Kultur

Mat enger héichkaräteger Besetzung erzielt déi nei Apple TV-Serie „The New Look“ vun der Rivalitéit tëscht Dior a Chanel an der Zäit vum Zweete Weltkrich. An zéng Episode vu 45 Minutte geet et dorëm, wéi déi grouss Nimm vun der franséischer Haute Couture probéieren hir Konscht – an hiert Geschäft – duerch d’Zäit vun der franséischer Occupatioun ze retten.

Dobäi gouf souguer de Soundtrack quasi op d’Mooss gemaach: De Jack Antonoff, bekannt duerch säi Projet Bleachers, virun allem awer als Produzent vun der Taylor Swift, huet eng ganz Rei renomméiert Kënschtlerinnen a Kënschtler ausgesicht, déi Klassiker aus déi éischter Hallschent vum 20. Joerhonnert nei interpretéieren.

Ënnert dem Titel „Memories“ gi véier Wang-Bing-Filmer, a spezieller Zeenographie, am Cercle Cité presentéiert.

Tëscht dem 29. Februar an dem 10. Mäerz ass Luxembourg City Filmfestival. Mat dobäi de Wang Bing. De Realisateur ass 1967, kuerz nom Ufank vun der Kulturrevolutioun, a China op d’Welt komm, huet mat 14 säi Papp verluer, ass du fir seng Famill schaffe gaangen. Spéider huet hie Foto a Film studéiert. Am Westen huet hie sech mëttlerweil en Numm als haarde realisteschen Documentaire-Filmer gemaach. Mat véier vu sengen Aarbechte kënnt Dir iech elo schonn am Ratskeller vum Cercle Cité ausenanersetzen. Eng Film-Expo obschonns Wang-Bing-Aarbechten am Kontext vum Festival gewise ginn? D’Kerstin Thalau ass dozou vun der Curatrice Anastasia Chaguidouline méi gewuer ginn.

Ënnert dem Titel „Memories“ gi véier Filmer vum Wang Bing am Cercle Cité presentéiert.

Tëscht dem 29. Februar an dem 10. Mäerz ass Luxembourg City Filmfestival. Mat dobäi de Wang Bing. De Realisateur ass 1967, kuerz nom Ufank vun der Kulturrevolutioun, a China op d’Welt komm, huet mat 14 säi Papp verluer, ass du fir seng Famill schaffe gaangen. Spéider huet hie Foto a Film studéiert. Am Westen huet hie sech mëttlerweil en Numm als haarde realisteschen Documentaire-Filmer gemaach. Mat véier vu sengen Aarbechte kënnt Dir iech elo schonn am Ratskeller vum Cercle Cité ausenanersetzen. Eng Film-Expo obschonns Wang-Bing-Aarbechten am Kontext vum Festival gewise ginn? D’Kerstin Thalau ass dozou vun der Curatrice Anastasia Chaguidouline méi gewuer ginn.

An eise geopoeeteschen Ausflich brénge mer Mënsch, Ëmwelt a Literatur méi no beieneen. No engem klengen Tour am Mëllerdall geet et elo an den Éislek - an d’Land vum Schifer.

Op engem mëlle Moie voller Niwwel huet sech de Joé Birchen mat dem Schrëftsteller a Paleontolog Robert Weis op de Wee gemaach. Vun Veianen aus sinn si iwwert d’Leeën aus Schifer bis erop an däischter Eeche-Becher gaangen. Do hu si iwwert al Schmugglerweeër d’Grenz zu Däitschland iwwerschratt, a sinn op ee vun de gréissten Eechebeem aus der Republik gestouss.

De Robert Weis rifft e puer Erënnerungen aus senger Kandheet op an ass sech sécher, datt Landschaften, déi ee vu Kand u kennt engem besonnesch no stinn - och wann een déi Géigende scho laang verlooss huet. Mat enger Beweegung duerch eng Landschaft voller Wuerzele gräife mer ee Widdersproch op: Ass et méiglech Nomad ze sinn, a gläichzäiteg fest Connectiounen zu enger Plaz ze hunn? Domat komme mer zum Tiziano Fratus, engem italieenesche Poeet, deem dëse Spagat geléngt.

Keng Plaz ass esou besonnesch an eenzegaarteg wei Doheem. Déi zwee Kënschtler Chantal Maquet a Miikka Heinonen hunn an der Galerie Schlassgoart zu Esch Uelzecht eng nei Ausstellung mat dem Titel “No Place Like Home”, an hei geet et mat Tableauen a Fotografien em d’Notioune vum Doheem an der Verwuerzlung. De Joé Birchen huet een Tour duerch d’Expo gemaach an eis e klengen Abléck matbruecht.

Well de Jean Portante ëmmer mat vill Humor d’Wierder ënnert seng etymologesch Lupp hëlt, huet de Schrëftsteller sech haut virgeholl, eis ze soen, wou dann d‘Wuert „Humor“ hierkënnt.

D’Marcy ass eng engagéiert Musikerin. Hir éischt Lidder waren eng Trilogie iwwer Gewalt a Bezéiungen, a mat "Aus dem Haus" huet si beim RTL-Projet “eis Stemmen” iwwer Wunnengsnout geschriwwen. Mëttlerweil ass si ganz lass, a sicht no hirem Stil: méi rockeg soll et an Zukunft zougoen. Tëschenduerch awer dëst: mam Rapper Skuto, séngem Wiener Songwriterkolleeg Nick Ryan an dem Produzent Suki koum kierzlech d’Single “Steuerrad” eraus. De Marc Clement huet d’Marcy an de Skuto un der Strëpp, fir der Kollaboratioun op de Grond ze goen.

Den Iwwerbléck vun der neier Filmwoch mam Michel Delage.