Kultur

Den Nationalmusée um Fëschmaart huet eng nei Ausstellung ronderëm ee vun de bedeitendste Lëtzebuerger Moler op d’Bee gestallt. Nodeems de Musée lescht Joer eng Crowdfunding Aktioun gestart hat fir dem Joseph Kutter säi Champion an d’Sammlung ze kréien, gëtt et elo eng nei Expo déi sech em d’Portraite vum Kënschtler dréint.

A sengem Wierk “Verabredung mit Dichtern” schreift den däitsche Schrëftsteller, Iwwersetzer a jorelaange Leeder vum Hanser-Verlag, de Michael Krüger iwwer seng Erënnerungen a Renconteren.

Seng Kandheet a Sachsen, de Wee an d’Ëmweeër bis bei de Hanser-Verlag an déi domat verbonne sëlleg Begéinungen a Frëndschafte mat groussen Nimm aus der Welt vun der Literatur an der Konscht, ginn hei vun him erzielt. De Michael Krüger war mat sengem Buch Invité am Institut Pierre Werner an och bei eis am Studio, fir e Gespréich mam Valerija Berdi. Haut en Extrait, dat ganzt Gespréich mat Auteur vum Wierk “Verabredung mit Dichtern – Erinnerungen und Begegnungen”, dat am Suhrkamp-Verlag eraus komm ass, kënnt der an der nächster Editioun vun eiser Literatursendung “Déi wonnerbar Valibrairie” lauschteren.

Et ass nach guer net esou laang hir, datt de Jemp Schuster säin op zwee Bänn konzipéierte Romanzyklus virgeluecht huet. ''Bluttsëffer'' a ''Ouereschlëffer'' waren zesumme geholl e monumentaalt Wierk, dat Publikumserfolleg a literaresch Ambitiounen ënnert een Hutt konnt bréngen. A scho schéisst den Auteur e weidere Roman no: "Béischten". De Michel Delage huet d'Buch gelies.

De Wee vun der Fiktioun an d'Realitéit passéiert seelen, ouni dass sech de Kapitalismus aschalt. Eis London-Korrespondentin Marie Billon interesséiert sech fir déi ongewéinlech Stee, zu där et am Virfeld och eng Expo gouf.

Wéi all Mëttwoch hëlt de Schrëftsteller Jean Portante eis mat op eng etymologesch a poetesch Rees ronderëm säi Wuert vun der Woch

Mam Valerija Berdi geet Rieds iwwer d'Erausfuerderunge vum neie Posten an Zukunftsperspektive vun der Theaterbranche.

Den Iwwerbléck vun der neier Filmwoch mam Michel Delage.

Iwwerbléck vun der neier Filmwoch an éischt Informatiounen iwwer de Luxfilmfest (29.2.-10.3.2024).

De Schrëftsteller Guy Helminger ass zu Kolkata a Westbengale gelant, wou e Literaturfestival stattfënnt, e Kontrastprogramm zu enger Stad, déi vill Aarmut weist a wou d’Leit éischter versichen, ze iwwerliewe wéi Gedichter ze liesen. An iwwer allem waacht d’Kali, d‘Gëttin vum Dout, vun der Zerstéierung a vun der Erneierung.

Fir vill Opreegung hat virun zéng Deeg den nationale Virentscheet vun der Eurovisioun gesuergt. Schweedesch Songwriter, eng israelesch Produktiounsfirma: Vill Plaz fir Lëtzebuerg schéngt fir vill Leit net bliwwen ze sinn. Wisou an ob dat iwwerhaapt problematesch ass, doriwwer ënnerhale sech de Marc Clement an de Jeff Schinker mam Chris Reitz, President vun der Fédération Luxembourgeoise des Auteurs et Compositeurs, kuerz FLAC.