Kultur

Den 2. Mäerz ass am Mierscher Kulturhaus e ganz aussergewéinleche Concert. Ënner dem Motto “Paysages en Variations” luet d’Kammerata op en Owend an, mat Kammermusek vu Messiaen, Bonis oder och Kurtag ënner anerem. De Maurice Clement ergänzt d’Stécker um Piano mat Improvisatiounen. Dozou kënnt nach eng visuell Dimensioun: et ginn Naturfotoe vum Norbert Ketter a Raymond Clement projezéiert.

De Maurice Clement huet dem Marie Trussart ënner anerem verroden, wat ee sech ënner dem Konzept virstelle kann, a wat genee d'Roll vun der Improvisatioun wärend dem Concert wäert sinn.

An enger neier Kuerzserie rezenséiert de Jeff Schinker all Woch ee vun de Favoritte vun der franséischer Rentrée littéraire vum Januar - a verréit eis, op den Hype gerechtfäerdegt ass. Am véierte Bäitrag beschwätzt hien "Sous la menace" vum Vincent Almendros.

Zanter 2009 verdeelt de Centre National de l’Audiovisuel (CNA) all Joer eng Bourse fir Kënschtler bei hiren neie fotografesche Projeten ze ënnerstëtzen. Ee vun de véier Dossieren, dee viru puer Méint zeréckbehale gouf, ass dee vum Lëtzebuerger Skulpteur a Fotograf Serge Ecker. Fir gewuer ze ginn, wou hie mat der Aarbecht an Tëschenzäit drun ass, war de Joé Birchen de Kënschtler bis a säi Studio besichen an ass dobäi nach méi iwwer den zukünftege Projet gewuer ginn.

Deen däitschen Iwwersetzer, Schrëftsteller a laangjärege Chef vum Hanser-Verlag war kierzlech zu Lëtzebuerg fir am Institut Pierre Werner säin neit Wierk “Verabredung mit Dichtern”, dat am Suhrkamp-Verlag erauskoum, virzestellen. Erënnerungen u Rencontere mat groussen Nimm aus der Weltliteratur.

An eiser Emissioun “Déi wonnerbar VaLibrairie” huet d’Valerija Berdi mam Michael Krüger iwwer säi Liewen a seng Souvenire geschwat. An do waren och Treffe mat der Lëtzebuerger Literatur a mam Lëtzebuerger Wäin. Mir lauschteren hei en Extrait.

Den Directeur artistique vum Festival Alexis Juncosa iwwer déi grouss Tendenze bei der Programmatioun

Dee beléifte Festival fir keltesch Musek zu Diddeleng, geet de 14.-16. Mäerz dëst Joer a seng 28. Editioun. Detailer mam Programmateur John Rech

Mam Alexis Juncosa schwätzt de Michel Delage iwwer déi grouss Tendenze vun der Programmatioun. Wourop muss ee sech am grousse Ganze bei dësem Luxfilmfest astellen?

So cute - oder? Eng Ausstellung am Somerset House zu London beliicht an hannerfreet d'Konzept vum "cute" a weist, wéi dat butzegt, dat léift an dat goldegt och gären zu konsumeristeschen a politesch dubiéisen Zwecker ka benotzt ginn.

D'Maîtrise trëtt op hirem éischte Concert an der Philharmonie mam Organist Paul Breisch a mam Orchestre de Chambre du Luxembourg (OCL) op.

D'Haaptwierk vum Concert ass de Requiem vum Maurice Duruflé. Allerdéngs ass d'Iwwerschrëft vum Concert “échappées grégoriennes”. Firwat dat esou ass, verréit de Marc Dostert, Dirigent vun der Maîtrise, am Interview beim Christophe Mirkes.

An eiser neier Rubrik ginn Theaterstécker, déi d’virecht Woch ugelaf sinn, op de Leescht geholl – an et gëtt ee kuerzen Ausbléck op dat, wat eis Enn der Woch erwaart. De Jeff Schinker huet sech dofir "Ce que j’appelle oubli" am CAPE an "Héritage" am Kapuzinetheater ugekuckt – an ass mat sengen Andréck bei eis am Studio.