Kultur

Vill Gewalt a vill Blutt stinn um Programm vun der Verfilmung vun enger nordescher Saga. Nieft dem Alexander Skarsgard an der Haaptroll spillen och nach d'Nicole Kidman, de Claes Bang, d'Anya Taylor-Joy, de Willem Dafoe oder nach d'Sängerin Björk als Schamanin mat.

De Michel Delage war sech déi Neiegkeet am Kino ukucken.

Scho virun zwee Joer war d'Tina Gillen fir d'Konscht-Biennale vu Venedeg selektionéiert ginn. D'Kënschtlerin, déi 1972 zu Lëtzebuerg op d'Welt koum, déi no Konschtetüden zu Wien op Bréissel geplënnert ass, wou si och haut lieft a schafft, ass zemools fir hir Architektur- a Landschaftspeinture bekannt. Wéinst Corona waren och déi renomméiert Biennalë vu Venedeg an de Stau geroden, mee elo ass et esouwäit: den 23. Abrëll 2022 mécht d'Ausstellung, ënner anerem mat der Tina Gillen, op. D'Kerstin Thalau iwwer d'Presentatioun vun hirem Projet

Eng Partie Aspekter vun der Ausstellung "Le Passé colonial du Luxembourg" am Nationale Geschichts- a Konschtmusée (MNHA). De Michel Delage huet mam Kommissär vun där Expo, den Historiker Régis Moes geschwat.

Vum 25. Abrëll bis de 30. Juni geet den Nationale Literaturarchiv a Kooperatioun mat der Federatioun vun de Lëtzebuerger Bicherediteuren op eng Liesrees duerch d'Land. Véierzéng Manifestatiounen a verschiddene Kulturhaiser zu Lëtzebuerg bidden eng Geleeënheet nei Lëtzebuerger Literatur ze entdecken. D'Valerija Berdi huet mat der Directrice vum CNL, der Nathalie Jacoby, iwwer dëse Projet geschwat.

Den éisträichesche Kënschtler Hermann Nitsch ass den 18. Abrëll, no schwéierer Krankheet, am Alter vun 83 Joer, gestuerwen. Op engem Ouschterméinden?... Ausgerechent den Hermann Nitsch?? Deen Aktionist, deem Blasphemie virgehäit gi war, dee mat senge stonnelaangen, bluddege Performancë mat Blutt, Déierekadaveren a plakege Mënsche grad esouvill Géigner wéi Bewonnerer hat; deen definitiv kee kal gelooss huet?! D'Kerstin Thalau wollt vum Konschtexpert Lucien Kayser gewuer ginn, firwat hien de Moler a Sculpteur allzäit bewonnert huet.

Nom Echec vun der Mediatioun am CNA zu Diddeleng setzt d'Regierung eng Commission d'accompagnement an. Véier Beamten aus verschiddene Ministèrë sollen de Centre national de l'audiovisuel beroden, a kréien dofir den Abléck an all d'Dokumenter, déi de CNA betreffen. 

Den 11. Mäerz hat de radio 100,7 iwwer intern Konflikter ëm eng geplangte Reorganisatioun vum Centre national de l'audiovisuel bericht. D'Pia Oppel huet d'Kulturministerin Sam Tanson gefrot, wat si sech vum Asaz vun där Kommissioun erwaart.

Déi zwee Produzente Bady Mink an Alexander Dumreicher-Ivanceanu iwwer hiren neie Film "Bachmann und Frisch", deen d'Relatioun tëschent der éisträichescher Schrëftstellerin Ingebord Bachmann an dem Schwäizer Auteur Max Frisch beliicht.

An der Pièce "The Angular Distance of A Celestial Body" gëtt d'Fro opgeworf, wéi de Mënsch, deen an enger komplexer a komplizéierter Welt lieft, sech an hir orientéiere kann. Dëst imaginéiert den Alessandro Carboni, andeems hie sech op de Prozess vun der Kartographie berifft. De Romain Butti huet mam italieenesche Choreograph geschwat.

Dem Belsch-Lëtzebuerger Paul Mathieu seng Gedichter, illustréiert vun der Laurence Meyer, sinn ënner de fënnef Bicher op der Shortlëscht vum Servais-Präis 2022. Eng Kritik vum Michel Delage

Dir héiert ...? Näischt. Besser gesot: näischt méi. Wou? Ma um Site vum fréiere Walzwierk vun Diddeleng, do wou haut Kultur a Konscht dominéieren. An der Zäit hunn do schwéier Maschinne d'Geräischkuliss bestëmmt, eventuell nach deen een oder anere Viraarbechter. Wie waren déi Leit, déi um Diddelenger Laminoir geschafft hunn?

De Kulturaarbechter Misch Feinen huet sech mat enger Rei Kënschtler an dem CNA zesummegedoen, fir an enger immersiver Expo de Stëmme vun der Schmelz eng nei Presenz ze ginn. D'Kerstin Thalau war begeeschtert.