Kultur

De Sam Erpelding ass haut haaptsächlech als Klangkënschtler a Museker aktiv. Hien huet awer och, à la base, eng klassesch Touningenieur-Ausbildung ofgeschloss, wouduerch hien da reegelméisseg mat eiser 100,7-Feature-Ekipp kollaboréiert. Mir hunn eis deemno mat gefreet, wéi den Espace cultures vun der UniLu virun engem Mount matgedeelt huet, datt de Sam Erpelding hiren neien “artist in residence“ ass. Wat bedeit eng Kënschtlerresidenz op enger Universitéit ouni Konschtsektioun? Dat wollt d‘Kerstin Thalau vum Klangfuerscher gewuer ginn, huet sech virdrun op de Wee bei de Sam Erpelding an de Casino-Display um Fëschmaart gemaach. De Casino ass Partnerinstitutioun fir d‘Belval-Residenzen an huet säin Display fir eng Expo zur Verfügung gestallt. Kerstin, bass de ukomm? Kanns de mech héieren?

De Michel Delage an d'Valerija Berdi beschwätzen: "L'Etranger" (François Ozon) a "L'Homme qui rétrécit" (Jan Kounen).

Den Däitsch-Schwäizer Duo Erol Sarp a Lukas Vogel an den Australier Kevin Parker wëllen allen dräi mat den neie Placke vun hire respektive Formatioune Grandbrothers an Tame Impala op den Dancefloor. Op dat hinne mat Deadbeat - hei um Radio och Plack vun der Woch - an Elsewhere geléngt, dat verroden iech de Marc Clement an de Jeff Schinker an hirer Véier-Ouere-Rezensioun.

“Designed by Design Luxembourg”: tëscht dem 12. an dem 16. November invitéiert d’Federatioun vun den Designer:innen op den éischte Luxembourg Design Festival; an zwar kräiz a queesch uechtert d’Stad, mat engem Programm kräiz a queesch duerch d’Designdisziplinnen a –Formater, fir Kräiz a Queesch, also fir de breede Publikum grad esou wéi Initiéierter. Wéi et dozou komm ass, also esouwuel zum Festival wéi och zu der Programmatioun, dat wollt d’Kerstin Thalau vun der Nadine Clemens, Coordinatrice bei Design Luxembourg, gewuer ginn.

Fir hir 20 Joer ze feieren huet d’Rockhal eis de 24. September mat op eng Rees duerch d’Museksgeschicht vu Lëtzebuerg geholl - an Deeler vu Bands optriede gelooss, déi et guer net méi gëtt. Zanter der Rentrée ënnerhält sech de Jeff Schinker mat enger ganzer Rei vu Bands, déi Lëtzebuerger Museksgeschicht geschriwwen hunn.

No Monophona, Defdump, Inborn, Eternal Tango, Hal Flavin a Metro ass et un der Band Babyoil, fir iwwer hir Bandgeschicht ze schwätzen. Hiren Historique retracéiert de Gittarist Paulo 'Jim' Fernandes, begleet vun der Kënschtlerin a Schwëster vum tragesch verstuerwene Sänger Sébastien Peiffer, der Séverine Peiffer. Am drëtten a leschten Episod geet et dorëms, wou Babyoil no der Plack "Assume Nothing" hätt kënne goen – d Band wollt ënnert engem neien Numm, We Promised You September, nach eemol quasi vu vir ufänken. Ma en tragescht Accident huet de ganze Projet op en Enn bruecht – an den Jim Fernandes och eng Zäit dovun ofgehalen, Musek ze maachen.

Fir hir 20 Joer ze feieren huet d’Rockhal eis de 24. September mat op eng Rees duerch d’Museksgeschicht vu Lëtzebuerg geholl - an Deeler vu Bands optriede gelooss, déi et guer net méi gëtt. Zanter der Rentrée ënnerhält sech de Jeff Schinker mat enger ganzer Rei vu Bands, déi Lëtzebuerger Museksgeschicht geschriwwen hunn.

No Monophona, Defdump, Inborn, Eternal Tango, Hal Flavin a Metro ass et un der Band Babyoil, fir iwwer hir Bandgeschicht ze schwätzen. Hiren Historique retracéiert de Gittarist Paulo 'Jim' Fernandes, begleet vun der Kënschtlerin a Schwëster vum tragesch verstuerwene Sänger Sébastien Peiffer, der Séverine Peiffer. Am zweeten Episod geet et dorëms, wéi d’Band versicht huet, sech mam Album Score an engem, Lëtzebuerg, dat nach keng Infrastrukturen hat, ze professionaliséieren.

Den Iwwerbléck vun der aktueller Filmprogrammatioun mam Michel Delage.

Dëse Biopic konzentréiert sech op e Krisemoment an der Karriär vum "Boss", deen zum Album "Nebraska" gefouert hat. De Michel Delage, d'Valerija Berdi an d'Vesna Andonovic beschwätzen de Film, deen zënter der leschter Woch am Kino leeft.