Kultur

De Chilly Gonzales huet eng räich Karriär hannert sech, an där hien sech vun engem kanadeschen Neoklassik-Pianist zu engem zu Berlin a Paräis schaffenden, ganz humorvolle Piano-Rapper entwéckelt huet. Muer den Owend steet de Museker fir d’drëtt op der Bün vum groussen Auditoire vun der Philharmonie.

D’Lynn Orazi ënnerriicht Piano am Escher Conservatoire. Dacks spillt si awer och op Concerten. Een dovunner ass dëse Sonnden am Conservatoire selwer, zesumme mat zwee weideren Enseignanten: der Päivi Kauffmann op der Flütt an dem Romain Gross op der Klarinett.

Um Programm steet ganz verschidde Musek, vu Barock iwwer jazzy bis Romantik – Musek, déi wéi d’Lynn Orazi seet, éischter zäitlos sinn. Si huet dem Marie Schockmel an engem Gespréich och nach méi verroden iwwert den Trio an de ganz variéierte Concertsprogramm.

Den Nicolas aktivéiert säi Radar a verréit iech, wat fir eng kulturell Highlights dir de Weekend net sollt verpassen.

Eng Netflix-Serie iwwert d’Liewe vun der Drogenhändlerin Griselda Blanco, gespillt vun der Sofia Vergara. De Simon Larosche huet sech dës Serie ugekuckt an zielt eis méi dozou

E Freideg den 18. September spillt d'Militärmusek ee Concert am Kultursall zu Steesel. Um Programm steet ee "Lëtzebuergesch-Éisträicheschen Owend", bäi deem déi jonk Lëtzebuerger Klarinettistin an Dirigentin Véronique Bernar an de Lieutenant Jean Thill dirigéieren.

Am Gespréich huet eis d'Dirigentin Véronique Bernar Detailer zum Programm verroden an erzielt, wat et hir perséinlech bedeit, als eng vun den eenzege weiblechen Dirigentinnen d'Militärmusek ze leeden. Zudeem schwätzt si am Gespréich mam Lex Kauffmann iwwert hir perséinlech Beweeggrënn, Direktioun ze studéieren a wéi Fraen an der Fonctioun vun enger Dirigentin generell akzeptéiert sinn.

Mir liesen eis hei um 100,7 duerch d'Lëscht vun de Bicher di fir de Booker Prize nominéiert sinn. An des Kéier stelle mir eent vir, dat et op d'Shortlëscht gepackt huet. "Orbital" vun der brittescher Schrëftstellerin Smantha Harvey beschreift een Dag am Liewe vu 6 Astronauten op der International Space Station. Dëst ass awer keng klassesche Science Fiction, mei éischter eng Aart Space Meditatioun. D'Claire Barthelemy huet d'Buch gelies.

An enger Serie stellt d’Kulturredaktioun allkéiers ee vun den 13 Romaner, déi et op d’Longlist vum prestigiéise Booker Prize gepackt hunn, vir. "Wild Houses" vum ireschen Auteur Colin Barrett an "Headshot" vun der Rita Bullwinel goufe scho beschwat, genee esou wéi "Stone Yard Devotional" vun der Charlotte Wood an "The Safekeep" vun der Yael van der Wouden - déi zwee lescht hunn et op eng Shortlist gepackt, op där fënnef Fraen a just ee Mann stinn. Haut beschwätze mer zwee weider Bicher vun der Shortlitst: mat knapp iwwert 400 Säiten ass "Creation Lake" vun der Rachel Kushner dee längsten, mat eppes iwwert 100 Säiten ass der Samantha Harvey hiren "Orbital" dee kierzste Roman vun der Shortlist. Mir fänke mam villschichtegen, donkel-witzegen Thriller-Pastiche "Creation Lake" vun der Rachel Kushner un - dat dem Jeff Schinker immens gutt gefall huet.

Den OPUS KLASSIK gëtt als déi bedeitendst däitsch Auszeechnung an der Klassik-Industrie ugesinn. D'Désirée Nosbusch moderéiert den Nofollger-Präis vum fréieren 'Echo Klassik' zënter véier Joer an huet domat den Thomas Gottschalk ofgeléist. An och wann d'Lëtzebuergerin däitlech mécht, datt si kee Klassik-Expert wier, ass et trotzdeem ee vun hire léifste Projeten am Joer. De Christophe Mirkes huet sech no der éischter Prouf fir d'Gala vum OPUS KLASSIK mat der Désirée Nosbusch ënnerhalen.

E Bléck op de Filmfestival fir zentral- an osteuropäesch Filmer.

Engautobiographesch BD, déi grad grouss Welle schléit. Mir beleedegen hei d'Liewe vun der Aude, déi fréi problematesch sexuell Erfarunge gemaach huet. Mir sinn dobäi, wann si sech do rauskämpft an dono och en neit Liewe starte kann. Eng BD, bei der och eng Planz, eng grouss Roll spillt. Firwat, seet eis de Nicolas Calmes.