Kultur

Esou heescht d'Ausstellung, déi nach bis den 3. Juni am Schëfflenger Konschthaus ze gesinn ass. D'Kënschtlerin Marie-Pierre Trauden, d'Schrëftstellerin Ulrike Bail an de Fotograf Vic Fischbach hu sech zesummen engem Sujet higinn: dem Bësch. D'Ulrike Bail, déi 2021 mam Servais-Präis fir hiert Gedichtband "wie viele faden tief" ausgezeechent gouf, stellt hei hir nei Lyrik vir. E Bäitrag zesummegestallt vum Valerija Berdi

Mir ginn an de Weltall mat engem Kënschtler, dee sech freet, wouhinner de Mënsch ënnerwee ass, an dobäi Froe vu Kierperlechkeet an Artifizieller Intelligenz mat abënnt. Rieds geet vum däitsche Museker Angela Aux a sengem neien Album "Instinctive Travels on the Path of Space and Time". D'Claudia Klasen huet en sech ugelauschtert a léist fir d'éischt emol den Indentitéitsknäuel vum Kënschtler selwer.

Deen neien EP vu Culture The Kid huet fënnef Lidder, heescht "Dr. Doubt & Mister Ego" an ass aus enger ganz neier Kollaboratioun entstanen, wéi de Culture dem Marc Clement gëschter am Kulturmagazinn erzielt huet.

Gëschter war Europadag - fir vill vun eis eng Geleeënheet vun engem fräien Dag ze profitéieren. Datt een Europa och ganz musikalesch kann erliewen, weist de Projet Euroradio Jazz Orchestra. Hei begéine sech Jazzmuseker:innen aus ganz Europa fir wärend enger Woch zesummen un enger Kompositioun ze schaffen. A fir Lëtzebuerg ass dëst Joer den Tenorsaxofonist Joël Metz mat derbäi.

A sengem Wuert vun der Woch mécht de Jean Portante sech op d'Sich no de Wuerzele vum Wuert "Mann". E Wuert, dat immens räich a villsäiteg ass, erkläert de Jen Portante am Gespréich mam Philippe Hansen.

Nieft dem Verschaffe vun der DDR-Ära an der Wiedervereinigung, ass d'Zäit vum Nationalsozialismus a seng Folge fir déi däitsch Gesellschaft e Sujet, deen nach ëmmer eng wichteg Plaz an der Literatur huet. De Paul Brodowsky, Joergang 1980, huet sech a sengem Roman "Väter" (suhrkamp) op d'Prägung duerch d'Grousspappen a Pappe fokusséiert. D'Valerija Berdi mat enger Kritik

Den Johnny Cash, de Mick Jagger oder d'Adele - dat sinn nëmmen e puer Nimm, deenen hir Musek vum Amerikaner Rick Rubin produzéiert gouf. Mat "The Creative Act: A Way Of Being" huet hien elo säin éischt Buch geschriwwen. D'Claudine Muno huet dra gebliedert.

Wéi eng Filmer lafen nei am Kino un? En Iwwerbléck mam Michel Delage

Net ee Wuert, mee bal déi ganz Famill hëlt de Jean Portante dës Kéier ënner d'Lupp. Am Gespréich mam Valerija Berdi erzielt hien, wou d'Wierder Mamm a Papp, awer och Cousin a Cousine, Monni an Tatta hierkommen a wéi se vun engem Land an dat nächst gereest sinn.

U wat musst Dir denken, wann Iech ee vu Virtual Reality erzielt? Un een digitale Parallel-Universum? Oder éischter u Videospiller? Et ginn nämlech och nach ganz aner Saachen, déi mat Hëllef vun der VR realiséiert kënne ginn.

Op enger Konferenz am Casino Luxembourg hunn d'Kënschtlerin Dominique Gonzalez-Foerster an de Jean Botev - Chercheur op der Uni Lëtzebuerg - iwwer d'Konscht, an dee bal therapeuteschen Effekt vun der VR geschwat. De Joé Birchen erzielt eis méi iwwer déi Effekter vun der Virtueller Realitéit.