Kultur

Geopoesie a Praxis ëmsetzen? Dat mécht de Paleontolog a Schrëftsteller Robert Weis, wann hien dobaussen ënnerwee ass. De Joé Birchen war mat him an den Naturpark Mëllerdall, wou si allebéid Impressioune vun enger besonnescher Plaz gesammelt hunn. Een Abléck an eng geopoeetesch Rees

De Schrëftsteller Guy Helminger ass mat sengem Chauffeur Sanjay ënnerwee duerch Rajasthan an op der Sich no Gléck. Bei esou ville Gottheeten a Méiglechkeeten, ëm hir Gonscht ze biedelen, schéint dat eng liicht Aufgab ze sinn. Mee net all Affer-Ritual gëtt belount. Heiansdo stellt sech d‘Liewen einfach queesch.

"Blaustufen“ heescht den Debutroman vun der Faby Schintgen, deen Op der Lay erauskoum. Erzielt gëtt hei d‘Geschicht vun enger Fra, déi vun hirem Liewen als Mamm an Hausfra iwwerfuerdert ass. D‘Valerija Berdi huet d‘Buch gelies.

Dem Shakespeare säi bekannten existenziellen Dicton kritt ee feministeschen Touch an der Christine Muller hirer Mise en scène vun der Anne Berest hirem Monolog "La visite": Mamm-sinn oder net Mamm-sinn. Leider ass et bei der Haaptfigur schonn ze spéit.

Den Iwwerbléck vun den neie Filmer mam Michel Delage.

D’lescht Woch gouf am Theatre National mol eng Kéier keen Theaterstéck gewisen. "Beethovens Geist" heescht d’Virféierung vum Yann Tonnar a Jean Muller. Et handelt sech heibäi souwuel ëm d’Virstellung vum Kuerzfilm "Beethovens Geist" an ëm ee live Pianosconcert vum Jean Muller. Dem Nicolas Calmes no war et een Owend ouni Pretentioun, mee vill Devotioun.

De Reset Festival ass ee vun deene spannendste Jazz-Rendez-vousen am Land, all Januar an der Abtei Neimënster. Fir dës siwenten Editioun vum wanterlechen Jazzfestival huet d’Abtei hir Invitatioun un de Komponist a Vibrafonist Pascal Schumacher erneiert, fir d'Roll vum musikalesche Curateur ze iwwerhuelen. Aacht Rising Stars an etabléiert Nimm, aus aacht Länner, der Belsch, Frankräich, Däitschland, Finnland, Japan, Dänemark a Groussbritannien, véier Männer a véier Frae gi begleet vum Lëtzebuerger Kontrabassist Marc Demuth an deele fir e puer Deeg d’Residenz am Neimënster.

Vum 18.-20.1. kënnt Dir kënnt d’Resultat vun hirem Austausch wärend dräi aussergewéinlechen Owender materliewen. De Marc Clement war an déi lescht Prouwe lauschteren a krut vun der franséischer Klarinettistin Elodie Pasquier bestätegt, datt dat zesummeschweesst an enger Woch esou vill nei Musek ze maachen.

Bis Liichtmëssdag dauert et nach. Wie bréngt eis an der Tëschenzäit Freed a Liicht? Eventuell d’Alexandra Uppman. Déi lëtzebuergesch-finnesch Kënschtlerin a Grafikerin huet sech hir Gedanken zu “däischterer Zäit” a “Luucht” gemaach a se kënschtleresch ëmgesat. Hiert Wierk “Yuletide Dreams“ gëtt aktuell an der CeCil’s Box vum Cercle Cité presentéiert. D’Ausstellungsplaz soll Kënschtler zu Experimenter motivéieren, dem Nicolas Calmes no ass dat leider déi Kéier gescheitert.

Den Iwwerbléck vun den neie Filmer mam Michel Delage

Haut (17.1.) leeft zu Groningen ee vun de wichtegste Showcase Museksfestival an Europa un. Déi nächst véier Deeg treffen am Norde vun Holland ronn dräihonnert frësch europäesch Musekstalenter op ronn véierdausend Professioneller aus der Museksbranche. Dat mat der Hoffnung nei Kontrakter ze ënnerschreiwen, op wichteg Festivaller gebucht ze ginn oder och einfach “the next big thing” ze ginn. De Eurosonic Museksfestival ass och staark mam radio 100,7 verbonnen. Den Jamie Reinert am Gespréich mam Simon Larosche.