Kultur

"Wien Däre séit, dierf säin Zelt net buerféiss verloossen", mengen d'Beduinen. Ënner dem Titel "Ensemencement" hat d'Kënschtlerin Justine Blau am Summer 2021, um nohaltege WaterWalls-Festival zu Esch-Sauer, aacht Fändele "geséit", déi sech no an no verwandele konnten, esou och an en Zelt. Domat wollt si den Discours zum Theema "Evolutioun vum mënschleche Rapport zur Natur" weiderbréngen. Beim Tipi ass d'Justine Blau, no Recherchen, hänke bliwwen, presentéiert bis Enn der Woch d'Sound-Installatioun "Je suis un morceau de paysage" an der Annexe 22 op der Escher Brillplaz. Explikatioune Kerstin Thalau

Deen éischte Roman vum jonke Lëtzebuerger Auteur Maxime Weber: D'Welt gëtt vun engem Schwier, dee sech rasant entwéckelt, zerstéiert, an dëst déidlecht Geflecht hält och viru Lëtzebuerg net stall. Dës spekulativ Fiktioun, déi bei Editions Kremart erauskoum, huet d'Valerija Berdi gelies.

D'Organisateure vun der Luxembourg Art Week hu 15'000 Visiteuren an hirem Zelt um Glacis gezielt. An och de Kaderprogramm war nawell gutt besicht. Eng Kënschtlerin, déi e bëssen iwwerall, also esouwuel op der Konschtfoire, wéi och an Institutiounen, net just present war, ma och ausgestallt huet, war d'Catherine Lorent. Di plastesch Kënschtlerin, Musikerin an Doktorin a Konschtgeschicht hat Samschdes moies op eng Performance an de Mudam invitéiert. Duerno war d'Kerstin Thalau waakreg...

D'Festivalliewen als Flucht aus enger vum Kapitalismus zerstéierter Gesellschaft. E Roman, deem seng formell Spillereie Sënn maachen, fënnt de Michel Delage.

Breakdance ass e fundamentale Bestanddeel vun der Hip-Hop-Kultur. Och hei zu Lëtzebuerg goufen et ufanks den 80er Jore Pionéier vun deem Danzstil, dee mëttlerweil eng olympesch Disziplin ass. Am neisten Episod vum B-Radio gëtt déi Geschicht erzielt. Extrait.

"D'Nationalbibliothéik ass méi, wéi e Gebai", seet de Claude Conter, Direkter vun der BnL. Aus deem Gronn kann een nach bis de 26. Februar 2022 an der Nationalbibliothéik d'Ausstellung "BnL - autoportrait d'une bibliothèque" besiche goen. Eng Expo, wou een e Bléck hanner d'Kulisse gewise kritt. De Claude Conter huet d'Valerija Berdi mat op eng Visite guidée geholl.

Tëschent dem 12. an dem 14. November ass um Glacis d'Luxembourg Art Week. D'Reportagen iwwer d'Konschtfoire vun de leschten Deeg fannt Dir an eiser Mediathéik. Zousätzlech gëtt et e vaste Kaderprogramm: zum Beispill invitéiert d'Lëtzebuerger Associatioun vun de plastesche Kënschtler op eng Porte ouverte vun hire Kënschtleratelieren. An zwar dëse Samschdeg tëschent 12 an 21 Auer. D'Kerstin Thalau war um Verluerekascht an ass direkt am éischten Atelier bei der Kleederdesignerin Laurie Lamborelle hänke bliwwen.

Wann eng Struktur wiisst, brauch se méi Hänn, déi se stäipen, an da forcément e Kapp, deen d'Hänn coordinéiert. 2015 huet de Galerist Alex Reding d'Luxembourg Art Week, mat enger 20 Aussteller, lancéiert. Hie war den Initiator, an also de Chef. Wéi d'Konschtfoire bis 70 Exposanten accueilléiere sollt, an d'Zuel vu Visiteure sech op 15.000 quasi verduebelt hat, gouf en neien Direktiounsposte ausgeschriwwen. 2020 hunn d'Leslie de Canchy, als Directrice, an den Alex Reding, als CEO, d'Luxembourg Art Week fir d'éischt am Duo geschmass.

D'Kerstin Thalau am Gespréich mat der Leslie de Canchy

De Weekend vum 20. November maachen d'Walfer Bicherdeeg, no engem Joer Covid-bedéngter Paus, erëm hir Dieren op. Mat klengen Ännerungen a striktem CovidCheck sinn all d'Frënn vun der Lëtzebuerger Literatur invitéiert d'Stänn vu Lëtzebuerger Editiounshaiser, Liesungen a Schreif-Atelieren ze entdecken.

D'Valerija Berdi informéiert am Virfeld. De radio 100,7 ass dëst Joer mat der Emissioun Déi wonnerbar VaLibrairie sonndes vun 11 bis 12 Auer  live op der Plaz.

D'Affichen uechter d'Stad versiche scho méi laang drop opmierksam ze maachen, de Weekend vum 12. bis 14. November ass et esouwäit: déi siwent Luxembourg Art Week mécht hir Dieren op. "Das verflixte siebente Jahr"? Dat huet d'Ekipp am Fong schonn zejoert erlieft, wéi se kuerz virun der Ouverture huet missen op eng virtuell Editioun ëmswitchen.

Bedeit dat fir 2021 nees vu vir ufänken? A firwat an engem wäissen Zelt um Glacis? Dem Kerstin Thalau seng Froe goufe vum Alex Reding, CEO vun der Art Week, beäntwert.