Kultur

Dee bekanntste Lëtzebuerger Museker ass och gläichzäiteg ee vun deene poleemeschsten, deen duerch säin Aktivismus, sief e politesch oder kulturpolitesch, ëmmer nees op sech opmierksam mécht. Viru "Viva", wat virun enger Woch erauskoum, hat de Museker d’Single "Nous sommes les hommes" a säi provokanten Ad-Hominem-Track "De Faktefred" erausbruecht a schéngt mat sengen dräi leschte Singlen och musikalescht Neiland ze sichen. Hien ass live fir en Interview mam Jeff Schinker bei eis am Studio.

A sengem neie Roman “Ces féroces soldats” verléisst de franséische Schrëftsteller Joël Egloff seng gewéinlech fiktional Prosa an erzielt hei d’Geschicht vu sengen Elteren. Méi prezis, d’Liewe vu sengen Eltere wärend dem Zweete Weltkrich. Seng Mamm, nach e Kand, säi Papp, e Jugendlechen, deen an déi däitsch Arméi zwangsrekrutéiert gouf.

D'Valerija Berdi huet “Ces féroces soldats” gelies. D'Buch koum am Verlag Buchet-Chastel eraus.

Obschonn d'Summervakanz well ugefaangen huet an domat, ofgesi vun der Congés-Annulés-Programmatioun an de Rotondë vun nächstem Freideg un, dat klassescht Summerlach fir kulturell Langweil misst suergen, ware gëschter Owend direkt e puer Vernissagen uechter d'Land verdeelt. Den Nicolas Calmes war am CNA, fir sech dem éisträichesche Kënschtler Kai Walkowiak seng Ausernanersetzung mat der Zäit an der Expo "Traces of Time" unzekucken - an d'Cally Kerschen huet sech an der Méckenheck esou guer bis an de Koustall gewot, fir sech mat Organisateuren an Organisatricen a Kënschtler:innen iwwer déi kollektiv Ausstellung ze ënnerhalen.

Am Kader vun hirem Summerprogramm organiséiert d’Stad Lëtzebuerg dëse Samschdeg, 20. Juli 2024 hiren traditionelle Museksmarathon, de Blues'n' Jazz Rallye an den Alstadquartiere Pafendall, Clausen a Gronn. De Michel Leruth ass Booker fir dëst Evenement, bei deem 40 Bands a Museker optrieden op enger Hellewull Bünen. Hien gëtt Detailer.

Si ass 1989 am Kongo gebuer an huet hiert Land als Kand wéinst dem Biergerkrich a Richtung Frankräich verlooss. Haut ass Eve Guerra Proffessorin fir Latäin an Algriichesch an nodeems si e Gedichtband erausbruecht huet, koum elo hiren éischte Roman “Rapatriement” bei Editions Grasset eraus. E Roman, deen dann och direkt ausgezeechent gouf mam Prix Goncourt du premier roman.

“Rapatriement” ass en autobiographescht Wierk, wou awer och Fiktioun seng Plaz huet. Fiktiv ass schonn den Numm vun der Protagonistin, Annabella, déi d’Noriicht kritt, datt hire Papp gestuerwen ass, an deem seng Läich soll rapatriéiert ginn. Si ass awer net just an totaler finanzieller Nout, si huet sech och a Lige verstréckt, esou, datt et schwéier ass en Auswee aus hirer Situatioun an de Wee bei hire Papp ze fannen. Gläich engem Bewosstsënnsstroum kommen Erënnerungen un d’Kandheet, d’Relatioun mam Papp, Momenter an Afrika op ...

Mee bei der Eve Guerra ass net just wichteg, wat si erzielt, mee och wéi si erzielt an doriwwer loosse mir si elo erzielen ...

