Kultur

Mat “Terrasses” retracéiert de Laurent Gaudé d’Attentater vum 13. November 2015 op Paräisser Terrassen an op de Bataclan aus der Siicht vun den Affer, de Famillen a Partner, de Rettungsdéngschter an Asazkommandoen - dat an engem polyphonen Text, dee sech um Chouer vun der griichescher Tragedie wëllt bedéngen. Wisou dat net ganz opgeet, verréit de Jeff Schinker a senger Rezensioun.

Los Campesinos sinn eng Band vu Cardiff, an där kee Member Waliser ass. Hire Sänger Gareth Davids beschreift hir nei Plack ongewollt mat engem Vers an engem vun hiren neie Lidder: ”D’Punks an der Playlist ruffen all no Frëndlechkeet a froen, firwat kënne mir net einfach all mateneen eens ginn?” D’Punks an der Playlist, dat sinn elo Los Campesinos, där hir nei Plack “All Hell” sech de Marc Clement ugelauschtert huet.

No der Céline Jiang ass d'Stina Fors déi drëtt Kënschtlerin, déi de Lëtzebuerger Pavillon op der Biennale zu Venedeg bespillt. Am Géigesaz zu der Céline Jiang hirer cyberfeministescher Approche ass déi schweedesch Kënschtlerin awer géigeniwwer dem Benotze vun digitaler Technologie retizent. Si ass et gewinnt eleng opzetrieden, freet sech nawell, dës Woch an der kollektiver Sound-Bibliothéik, déi ee vun de Bausteng vum "A Comparative Dialogue Act" ass, ze puiséieren, fir hiert individuellt Schafen an den Déngscht vun engem Zort kollektivem Konscht-Leviathan ze stellen, wéi si dem Jeff Schinker am Interview wärend der Ouverture vum Pavillon erzielt huet.

2024 ass, nieft Bad Ischgl an Éisträich plus Bodø an Norwegen, Tartu, also déi zweetgréisste Stad an Estland, 2024 Europäesch Kulturhaaptstad. Wéi den Zoufall et wëllt, lieft a schafft déi lëtzebuergesch Curatrice Fanny Weinquin fir zwee Joer an Estland. Fir si war kloer: am Kulturjoer-Kontext misst een och Lëtzebuerger Konscht weisen. Si huet d’Multimedia-Kënschtlerin Justine Blau kontaktéiert, déi zwee hunn en Dossier eragereecht, an hire Projet gouf ugeholl. Nach bis e Sonndeg inclus presentéiere si der Justine Blau hire Projet “Veil of Nature” an de botaneschen Zäre vun der renomméierter Uni Tartu. D’Kerstin Thalau huet mat der Justine Blau no hirem Retour aus Estland geschwat.

Mat sengem neie Gedichtsband huet de Lëtzebuerger Bernd Marcel Gonner e poetescht Lueflidd op d'Flora um Dréchewuess via de frësche Bléck vun der Kandheet virgeluecht.

Mat “Här a Meeschter” (9K/Op der Lay), sengem Optakt-Album vun der neier Serie “De Rescht vun der Geschicht”, plädéiert den Zeechner Marc Angel fir deen einsame mee couragéierte Kampf géint de politesche Matleefertum. A brécht gläichzäiteg mat engem nationale Mythos.

De Yoann ass e franséische BD-Auteur, dee fir de BD-Festival zu Conter war. De Yoann huet fir déi gréisste belsch Verläg geschafft. Fir Dupuis huet hien d’Episoden 51-55 vun “Les aventures de Spriou et Fantasio” gezeechent an domat d’Vermächtnis vum André Franquin weidergeféiert, an de Figure vum Marsupilami, Gaston Lagaffe a Compagnie neit Liewen agehaucht. Weiderhin huet hien och de Spirou Superhelde Spinoff SuperGroom an d’Band vu chaotesche Superhelden “Les Captainz” geschaaft. Den Nicolas Calmes huet den Auteur um Festival interviewt.

Den Iwwerbléck vun der Programmatioun mam Michel Delage

Mat “Terrasses” retracéiert de Laurent Gaudé d’Attentater vum 13. November 2015 op Paräisser Terrassen an op de Bataclan aus der Siicht vun den Affer, de Famillen a Partner, de Rettungsdéngschter an Asazkommandoen - dat an engem polyphonen Text, dee sech um Chouer vun der griichescher Tragedie wëllt bedéngen. Wisou dat net ganz opgeet, verréit de Jeff Schinker a senger Rezensioun.

Den Open Air Cinema um Knuedler; nei Ausstellungen am Prabbeli zu Wolz an am Nationalmusée um Fëschmaart; d’Congés annulés an de Rotonden an den Echterlive Festival zu Iechternach: dat a villes méi gëtt et am Kulturagenda vun der Woch.