Kultur

De clandestine Krich an engem chineesesche Spiounennascht no bei der nordkoreanescher Grenz. De Michel Delage huet dëse sece südkoreaneschen Actionfilm op Netflix gesinn.

Virun e puer Joer huet nach kee vu Podcaste geschwat, mee haut sinn dës virtuell Audioformater DE Renner. Am Joer 2020 sinn, de Statistiken no, weltwäit all Minutt zwee nei Podcaste kreéiert ginn. An zu Bréissel huet d'Disziplin zanter dräi Joer hiren eegene Festival. D'Editioun 2022 goung tëschent dem siwenten an dem eeleften Abrëll iwwer d'Bün an huet Honnerte vu Virwëlzeger ugezunn. Ënner hinnen eis Bréissel-Korrespondentin Agathe Cherki.

Mat 13 Joer ass si op Wien gereest fir en Interview mam Pierre Brice ze maachen. Domat wier alles ugaangen, schreift déi Lëtzebuerger Schauspillerin a Moderatrice Désirée Nosbusch an hirer beim Ullstein-Verlag publizéierter Autobiografie "Endlich noch nicht angekommen." D'Valerija Berdi huet d'Buch gelies.

Genee 61 Joer ass et hier, datt de Gagarin mat senger Raumkapsel d'Äerd ëmkreest hat. Mat Operatioun G huet d'Ekipp vum B-Radio dem sowjetesche Kosmonaut e klengen Hommage gewidmet.

Direkt dräi Stécker, déi dem Sophokles seng "thebanesch Trilogie" formen, ginn an dem Frank Hoffmann sengem "Ödipus/Antigone" an enger kompakter Form duerchgeholl. Nodeems d'Representatiounen am Januar Pandemie-bedéngt hu misse verluecht ginn, huet déi net kleng Produktioun am Abrëll elo konnten nogeholl ginn. De Romain Butti war op d'Première.

Lëtzebuerg participéiert bei dräi multinationale Kandidature fir d'representativ Lëscht vum immaterielle kulturelle Patrimoine bei der Unesco. D'Valerija Berdi huet mat der Presidentin vun Unesco Lëtzebuerg, der Simone Beck iwwer déi dräi Kandidature geschwat. Et geet ëm Wanderschéiferei, Fléitzen an Hiewanskonscht.

Verschidde Filmer, déi um Luxembourg City Film Festival Première haten, lafen elo am reguläre Kinosprogramm. Als Ouschterbonbon proposéiere mir Iech hei en Interview mat engem vun de wichtege Festival-Invitéën: den Terry Gilliam. De Realisateur, deen 1940 zu Minneapolis op d'Welt koum an zanter 1967 an England lieft a schafft, war Deel vun der legendärer Monty-Python-Trupp, ass duerno mat Filmer wéi "Brazil", "The Fisher King", "12 Monkeys", oder "Fear and Loathing in Las Vegas" an d'Filmgeschicht agaangen. D'Kerstin Thalau huet en onverbesserleche "Freak" kennegeléiert, deen hofft, datt seng Dreem net ausgedreemt sinn.

Et brauch een net ëmmer an all Richtunge kucken ze goen, fir Inspiratioun ze fannen. Fir déi franséisch Kënschtlerin Marie Gourdain geet ee Bild duer, fir doraus eppes komplett Neies ze schafen. Déi bildend Kënschtlerin ass och als Choreographin ënnerwee, a fir hire Work in Progress mam Titel "Coefficient inconnu" war den Ausgangspunkt fir d'éischt emol e ganz bekannten Tableau - "Les Sabines" vum Jacques-Louis David. De Romain Butti huet mat der Kënschtlerin geschwat.

Dee mat 20.000 Euro dotéierten Heinrich-von Kleist-Preis geet dëst Joer un déi däitsch Iwwersetzerin, Schrëftstellerin a Lyrikerin Esther Kinsky. Eng Autorin, déi bei eis um Radio dacks thematiséiert gëtt an iwwer dës weider Auszeechnung freet sech mat hir d'Valerija Berdi.

Am Summer 1969 hunn d'Kënschtler Berthe Lutgen, Joergang 1935, a Misch Daleiden, Joergang 1948, zesumme mat enger Handvoll anerer Kreativer déi "éischt net affirmativ kooperativ Ausstellung vun aktueller Konscht" organiséiert. Dovunner wousst dir näischt? Effektiv existéiert net ganz vill Dokumentatioun vun deemools an déi meescht Konschtwierker sinn zerstéiert. D'Konschtconservatrice Gabriele Grawe vun der Villa Vauban presentéiert aktuell eng Duebelausstellung, iwwer d'Berthe Lutgen an de Misch Daleiden, an där dëse Sujet natierlech och opgegraff gëtt. D'Kerstin Thalau ass vun der Gabriele Grawe méi iwwer d'Expo gewuer ginn.