Kultur

Passend zur Ouschtervakanz kuckt de Jean Portante e Wuert ënner senger eetymologescher Lupp, an dem een esou Vakanze gäre mol verbréngt: Hotel.

No der "An der Schwemm" inzenéiert d'Marion Rothhaar een Theaterstéck iwwer den éischten Anorexie-Doud vun der Popkultur. A "My Body Keeps Changing My Mind" geet et ëm déi erstaunlech Karriär vun der Karen Carpenter.

"The Waves", dat ass d'Kompositioun vun der Catherine Kontz, déi um neien Album vun de Solistes Européens, Luxembourg - Luxembourg Contemporary Music Vol. 3 - mat dobäi ass. D'Marie Trussart huet mat der Komponistin ënner anerem iwwer d'Entsteeung vum Wierk geschwat an him ënner anerem verroden, wat Welle mat Feminismus ze dinn hunn.

An enger Kuerzserie rezenséiert de Jeff Schinker all Woch ee vun de Favoritte vun der franséischer Rentrée littéraire vum Januar - a verréit eis, op den Hype gerechtfäerdegt ass. Am siwente Bäitrag beschwätzt hien "Dans la ville" vun der Elodie Fiabane an "La Manche" vum Max De Paz. Zwee Romaner iwwer Obdachlosegkeet - eemol vu baussen an eemol vu bannen erlieft.

You Doo Right hu sech no engem Titel vun der däitscher Krautrock-Band Can benannt. Hire Gittarist Justin Cober seet sech faszinéiert vun de Faarwen, déi d’Jugend- a Géigekultur am Däitschland vun der 70er ugeholl huet an erzielt dem Marc Clement - éier si den Owend d’Rotondë mat grouss ugeluechtem instrumentale Rock fëllen - iwwer weider Aspekter vun hirer Musek.

An enger Kuerzserie rezenséiert de Jeff Schinker all Woch ee vun de Favoritte vun der franséischer Rentrée littéraire vum Januar - a verréit eis, op den Hype gerechtfäerdegt ass. Am siwente Bäitrag beschwätzt hien an "La Manche" vum Max De Paz.

E Roman iwwer seng Mamm hätt hie geschriwwen, seet den Alem Grabovac. Et ass awer och e Roman iwwer säin eegene Liewenswee. An Däitschland gebuer, Kand vun enger kroatescher Mamm an engem bosnesche Papp, huet hie Soziologie, Literatur a Politologie studéiert. De Wee bis dohinner war net esou evident. Eng Kandheet a Jugend tëschent engem gewalttätegem Stéifpapp, enger däitscher Fleegefamill an enger Mamm, déi sech praktesch doudgeschafft huet, gëtt am Roman “Die Gemeinheit der Diebe” (Hanser Verlag) beschriwwen. D'Valerija Berdi ass dem Schrëftsteller op der Leipziger Buchmesse begéint fir mat him iwwer dësen autofiktionale Roman ze schwätzen. Hei en Extrait aus dësem Gespréich

E Roman iwwer seng Mamm hätt hie geschriwwen, seet den Alem Grabovac. Et ass awer och e Roman iwwer säin eegene Liewenswee. An Däitschland gebuer, Kand vun enger kroatescher Mamm an engem bosnesche Papp, huet hie Soziologie, Literatur a Politologie studéiert. De Wee bis dohinner war net esou evident. Eng Kandheet a Jugend tëschent engem gewalttätegem Stéifpapp, enger däitscher Fleegefamill an enger Mamm, déi sech praktesch doudgeschafft huet, gëtt am Roman “Die Gemeinheit der Diebe” (Hanser Verlag) beschriwwen. D'Valerija Berdi ass dem Schrëftsteller op der Leipziger Buchmesse begéint fir mat him iwwer dësen autofiktionale Roman ze schwätzen.

Der 70-järeger, fréierer Sonic Youth-Frontfra Kim Gordon, hir nei Plack “The Collective” ass mëttlerweil schonns ee Mount eraus, mee villäicht méi wéi jee derwaert ze recommandéieren. Firwat? Well dat, wat am Ufank mat flashege Beats a vill Stream-of-Consciousness wéi ee kuerzleebegen Unikum geschéngt huet, och elo näischt vu senger Schäerft verluer huet. Test bestanen?

De Michel Delage schwätzt mam argentinesche Realisateur iwwer seng Krimi-Komedie "Los Delincuentes", eng Lëtzebuerger Co-Produktioun.