Am Kader vun hirem Summerprogramm organiséiert d’Stad Lëtzebuerg dëse Samschdeg, 20. Juli 2024 hiren traditionelle Museksmarathon, de Blues'n' Jazz Rallye an den Alstadquartiere Pafendall, Clausen a Gronn. De Michel Leruth ass Booker fir dëst Evenement, bei deem 40 Bands a Museker optrieden op enger Hellewull Bünen. Hien ass am Studio a gëtt Detailer.

Wärend zu Paräis déi lescht Virbereedunge fir d'Olympesch Spiller amgaang sinn, erfuerscht eng lëtzebuergesch Produktioun am Off zu Avignon déi donkel Säit vum Leeschtungssport. No "Petit frère - la grande histoire Aznavour" gouf dëst Joer déi däitschsproocheg Produktioun "Körper am Ende der Welt" vun engem vu Kultur | lx opgestallte Jury op Avignon geschéckt. Fir d'Virstellungen um weltbekannte Festival, op deem dëst Joer am Off iwwer 1.600 Spektakelen ze gesi sinn, gouf d'Stéck op Franséisch iwwersat. "Corps au bout du monde" erzielt déi deels autofiktional Geschicht vu Gymnastinnen, déi wéi d'Schauspillerin Marion Rothhaar an hire jonke Joren hire Kierper an hiert Liewen dem Diktat vum Sport afferen.

De Jeff Schinker huet déi zwou Schauspillerinnen no hirem Optrëtt am Château de Saint-Chamand zu Avignon an een Dag no de Walen a Frankräich ausgefrot iwwer déi verschidden Erausfuerderungen, déi d'Spillen an enger anerer Sprooch, d'Erausstiechen an enger Mass vun 1.600 Spektakelen an d'alldeeglecht Optrieden an der Hëtzt vun der Provence mat sech bréngen.

Am Centre des arts pluriels zu Ettelbréck gëtt et zanter dëse Mount eng nei Spëtzt, nodeems Enn Abrëll annoncéiert gouf, datt deen deemolegen Direkter Carl Adalsteinsson géif am Kulturministère d’Roll vum Premier Conseiller iwwerhuelen. D’Ana Maria Tzekov huet virdrun an der Philharmonie am Beräich Museksvermëttlung geschafft an huet déi lescht Woch an de CAPE agelueden, fir d’Presentatioun vun der Saison 2024/25. De Marc Clement ass der Invitatioun nokomm a wollt wëssen, wouhin et geet am CAPE.

Wärend zu Paräis déi lescht Virbereedunge fir d'Olympesch Spiller amgaang sinn, erfuerscht eng lëtzebuergesch Produktioun am Off zu Avignon déi donkel Säit vum Leeschtungssport. No "Petit frère - la grande histoire Aznavour" gouf dëst Joer déi däitschsproocheg Produktioun "Körper am Ende der Welt" vun engem vu Kultur | lx opgestallte Jury op Avignon geschéckt. Fir d'Virstellungen um weltbekannte Festival, op deem dëst Joer am Off iwwer 1.600 Spektakelen ze gesi sinn, gouf d'Stéck op Franséisch iwwersat. "Corps au bout du monde" erzielt déi deels autofiktional Geschicht vu Gymnastinnen, déi wéi d'Schauspillerin Marion Rothhaar an hire jonke Joren hire Kierper an hiert Liewen dem Diktat vum Sport afferen.

De Jeff Schinker huet déi zwou Schauspillerinnen no hirem Optrëtt am Château de Saint-Chamand zu Avignon ausgefrot iwwer déi verschidden Erausfuerderungen, déi d'Spillen an enger anerer Sprooch, d'Erausstiechen an enger Mass vun 1.600 Spektakelen an d'alldeeglecht Optrieden an der Hëtzt vun der Provence mat sech bréngen.

Si ass déi éischt däitsch Schrëftstellerin, déi elo mam International Booker Prize ausgezeechent gouf an dat mat hirem Roman "Kairos". Si erzielt hei eng Libesgeschicht an der Zäit vum Berliner Mauerfall. E Roman, dee sengesgläichen nach siche muss, mengt d’Valerija Berdi.