Kultur

Den Iwwerbléck vun der aktueller Filmprogrammatioun mam Michel Delage

120 Filmer an engem: mat enger representativer Selektioun vun deels restauréierte "vuë" vun de Bridder Lumière realiséiert den Thierry Frémaux eng Rees zréck bei d'Originne vum Kino. De Michel Delage, d'Vesna Andonovic an d'Valerija Berdi hunn den Documentaire beschwat.

Dräi Lëtzebuerger Produktiounen dierfen dëst Joer op Avignon. Mat ”Les glaces” vun der Sophie Langevin, Une rose plus rouge vun der Christine Müller an Les jours de la lune vun der Renelde Pierlot huet de Comité de sélection vu Kultur ǀ lx dräi feministesch Stécker zeréck behalen, déi sech mat sexueller an digitaler Gewalt a mat der Menstruatioun befaassen – an domat net just Tabu-Sujetenn opgräifen, ma och weiblech Ënnerdréckung an Invisibiliséierung an enger patriarchaler Gesellschaft thematiséieren. D’Sophie Langevin, d‘Christine Muller an d‘Renelde Pierlot am Gespréich mam Jeff Schinker.

Them Lights - fréier de Soloprojet vum Ex-Muntiny-on-the-Bounty-Batteur Sacha Hanlet - mutéiert, an évoluéiert. Recemment, zum Duo, mam Batteur Sergio Manique am Boot. Mee och zesumme mat sëch organesch beweegenden Formen- a Faarfverleef, als immersiv Concertsexperienz den Owend zu Bartréng.

Si gëlt als eng vun de renomméiertsten Actricen op der Welt. D'Isabelle Huppert gouf um leschte Luxfilmfest fir hir laang a bedeitend Karriär virun der Kamera geéiert. Um Festival war si direkt an zwee neie Filmer ze gesinn, dorënner den extravagante Vampirfilm "Die Blutgräfin". De Michel Delage huet mat der Isabelle Huppert geschwat.

“Etat brut” bezeechent de Réizoustand: zum Beispill vun engem Diamant oder Korallen. “Brut” deemno am Sënn vun organesch, natierlech, onbehandelt, awer och primitiv. Et gëtt de salaire brut, ewell och d’information brute, also di net inszenéiert Info op soziale Medien. An der Escher Konschthal ass den owend de Vernissage vun der Expo “Etat BRUIT”. Proposéiert gëtt eng Aart Etat des lieux wat de bruit, also momentan Stéiergeräischer, ugeet. Klangkonscht? D’Kerstin Thalau war begeeschtert a wollt vum Curateur Charles Wennig alles doriwwer gewuer ginn.

Eng japanesch Serie déi 2020 erauskomm ass. Hei landenden Arisu an seng Kolleegen an enger bizarrer Welt a mussen sech Spillerstellen, bei deenen et em Liewen an Doud geet.

No méi wéi 36 Joer Band-Existenz erfannen sech The Notwist alt nach eemol nei: "News from Planet Zombie" gouf am Münchner Import Export a just enger Woch opgeholl. Wéi d'Opname verlaf sinn, wisou net am Studio opgeholl gouf a wéi et sech als Band um Planet Zombie lieft - dat hunn d'Gebridder Acher an den Cico Beck dem Jeff Schinker an engem laangen Interview erzielt - dee mat Extraiten aus dem neien Album ënnermoolt gëtt.

Simon Fujiwara: englesche Virnumm a japanesche Familljennumm. Effektiv ass de Kënschtler Simon Fujiwara, als Fils vun enger Englännerin an engem Japaner, 1982 am Londonner Faubourg Harrow op d’Welt komm. D’Famill ass a Japan geplënnert, spéider a Spuenien, da Cornwall, wou de Simon seng Léift fir d’Konscht entdeckt huet. No Architektur- a Konschtstudien zu Cambridge a Frankfurt lieft hien aktuell zu Berlin. An zwar als erfollegräichen a vill gefrote Kënschtler. Virun 3 Joer hat de Mudam beim Simon Fujiwara ugeklappt an elo ass seng Expo do. D’Kerstin Thalau huet “A whole new world”, mam Simon Fujiwara als Konschtvermëttler, entdeckt.

Eng éischt nei Single no enger roueger Zäit - dat bedeit bei der lëtzebuergescher Indie-Pop-Band TUYS ëmmer och den Ufank vun enger neier Phas an hirem Schafen, an domat an engem ëmmer variabele musikaleschen Universum. Mir lauschtere mam Gittarist, Keyboarder, Sänger Tun Biever eran an hoffen op e Scoop.