Kultur

2005 gouf vu Lëtzebuerg a Saarbrécken de grenziwwerschreidende KënschtlerInnen-Austausch Artmix lancéiert. Fir déi 12. Editioun huet e Jury d’Noé Deboutay vu Lëtzebuerg an d’Darja Linder vu Saarbrécken ausgewielt, déi allebéid nach 2 Kënschtler:innen invitéiert hunn. Den Artmix-Quartett war dunn Enn 2023 am Neimënster, Fréijoer 2024 an der Saarbrécker Stadtgalerie a Residenz. Iwwer d’Ambiance hate mir e Reportage gesent, deen Dir op eisem Site 100komma7.lu fannt. Am Cercle Cité kënnt Dir och kënschtleresch Resultater gesinn. Dozou d’Darja Linder am Gespréich mam Kerstin Thalau

Den Edward Steichen zielt zu de bedeitendste Fotografen aus dem leschte Joerhonnert. Hien war e Pionéier an der Fashion-Fotografie a mat sengem Wierk huet hie verursaacht, datt d’Fotografie als eng Konschtform ugesi gëtt. Op der ieweschter Etage vum Nationalmusée um Fëschmaart sinn den Ament e puer Dosen Aarbechte vun him ausgestallt. Verschiddener esouguer fir déi alleréischte Kéier. De Joé Birchen war bis op d’Plaz, an huet eis e puer Andréck matbruecht.

D’Stad Klierf, eis Cité de l’image, bitt Foto-Interesséierte beim momentane Sonn-Reen-Wolleke-Mix den ideale Programm: eran an d’Klierfer Schlass bei d'Family of man, wann et ufänkt ze drëpsen; mellt sech d’Sonn: eraus bei déi verschidde Fotoinstallatiounen, déi d’Stad an eng Zort Open-Air-Galerie verwandelen; geet d’Luucht nees zou: eran an dat historescht Brahaus, an deem bis den 30. Juni Aarbechte vun de 14 Finalisten a Finalistinne vum zweete Klierfer Prix de la photographie ze gesi sinn. D’Kerstin Thalau war mat der Sandra Schwender, Curatrice vun der Cité de l’image, en Tour duerch d’Expo maachen.

D‘Charli XCX huet Musek fir Britney Spears, Gwen Stefani, Selena Gomez a Rita Ora geschriwwen an huet eng seelen Toun-Faarf-Synethesie, bei där si Téin duerch Faarwe wouerhëlt. Hir Solo-Karriär ass zanter 16 Joer um Rullen, si huet mat 14 an engem Londoner Club ugefaangen - mat éischten, op Myspace verëffentlechte Songs. Duerno huet si futuristesch Pop-Experimenter an de Vierdergrond gestallt a Plack fir Plack iwwerrascht. “Fast Forward” bei 2024, wou d‘Charli XCX hir 7. Soloplack “Brat“ erausbréngt an alt erëm eppes proposéiert, wat kee sech erwaart hat. De Marc Clement aus der Museksredaktioun huet se gelauschtert.

D‘Charli XCX huet Musek fir Britney Spears, Gwen Stefani, Selena Gomez a Rita Ora geschriwwen an huet eng seelen Toun-Faarf-Synethesie, bei där si Téin duerch Faarwe wouerhëlt. Hir Solo-Karriär ass zanter 16 Joer um Rullen, si huet mat 14 an engem Londoner Club ugefaangen - mat éischten, op Myspace verëffentlechte Songs. Duerno huet si futuristesch Pop-Experimenter an de Vierdergrond gestallt a Plack fir Plack iwwerrascht. “Fast Forward” bei 2024, wou d‘Charli XCX hir 7. Soloplack “Brat“ erausbréngt an alt erëm eppes proposéiert, wat kee sech erwaart hat. De Marc Clement aus der Museksredaktioun huet se gelauschtert.

Fir den 100. Doudesdag vum Franz Kafka gouf et d'lescht Woch zwee Evenementer am lëtzebuergeschen Theatercircuit: ee klenge Franz-Kafka-Festival vum IPW am TNL, a “Brief an den Vater” vum Kay Wuschek am Mierscher Kulturhaus. Den Nicolas Calmes war sech “Brief an den Vater” ukucken; d’^Steck ass gelongen.

Nieft dem Programm vum Monodrama an dem Talent Lab ass och de klasseschen Theaterprogramm den Ament mat enger Rei neie Produktioune gutt gefëllt. Eng dovunner ass dem Calle Fuhr säin “Alphabet”, an deem d’Klimakris vun A bis Z erzielt gëtt - dat net just metaphoresch.

Déi zweet Woch vum Monodrama Festival, e Mëttelalterfest, de Marché de la poésie, a villes méi am Kulturagenda vun der Woch

Et gi jo Leit, déi héiere Faarwen, oder gesinn Téin. Een dovunner ass de Camille Kerger - e Komponist, deen dës Vermëschung vu Sënner elo an engem neie Wierk vertount huet. A genee esou wéi beim Komponéiere ginn och bei der Opféierung déi Béid Sënner “Kucken“ an “Héieren“ matenee verméscht. D‘Wierk “ARC-EN-CIEL“ ass vun en Donneschdeg nämlech am Théâtre National du Luxembourg ze erliewen, mam Ensembel Kammerata Luxembourg, der Choreographin Jill Crovisier an dem Liichtkënschtler Marc Thein.

Et war eng intensiv Woch fir Fans vun alternative Kläng: Wéi zanter e puer Joer fänkt den Atelier nom Usina säi Summermarathon un. Mat St. Vincent um Méindeg, Slowdive den Dënschdeg, Faux Real e Mëttwoch, Ghinzu um Freideg, The Streets de Samschdeg a Faithless e Sonnden, gouf et weder Zäit sech ze langweilen, nach sech ze erblosen. De Marc Clement an de Jeff Schinker ware sech eng Rëtsch vun de Concerten ukucken.