Buchpräis an der Kategorie Kannerbuch gewonnen. Déi zwou Autorinne waren an der Wonnerbarer VaLibrairie op de Walfer Bicherdeeg invitéiert.

Den Nicolas Clames huet zesummegedroen, wat Dir de Weekend kulturell kënnt ënnerhuelen, haut mat Concerten, Theater a Literatur.

Eng Serie ëm den Antagonist aus dem Batman-Universum. Mir begleeden d'Figur beim Eropklammen an der krimineller Ënnerwelt vu Gotham City. De Simon Larosche huet d'Sendung gesinn a verréit eis méi.

Als Dirigent huet de Pit Brosius vill Kontakt mat Neier Musek an huet ëmmer erëm a spannend Gespréicher mat Museker:innen. Am Podcast Hanner den Téin stellt hien dës perséinlech Diskussiounen an Anekdoten - déi normalerweis soss keen héiert - eemol de Mount an de Mëttelpunkt. Hie wëllt vu sengen Invitéë wëssen, wéi si d’Musek aus eiser Zäit gesinn, wat si doru faszinéiert, wat si inspiréiert, a wat si domat ausdrécke wëllen. De Pit Brosius gëtt en Abléck an d'Hannergrënn vun dësem neie Podcast.

Zanter Mäerz ass am Musée vun der Resistenz a vun de Mënscherechter eng nei permanent Ausstellung ze gesinn. D‘Expo behandelt d‘Sujete ronderëm den Zweete Weltkrich. De Jim Goerres féiert mat exhaustiven Erklärungen duerch déi ganz Ausstellung, déi mir Iech a méi Deeler presentéieren. Hei, am zweeten Deel geet et ëm Exponaten, déi d’Invasioun, d’Besatzung an d’Reaktioun vum Vollek beschreiwen.

D‘Valerija Berdi huet dëse Bäitrag zesummegestallt. (1. Deel: 21.11.)

All Infoen iwwer Visitte sinn op mnr.lu ze fannen.

De Lëtzebuerger Buchpräis an der Kategorie Sachbuch goung dëst Joer un den Yves Schmitz fir säi Wierk "Luxemburg war nie eine Kolonialmacht: Eine kritische Einführung“. E Projet, dee vum Kënschtlerkollektiv Richtung 22 matgedroe ginn ass a bei Capybarabooks publizéiert gouf. Op de Walfer Bicherdeeg waren den Yves Schmitz, d‘Michelle Liesch vu Richtung 22 an d‘Editrice Susanne Jaspers d‘Invitéë beim Valerija Berdi a Michel Delage an der Live-Emissioun Déi wonnerbar Valibrairie.

Am Conservatoire du Nord zu Ettelbréck ginn den 29. November nei Wierker an nei Arrangementer fir Blechblosquintett opgeféiert. En Deel vun dëse Stécker gouf vu Schüler aus der Kompositiounsklass, oder aus Ecrituresklassen op de Pabeier bruecht. D'Hornistin an Initiatorin vun dësem Concert, d’Isabelle Lord, verréit dem Christophe Mirkes am Gespréich, wéi een de Blechblosquartett mat Trompett, Cor, Trombonn an Euphonium bei dësem Optrëtt erlieft.

Zanter den 1980er schreift d'Kim Deal an zwou groussaartege Rockbands Geschicht: The Pixies an The Breeders. Bal 40 Joer nom Ufank vun hirer Musekskarriär huet si elo just hiren éischte Soloalbum erausbruecht: "Nobody Loves You More". Dissonant Distortioun verhënnert Gefiller net, besonnesch wann deen ee Saz vun der Mamm den Titel däerf stellen. D'Claire Barthelemy huet déi nei Scheif fir eis gelauschtert.

Sonndeg, de 17.11. hu mir eis Literaturemissioun Déi wonnerbar VaLibrairie live vun de Walfer Bicherdeeg iwwerdroen. Invitéë beim Valerija Berdi a Michel Delage waren d‘Laureatinnen an d‘Laureate vum Lëtzebuerger Buchpräis. Mir lauschteren elo en Extrait aus dëser Emissioun: D‘Gewënnerin vum Buchpräis an der Kategorie Literatur, d‘Margret Steckel mat hirer Novell “Mutterrache”. Derbäi ass och hir Editrice, d’Susanne Jaspers, vum Verlag Capybarabooks.

"Et ass eng Häerzmassage" - esou beschreift d'Josée Bourg d'Wierk, dat si zesumme mam Akkordeonist Frin Wolter Sonndes, den 01.12.2024 am Mierscher Theater presentéiert. An dobäi ass all Concert anescht, mengt och de Museker Frin Wolter.

Béid hunn éischter zoufälleg zesummefonnt a kuerzerhand ee Programm mat eegenen Arrangementer op d'Bee gestallt.

Am Gespréich mam Lex Kauffmann schwätze si doriwwer, wéi Ravel a Bach op Chrëschtdag passen. A wéi ee gesellschaftskritesch Theemen un ee jonke Public an u Kanner bréngt.