Kultur

Engem bluttkranken Hematolog geléngt et, seng kierperlech Schwächt z'iwwerwannen. Seng nei Superkräfte kann hien awer net kontrolléieren... Opgewiermte Vampir-Film aus dem Marvel-Haus, iergendwou tëschent Dracula, Spiderman an Dr. Jekyll and Mr. Hyde, fënnt de Michel Delage.

Et war eis ganz wichteg d'Buch an de Mëttelpunkt ze stellen an doduerch natierlech och de Lieser", seet d'Nathalie Jacoby, Directrice vum Nationale Literaturarchiv iwwer déi nei Ausstellung an hirem Haus. Zënter 30 Joer gëtt Lëtzebuerger Literatur Joer fir Joer mam Servais-Präis ausgezeechent. Fir dëse ronne Gebuertsdag ze feieren, huet sech d'Equippe am CNL eppes ganz Aussergewéinleches afale gelooss. Et ass net d'Buch a senger  klassescher Form an och net den Auteur oder Autorin, déi hei gewise ginn, mee eng fotografesch a sonor Iwwersetzung vun de jeeweilege Gewënnerbicher ginn an 30 eenzelen Kabinne presentéiert. D'Visiteure liesen also net, mee si kucken a lauschteren. D'Nathalie Jacoby an d'Ludivine Jehin, Chercheuse an Archivistin am CNL hunn des Expo konzipéiert, d'Véronique Kolber schreift sech fir d'Fotografie an Szenografie responsabel. D'Valerija Berdi huet d'Ausstellung gesinn a mat den dräi Frae geschwat.

Sandsäcke schützen öffentliche Plätze, Kirchen, Statuen und Kulturdenkmale sind mit Planen verhüllt, von ... Die russischen Bomben und Raketen bedrohen nicht nur Menschenleben, sondern auch das UNESCO-Weltkulturerbe in der Ukraine. Sieben Welterbestätten gibt es im Land. Auch die barocke Altstadt von Lwiw, ganz im Westen des Landes gehört dazu. Bernd Musch-Borowska berichtet aus Lwiw.

A senge leschte Romaner "La Clé USB" a "Les Emotions" hätt sech eng gewësse Suerg breet gemaach, sou de belsche Schrëftsteller am Interview mam Michel Delage. Déi Suerg, déi och op déi international Situatioun zréckzeféiere wier, géif een och a senge méi rezente kuerzen Texter verspieren.

De Jean-Philippe Toussaint war d'lescht Woch an der Abtei Neimënster, op Invitatioun vum Institut Pierre Werner.

Zwee Paräisser Flicke reagéieren op d'Kris vun der Männlechkeet: mol passiv mat Oper-Enthusiasmus, mol aktiv mat militanter anti-Queer-Gewalt. Ee relativ originelle Krimi, gläichzäiteg graff-schematesch a subtil zweedeiteg, fënnt de Michel Delage.

Am Kader vum Mount vun der Francophonie organiséiert den Institut de langue et littérature luxembourgeoise, den Institut d'études romanes an d'Rotonden eng Table ronde, wou Text a Fotographie am Kontext vun der franséischer Sprooch de Sujet sinn. De Fotograf Samuel Bollendorf, deen a sengem autobiographesche Roman Faiseur d'anges ( Seuil, 2021) op säi Werdegang zréck kuckt an de Fotograf Sébastien Cuvelier mat sengem Wierk "Paradise City (GIST Boook, 2020) sinn d'Invitéën an de Rotonden den 31. Mäerz. Am Virfeld vun der Diskussioun schwätzt den Gian Maria Tore, Enseignant-Chercheur op der Uni.lu iwwer "Puissance des mots, puissances des images: dialogue". Valerija Berdi huet mat den zwou Organisatricen, déi och d'Table ronde moderéieren, der Jeanne Glesener an der Tonia Raus vun der uni.lu geschwat.

Mussen d'Mënschen alles esou hinhuelen, wat eis d'Gesetz an d'Leit un der Muecht diktéieren? Dës Fro war well am Kafka sengem "Prozess" opkomm, an ass haut ëmmer nach pertinent. Am Cube 521 war d'Stéck "Emma K" ze gesinn, dat dës Thematik aus der Perspektiv vun engem Jugendlechen opknäppt. De Romain Butti huet mat der Realisatrice Pascale Noé Adam geschwat.

De belschen Auteur, Cineast a Filmkritiker Henri Roanne Rosenblatt verzielt am Roman Le cinéma de Saül Birnbaum seng eegen Erfarungen aus dem zweete Weltkrich, deen hien nëmmen iwwerlieft huet, well hien en enfant caché war.

Dir kennt dach bestëmmt d'Cecil's Box, d'Konschtvitrinn vum Cercle Cité an der Paschtoueschgaass? Déi ideal Plattform fir lokal Kreatiounen, vu datt se 24 Stonnen op 24, siwen Deeg an der Woch, fir Passante visibel sinn. Déi mëttlerweil 25. Expo an der Cecil's Box soll natierlech eng besonnesch sinn. De Cercle Cité huet dofir d'Kënschtlerin, Enseignante a Konschttherapeutin Tessy Bauer, Joergang 1981, lieft a schafft zu Bréissel, invitéiert. An déi huet en "Homard Chéri" fir d'Geleeënheet preparéiert. Explikatioune Kerstin Thalau

Borisowitsch a Jhang nennt sech den Duo Denis Ivanov a Jean Bermes. Et ass elo fir déi sechste Kéier, datt de russesche Pianist an de Lëtzebuerger Sänger déi klassesch Musek op hir eege Manéier interpretéieren. Dës Kéier sti klassesch Libeslidder um Programm am Kasemattentheater. "Dein ist mein Herz, du Gans" ass ënner der Regie vun der Ela Baumann entstanen. D'Valerija Berdi mat Andréck