Kultur

Den 20. Mäerz ass den Internationalen Dag vum Kanner- a Jugendtheater.  Déi International Vereenegung ASSITEJ - Association Internationale du Théâtre pour L'Enfance et la Jeunesse organiséiert ronderëm dësen Dag weltwäit Atelieren, Theaterstécker an Eventer fir Kanner a Jugendlecher. Esou och ASSITEJ Lëtzebuerg.

Eng Programmatioun, déi vun Ettelbréck bis Esch-Uelzecht  an de verschiddenen Kulturhaiser vum 16. bis den 23. Mäerz ugebuede gëtt. Et geet hei awer net just drëm, datt Kanner a Jugendlecher just Theaterstécker kucke ginn, mee do ass och Participatioun gefuerdert. E Projet mam Titel "Krop der en Theateratelier" riicht sech u Schoulklassen.

D'ASSITEJ gesäit sech als eng kulturell Stëmm, déi Mënschen,  an dësem Fall Kanner a Jugendlecher vereene wëll, Gläichheet, Fridden an Bildung sinn d'Pilieren vun der Associatioun.

Wat sech hannert dëser Associatioun verstoppt a wat d''Iddien an Highlighte vun der Programmatioun dëst Joer sinn, huet d'Presidentin Laura Graser dem Valerija Berdi verroden.

Dem Euripides seng Tragedie "Medea" erzielt d'Geschicht vun enger Mamm, déi hir Kanner ëmbréngt. Den Theaterklassiker, an der Iwwersetzung an Adaptatioun vum Regisseur Rafael David Kohn, wielt eng äerdeg Approche, ass sec a pointéiert. Hei kollidéiert d'Wiermt mat der Keelt vun der Vengeance, vum Verdriwweginn. "Medea" gëtt och ze spieren, wéi Léift a pueren Haass kann iwwergoen. De Romain Butti war d'Stéck kucken.

Scho virun zwee Joer war d'Tina Gillen fir d'Konscht-Biennale vu Venedeg sélectionéiert ginn. D'Kënschtlerin, di 1972 zu Lëtzebuerg op d'Welt komm ass, di no Konschtétuden zu Wien, op Bréissel geplënnert ass, wou si och haut lieft a schafft, ass zemools fir hier Architektur- a Landschaftspeinture bekannt. Wéinst Corona waren och di renomméiert Biennalë vu Venedeg an de Stau geroden, mee elo ass et esouwäit: Enn Abrëll 2022 mécht d'Ausstellung, ënnert anerem mat der Tina Gillen, op. D'Kerstin Thalau iwwert d'Presentatioun vun hirem Projet.

Ee vun de bekannte Gäscht um Luxembourg City Filmfestival 2022 war den Terry Gilliam, Member vun der legendärer britescher Komikertrupp Monty Python, Réalisateur vu Filmer ewéi "12 monkeys", "Brazil" an och "Fear and loathing in Las Vegas". D'Équipe vun eiser Émissioun B-Radio hat fir hier Mäerz-Éditioun en Homage un den Terry Gilliam preparéiert, an och u säi Compatriot, de Gonzo-Journalist Hunter S. Thompson, op deem sengen Erënnerungen de Film "Fear and loathing" baséiert. Erauskomm ass de B-Radio "Fear and loathing in Moutfort". De Pierre Reyland war zum Beispill als Gonzo-Sportjournalist ënnerwee.

Déi 12. Editioun vum Luxfilmfest gouf gëschter ofgeschloss. Grousse Gewënner ass "Atlantide" vum italiéinesche Realisateur Yuri Ancarani. De Michel Delage kënnt op de Palmarès vum Festival zréck.

Interview mam iranesche Realisateur Panah Panahi iwwer säi Film "Hit the road", deen zwee Präisser um Luxfilmfest gewonnen huet. De Michel Delage huet hie virob gefrot, wéi hie mat sengem erstaunleche klengen Acteur Rayan Sarlak geschafft huet.

En 33 Kilo schwéiere Bou aus Holz schäert iwwer de Buedem, dobäi beweegt sech en Akrobat op déi ënnerschiddlechst Manéier ëm an duerch dësen Objet doduerch. Déi Geräischer, déi dobäi entstinn, gi gesampelt an erauskënnt d'Kreatioun "3D", déi an de Rotondes gewise gëtt. De Romain Butti huet mat den Interpreten Jules Sadoughi a Mikael Le Guillou geschwat.

De Michel Delage an d'Martine Reuter schwätzen iwwer de polneschen Drama "Silent Land", deen an der Kompetitioun leeft, an de britteschen Docu "Cow"

Am Centre National de l'audiovisuel zu Diddeleng ass - 100,7-Informatiounen no - nawell déck Loft... Zënter November 2021 leeft am CNA eng Mediatiounsprozedur, fir intern Konflikter ëm eng geplangte Reorganisatioun ze reegelen. E groussen Deel vum Personal, dorënner all d'Chefs de service, kritiséieren d'Manéier wéi den Direkter Paul Lesch d'Digitalisatioun an d'Zesummeleeë vun den Archive geréiert. Besonnesch an der Kritik stinn e Grupp vun auslännesche Consultanteën an eng "attachée à la direction", déi hie bei deem Prozess begleeden. Wéinst der Mediatioun huet d'Reorganisatioun vun der staatlecher Verwaltung missten op Äis geluecht ginn.

E Bäitrag vum Michel Delage.

De Michel Delage an d'Martine Reuter beschwätzen de Lëtzebuerger Docu "Crise et chuchotements", de Kompetitiounsfilm "Atlantide" an den Docu "1970".