Kultur

De brittesche Museker Sting ass grad op enger Tour duerch Amerika, an op der Batterie bei him setzt keen anere wéi de Lëtzebuerger Chris Maas. Wéi ass et, mat dëser Legend ze spillen, a wéi gesäit d’Liewen op esou enger Tour aus? D’Claire Barthelemy huet ufanks September mam Chris Maas geschwat.

Huet d’Waarde sech gelount? Mir fannen: jo, absolutt! Zanter dem Weekend a bis den 19. Januar presentéiert déi däitsch-lëtzebuergesch Keramik-Kënschtlerin Vera Kox, Joergang 1984, an der Escher Konschthal hir Ausstellung “Sentient Soil”, also sensibele Buedem. Am Virfeld war d’Kënschtlerin an eng sëlleg klimatesch extreem Naturgebidder gereest. Hir Impressiounen an Andréck, d’Verflechtungen tëschent Ëmwelt, mënschlechen an net-mënschleche Liewensforme kommen an der Expo voll zur Geltung. D’Kerstin Thalau hat d’Geleeënheet, kuerz virum Vernissage, der Vera Kox e puer Froen ze stellen.

Ee Concert aus dem Kammermusekssall vun der Philharmonie mat Wierker aus der Wiener Klassik, der Romantik bis zu modernen Neikompositiounen. Et spillen de jonke Lëtzebuerger Cellist a Rising Star Benjamin Kruithof an de sardesche Pianist Marco Sanna.

Um Programm:

Ludwig van Beethoven (1770-1827)

- Sonat fir Cello a Piano Nr. 5 Re Majeur op.102 N.2 (1815)

- Allegro con brio

Adagio con molto sentimento d'affeto

- Allegro - Allegro fugato

Nadia Boulanger (1887-1979)

- Dräi Stécker fir Cello a Piano (1914)

Sally Beamish (1956)

- Rêverie fir Cello a Piano (commande ECHO - 2024)

Sergueï Rachmaninov (1873-1943)

- Sonat fir Cello a Piano a sol mineur op.19 (1901)

- Lento Allegro moderato

- Allegro scherzando

- Andante

- Allegro mosso

Den Théâtre Ouvert Luxembourg, kuerz TOL, ass ee vun den dräi klengen Theateren an der Stad Lëtzebuerg. Am TOL ginn d‘Stécker exklusiv op franséisch gespillt. D‘Valerija Berdi huet mat der artistescher Directrice Véronique Fauconnet iwwer déi nei Saison am TOL geschwat.

“Piano Poems” heescht dee leschten Album vun der Cathy Krier. Si interpretéiert Wierker vu Ravel, Liszt a Prokofiev awer och vun zäitgenëssesche Komponistinnen: der Konstantia Gourzi an der Catherine Kontz. D'Marie Trussart huet mat der Lëtzebuerger Pianistin iwwer hiren Album geschwat an ënner anerem erausfonnt, wéi ee mat Musek Saachen ausdrécke kann, woufir et keng Wierder ginn. A si erzielt eis e puer vun deene Geschichten, un deene sech d'Musek aus hirem Album inspiréiert.

Den däitsche Familljendrama vum Matthias Glasner gouf am leschte Grousse Kino beschwat.

Den Nicolas Calmes stellt déi kulturell Highlighte vun der Woch vir.

D'Pianos-Professesch Hana Robotkova aus dem Stater Conservatoire lancéiert zesumme mat weidere Kolleeginnen a Kolleegen den éischte Concert fir dës Saison vun der Serie ActArt.

Ee Concert mat tschechesche Wuerzelen a volleksnoen, musikaleschen Aflëss. Et gëtt nämlech an enger Zort Gebuertsdags-Concert un d'Komponiste Bedrîch Smetana a Leoš Janácek erënnert.

Mee firwat ass de Choix speziell op dës Komponiste gefall? Wéi kann een déi tschechesch Wuerzele vun de Komponisten an der Musek eraushéieren? A wat bedeit de Museker d'Concert-Serie perséinlech? Dat alles héiert Dir am Interview mat der Pianistin Hana Robotkova, déi dëse Concert an d'Liewe geruff huet.

Hiren Debutalbum vun 2022 huet ganz vill versprach, a mam Nofollger "Real Deal" léist d'Formatioun Honeyglaze ronderëm d'Frontfra Anouska Sokolow dëst Verspriechen an. An den 11. Dezember kann ee sech dann och live an de Rotonden dovunner iwwerzeegen.

Konscht, Kultur an Theater si wéi Zännrieder, déi anenee gräifen. Dat ass d'Devis vun der Ekipp vum Kasemattentheater. Wat dat konkret fir hir Programmatioun fir déi nei Saison bedeit, a wéi den Théâtre du Centaure seng nei Saison opgebaut huet, erzielen d’Myriam Muller, artistesch Directrice vum Théâtre du Centaure an d'Sara Goerres vum Team vum Kasemattentheater am Gespréich mam Valerija Berdi.