Kultur

De Steve Karier ass den Direkter vum Fundamental Monodrama Festival. Op dësem Festival wäerten et Theaterstécker ze gesi ginn, déi just vun enger eenzeger Persoun opgefouert ginn. An engem Interview mam Joé Birchen erzielt eis de Steve Karier e bëssi méi iwwer de Programm vum Festival, a wéi en zesummegestallt gouf.

2021 huet déi kanadesch Post-Punk-Band Ought sech getrennt, kuerz drop hunn de Frontmann Tim Darcy an de Bassist Ben Stidworthy eng nei Formatioun gegrënnt: Cola, d'Ofkierzung fir "Cost of Living Adjustement". An hiren Texter sangen si kritesch iwwer d'Konsumgesellschaft an den Technologie-Boom. Am Interview erkläert eis de Sänger Tim Darcy, firwat déi Sujeten der Band besonnesch wichteg sinn.

Mat dobäi um Marionettefestival zu Toodler ass dëst Joer och d'Trupp Toile Si-Re. An hirem Stéck entseet ëm déi zwee Charaktere Lice & Semp eng Geschicht vun enger Frëndschaft. Dat alles mat hëllef vu schwaarzer Tënt, zerschnëppeltem Pabeier a selwer komponéierter Musek.

En Eenzelgänger war de franséische Museker Jean-Louis Murat, een deen a senge Lidder an a sengem Liewen ëmmer säin eegene Wee gaangen ass. Säi gréisste Succès war dann awer en Duett, den Titel "Regrets" deen hie mat der Mylène Farmer opgeholl huet. Gëschter ass de Jean-Louis Murat iwwerraschend am Alter vun 71 Joer gestuerwen. D'Claudine Muno kuckt nach eemol op seng Karriär zeréck.

Den Tom Leick, Direkter vun de Stater Theateren eisen Invité an der Emissioun Kultur um 5. No de schwéiere Saisonen, déi vun der Covid-Pandemie beanträchtegt waren, kommen d'Leit lues a lues och zréck an d'Theateren. Dem Tom Leick huet iwwer de roude Fuedem vun der neier Saison geschwat, awer och, wéi wichteg et ass, all Leit ze erreechen an datt  d'Iddi vun Elitismus verschwanne muss.

Wat leeft vun neie Filmer am Kino un? De Michel Delage mam Iwwerbléck.

D'Lyriker:inne setzen sech schonn zanter enger Éiwegkeet mat der Natur auserneen. Dat ass näischt Neies. Nei ass awer, Gedichter an der Natur virzedroen, an dat zesumme mat engem Naturwëssenschaftler, deen och Poesie mécht. Do kommen zwee verschidde Milieuen - dee vun der Wëssenschaft a Poesie - beieneen. D'Geopoesie vermëscht a verbënnt all déi verschidde Beräicher, kreéiert Brécken a schléit nei Dieren op. E Bäitrag vum Joé Birchen

Den englesche Krimiauteur Gilbert Keith Chesterton huet emol gesot, datt deen eng Aventure erlieft, dee se sech am mannsten erwaart, also de Romanteschen, de Scheien. Deemno géif d'Aventure dem "Onabenteuerleche" bléien. Do gëtt et spannend! An dat seet ëmmer de Jean Portante bei sengem Wuert vun der Woch. Den Auteur a Literaturexpert huet nogesicht, wou d'Aventure eigentlech hierkënnt.

Den Arthur Unger ass ee lëtzebuergesche Kënschtler, deen zanter de 60er Joren Konschtwierker kreéiert, andeems hie Kofferplacke mat Feier traitéiert. Dës an aner Wierker vun him sinn am Nationalmusée um Fëschmaart nach bis den 15. Oktiober an der Ausstellung "The Alchemist" ze gesinn. E Bäitrag vum Joé Birchen

A sengem neie Roman "Parfois la nuit se tait" (Capybarabooks) beschreift den Antoine Pohu e jonke Mann, deen duerch d'Liewen trëllt wéi nuets duerch Bréissel: ouni Zil. E bësse wéi den Auteur a sengem Buch, mengt de Michel Delage.