Kultur

De Messtival, een nach relativ jonke regionale Festival, geet schonn a seng fënneft Ronn a proposéiert ee Line-Up tëschent Best Of a jonke Stëmmen. Den Organisateur Julien Primout ass beim Jeff Schinker am Studio.

Déi epesch Oper vum Giuseppe Verdi gëtt muer den Owend (7.5.) um 7:30 Auer am Groussen Theater opgeféiert. D’Lëtzebuerger Philharmoniker spillen ënner der Baguette vum Gaetano Lo Coco an dëser moderner Mise en scène vun “Nabucco”. Deen englesch-italieeneschen Dirigent Gaetano Lo Coco erkläert ënner anerem d'Ënnerscheeder mam Originalwierk. Mat op der Bün si Mënsche mat Migratiounshannergrond, Mënschen, déi hir Heemecht verluer hunn. De Gaetano Lo Coco erkläert, firwat d’Geschicht vun “Nabucco” grad haut nach richteg relevant ass.

No “Good Girls”, engem Musical iwwer Ofdreiwung, deen op villen anonymmen Temoignagë gefousst huet, ass der Larisa Faber hiren neie Projet vu muer un am Kapuzinertheater ze gesinn. “The Land We Shared” ass ee ganz perséinlecht Stéck iwwer Exil, d’Enn vun der kommunistescher Diktatur am Rumänie vum Ceaușescu an d’Fro, wéi mir mat der Memoire vun eise Verstuerwenen ëmginn, wa se sech mat engem autokratesche Regimm verflecht.

Lëtzebuerg ass fake, dovu sinn de Serge Tonnar, de Rom "Wäissen" Christnach an den Dirk Kellen iwwerzeegt. Deen neie Lëtzebuerger Rocktrio mat Cojones a Selbstironie, de Jickeclub, ass zu Gaascht am Kulturmagasinn. Um Mikro vum Marc Clement erzielt de Serge Tonnar vum neie Projet, vun der Single an hirem Hannergrond.

Den Iwwerbléck vun der aktueller Filmprogrammatioun mam Michel Delage

Aus dem Libanon kënnt de romanteschen Drama, deen esou ambivalent ass wéi d'Liewen. De Michel Delage, d'Valerija Berdi an d'Vesna Andonovic mat enger Bespriechung

Wéi Lëtzebuerg 1995 déi éischte Kéier Europäesch Kulturhaaptstad gouf, hu sech jonk Kulturschafend zesummegedoen an de multidisziplinären Theaterkollektiv ILL (Independent Little Lies) gegrënnt. D'lescht Joer huet d'Anne Schiltz e Film iwwer dësen engagéierten Theaterkollektiv gedréit, dee kierzlech am Ciné Utopia gewise gouf. D'Filmregisseurin Anne Schiltz an d'Theaterkënschtlerin Claire Wagener vum Kollektiv ILL sinn am Gespréich beim Valerija Berdi.

No enger laanger Nuecht fënnt sech den Nazir op eemol am Zentrum vun engem Mordfall erëm. D'Serie erzielt eng däischter Geschicht iwwer Schold, Zweifel, Wouerecht a Gerechtegkeet. De Gilles Schreurs stellt d’Serie vir.

Eng ausverkaaften Arena, reliéise Kitsch an e Grapp voll Hits