Kultur

De Frank Feitler ass am Alter vun 73 Joer gestuerwen. Vun 2001 bis zu senger Pensioun am Joer 2015 war hien Direkter vum Groussen Theater an der Stad. D'Valerija Berdi mat engem kuerze Portrait vum Professer, Dramaturg, Zeenarist, Schauspiller, Regisseur an Theaterdirekter Frank Feitler.

Fir eise Fotoadventskalenner ware mir well op den Diecher vu Gebaier, a verloosse Gäng an op de Stroosse vum Kierchbierg ënnerwee. De Fotograf Christian Aschman huet wärend engem Joer Ablécker vum Quartier festgehalen, a fir de Rescht vum Mount dauche mir zesumme mat him an e puer vu sengen Impressiounen an.

De Joé Birchen mécht d’Bild vun haut op, a mir kommen op eng Plaz, op där mir nach net waren.

Zanter zéng Joer spillen Zéngdausende vu Britten am Dezember ee besonnescht Adventsspill: Whamageddon. Den Numm leet sech hier aus dem Numm vun der 80er-Jore Popgrupp Wham, där hire Leadsänger den George Michael war. Hire berüümte Chrëschthit "Last Christmas" huet nämlech net nëmme Frënn, besonnesch well et een Euphemismus wier ze soen, e wier iwwerlauschtert, esou dacks héiert een en am Radio, um Chrëschtmaart, an a Geschäfter. D'Zil vum Spill ass et dofir ëm all Präis ze verhënneren, dëst Lidd wärend der Adventszäit zu Oueren ze kréien. D‘Marie Billon rapportéiert vu London.

Fir eise Fotoadventskalenner ware mir well op den Diecher vu Gebaier, a verloosse Gäng an op de Stroosse vum Kierchbierg ënnerwee. De Fotograf Christian Aschman huet wärend engem Joer Ablécker vum Quartier festgehalen, a fir de Rescht vum Mount dauche mir zesumme mat him an e puer vu sengen Impressiounen an.

De Joé Birchen mécht d’Bild vun haut op, a mir kommen op eng Plaz, op där mir nach net waren.

Gëtt et de Geescht aus dem Dicks sengem bekannte Kaméidistéck wierklech? De Lëtzebuerger Schrëftsteller Samuel Hamen huet dem Dicks sengem Geescht en neit Liewen agehaucht an d'Stéck "De Geescht oder d'Mumm Séis" ass ënner der Regie vum Jacques Schiltz fir de Groussen Theater inszenéiert ginn. Eng Operette, déi et a sech huet, där Meenung sinn d'Valerija Berdi an de Michel Delage.

D’Chrëschtdeeg sinn d’Zäit vun de Kaddoen. Dofir huet sech de Jean Portante geduecht ze kucken, wou d'Wuert "Schachspill“ hierkënnt, wat ëmmer e schéine Kaddo ass.

Den Iwwerbléck vum Filmprogramm mam Michel Delage

Chrëschtdeeg sinn eng Zäit, déi fest mat verschiddenen Traditiounen a Ritualer verbonne ass. Vläicht kann een awer och nei Ritualer schafen - esou wéi d‘Rotondë mat hirem familiären an onkonventionelle Feierdags-Programm.

Am Interview erkläert d‘Programmatrice Laura Graser, wéi e Loftballon zum Danzpartner gëtt a beäntwert d‘Fro, wéi eigentlech Schnéi kléngt.

Den Iwwerbléck vum Filmprogramm mam Michel Delage

Iwwert de Rescht vum Mount maache mir hei um Radio Diere vun engem besonneschen Adventskalenner op. De Fotograf Christian Aschman huet nämlech an enger Fotoserie d’Entwécklung vum Kierchbierg festgehalen, an all Dag tauche mer zesumme mat him an eent vu senge Biller an. Mir ware well op Diecher vun héije Gebaier an a lauter Stroossen ënnerwee, dofir geet et haut op eng weider nei Plaz.