Kultur

“Rede zur Literatur”, en Essay vun der Schrëftstellerin Nora Wagener, gouf elo vum Nationale Literaturzenter publizéiert. Eng Ried, déi am Kontext vun enger Autoreresidenz, déi vu Kultur | lx an Zesummenaarbecht mat de Lëtzebuerger Bicherfrënn, dem Nationale Literaturzentrum an dem Literarisches Colloquium Berlin entstanen ass.

De Kënschtler besser Konditiounen erméiglechen, fir datt si méi liicht vun hirer Aarbecht liewe kënnen. Dat ass eent vun den Haaptziler vun der ASBL La Concierge. D’Organisatioun mécht mat enger Ausstellung, bei där néng jonk Lëtzebuerger Kënschtler dobäi sinn, am Esapce H2O zu Uewerkuer hiren Optakt.

De Joé Birchen bréngt eis een Androck vun der Expo mat an huet mat den zwee Kënschtler:innen a Grënner:inne vun der ASBL, dem Steven Cruz an der Liliana Francisco iwwer hir weider Pläng geschwat.

De Programm vun der neier Filmwoch mam Michel Delage

A sengem neie Roman "Yeshuah. Une vie de Jésus après sa Crucifixion" beschreift de Claude Schmit e Jesus, deen net um Kräiz gestuerwen ass, inkognito op Roum flücht a fundamental u sech selwer zweiwelt. De Michel Delage mat enger Kritik

De Schrëftsteller Guy Helminger war am Nepal ënnerwee, enger jonker, sougenannter Demokratie. Mee et glënnert net alles, vun deem behaapt gëtt, et wier aus Gold. De Verkéier huet et a sech a bei all Faszinatioun muss ee verschidde reliéis Praktiken dach mat Skepsis begéinen.

Zweemol Papp a Jong. Eng Kéier als Pianoduo, eng Kéier als Perkussiounsduo. Zesummen als Quartett trieden de Gary an de Jean Muller an de Paul an de Michel Mootz zanter 2008 op. An dëser Formatioun spille si och hiren traditionellen Neijoerschconcert. Dräi vun deene véier Museker waren am Interview beim Christophe Mirkes.

Si verroden ënner anerem, wat fir hire 15. Concert de Nouvel An am Stater Conservatoire um Programm steet, wie si als Gäscht op der Bün mat dobäi hunn, a wat en Neijoerschconcert esou besonnesch mécht. Ugefaangen huet d'Gespréich awer mam Ursprong vum Concert de Nouvel An.

Am Virfeld vun de Walfer Bicherdeeg gëtt all Joer de Lëtzebuerger Buchpräis verginn. E Jury determinéiert déi bescht nei Publikatiounen an de Kategorië Literatur, Sachbuch, Kanner- a Jugendbuch. Interessant ass, datt Enn 2023 ausschliisslech AutorINNEN ausgezeechent goufen. Zum Beispill d’Germaine Goetzinger: mam Lëtzebuerger Buchpräis an der Kategorie Sachbuch. An zwar fir hir Biografie “Aline Mayrisch-de Saint-Hubert 1874-1947. Ein Frauenleben im Spannungsfeld von Feminismus, sozialem Engagement und Literatur”. An eisem Literatur 2023-Réckbléck proposéiere mir Iech en Extrait vum Gespréich tëschent Valerija Berdi, Michel Delage a Germaine Goetzinger.

Am Virfeld vun de Walfer Bicherdeeg gëtt all Joer de Lëtzebuerger Buchpräis verginn. E Jury determinéiert déi bescht nei Publikatiounen an de Kategorië Literatur, Sachbuch, Kanner- a Jugendbuch. Interessant ass, datt Enn 2023 ausschliisslech AutorINNEN ausgezeechent goufen. Zum Beispill d’Germaine Goetzinger: mam Lëtzebuerger Buchpräis an der Kategorie Sachbuch. An zwar fir hir Biografie “Aline Mayrisch-de Saint-Hubert 1874–1947. Ein Frauenleben im Spannungsfeld von Feminismus, sozialem Engagement und Literatur”. An eisem Literatur 2023-Réckbléck proposéiere mir Iech en Extrait vum Gespréich tëschent Valerija Berdi, Michel Delage a Germaine Goetzinger.

Am Virfeld vun de Walfer Bicherdeeg gëtt all Joers de Lëtzebuerger Buchpräis verginn. E Jury determinéiert déi bescht nei Publikatiounen an de Kategorië Literatur, Sachbuch, Kanner- a Jugendbuch. Interessant ass, datt Enn 2023 ausschliisslech AutorINNEN ausgezeechent goufen. Zum Beispill d’Claudine Muno: mam Lëtzebuerger Buchpräis an der Kategorie Literatur. An zwar fir de Roman “Dëst ass net däi Liewen”, fir deen d’Autorin och schonn den 1. Präis am Concours littéraire national krut. An eisem Literatur 2023-Réckbléck proposéiere mir Iech en Extrait vum Gespréich tëschent Valerija Berdi, Michel Delage a Claudine Muno.

Eng Koppel gëtt doheem ermuert. Korrupt Flicken. Ideologesch Kämpf a Politik a Press. An der Aarbechterstad Esch ëm 1910. An alles richteg geschitt! An alles literaresch esou iwwerzeegend verschafft, datt de Journalist an Auteur Jérôme Quiqueret fir säi Buch "Tout devait disparaître. Histoire véridique d'un double meurtre commis à Esch-sur-Alzette à la fin de l'été 1910" mam Servais-Präis 2023 ausgezeechent gi war. Dës Woch kucke mir fir d’lescht op d’Kultur-Highlights 2023 zeréck, dowéinst proposéiere mir Iech hei en Extrait aus dem Gespréich tëschent dem Michel Delage an dem Jérôme Quiqueret.