Kultur

Kultur

By Radio 100,7News
Download on the App Store

Kultur episodes

  • Bach on Bike
    Den 20. Juli kann een e ganz besonnesche Velostuer maachen. De Start ass op der Mierscher Gare, an a puer Etappe fiert een op Schëndels, Mamer, Kohler a Péiteng. Bei all Statioun kann een e Concert mat Musek vum Johann Sebastian Bach lauschteren. De Rosch Mirkes, President vun der Bach-Vereenegung Lëtzebuerg huet mam Marie Trussart iwwer de Programm geschwat an ënner anerem verroden, wéi de Projet entstanen ass.
    8 min
  • D’”images indociles” bei de Rencontres d’Arles 2025
    Dëse Summer huele mir Iech all Freideg mat op eng kleng kulturell Rees: an zwar op déi renomméiert Rencontres de la photo zu Arles. Dëse Summerfestival geet mëttlerweil a seng 56. Editioun; Lëtzebuerg ass fir d’aachte Kéier mat dobäi. Déi Kéier vertrueden duerch der Kënschtlerin Carine Krecké hir Multimedia-Installatioun “Perdre le Nord” an der historescher Chapelle de la Charité. Selektionéiert gouf de Projet vun engem internationale Jury, an deem och de Rencontres-Direkter Christoph Wiesner souz. An hie war och beim Vernissage vu “Perdre le Nord” den 8. Juli. D’Kerstin Thalau huet dovunner profitéiert fir dem Christoph Wiesner e puer generell Froen zum Festival ze stellen.
    9 min
  • Lëtzebuerger séngt an der Liederhalle Stuttgart
    Genee wéi säi Papp ass och den Olivier Nilles Bariton-Sänger. Hien ass Mëtt 20, nach am Studium, an elo um Wee fir eng professionell Karriär opzebauen. Säin Debut an der Liederhalle zu Stuttgart ass den 19. Juli, wou hien zesumme mam Brenzhaus Orchester optrëtt. Um Programm stinn dräi Lieder vum Schubert, ënner anerem och an enger verschaffter Versioun vum Wolfgang Rihm - e Komponist, mat deem den Olivier Nilles scho perséinlech geschafft huet. Et ass och net säin éischten Optrëtt mam Brenzhaus Orchester, wéi den Olivier Nilles am Interview mam Christophe Mirkes verréit.
    8 min
  • Guy Rewenig - "Mir fällt ein Stein vom Herzen ...

    No sengem bal 700 Säite-Wälzer “Goss“ huet de Lëtzebuerger Schrëftsteller Guy Rewenig elo erëm ee méi schmuelt Buch bei éditions Guy Binsfeld erausbruecht. Wat sech hanner dem Titel “Mir fällt ein Stein vom Herzen und zertrümmert meinen dicken Zeh“ verstoppt, dat verréit eis d‘Valerija Berdi.

    4 min
  • Ënnerwee mat de Schof
    Déi Lëtzebuerger Fotografin Liz Lambert ass mat de Schof op Tour gaangen. “Transhumanz” heescht hire Foto-Projet, dee si mat der Bourse vum Centre National de l’Audiovisuel (CNA) an der Lëtzebuerger Gaardenausstellung LUGA realiséiert huet. Dofir huet si eng Wanderschéiferei aus dem Norde vum Land mat der Kamera e puer Méint laang bei hiren Tier begleet. Wéi koum et iwwerhaapt zu där Iddi? A wéi wollt d’Fotografin hir Wanderunge fotografesch festhalen? Dat gouf de Joé Birchen kuerz nom Start vum Projet vun der Liz Lambert gewuer.
    8 min
  • Pascal vu Wooltz: Noruff
    Wéi de Museker Pascal vu Wooltz virun zwee Deeg mam Auto déidlech verongléckt ass, war et wéi wann eng Presenz, op déi ee bis dohinner konnt zielen, einfach ewechgeholl gi wier.
    Séier huet d’Nouvelle den Tour gemaach, Kolleegen hunn dee Frënd vermësst, deen hinnen déi éischt Gittar geléint hat, anerer hate seng häerzzerräissend Versioun vun “Time of Your Life” am Ouer.
    Esou munch een huet sech drun erënnert, wéi e vum Pascal Alff, wéi hie mam biergerlechen Numm geheescht huet, mat deem oder dësem a Kontakt bruecht gi war, a wéi hien ëmmer hëllefsbereet war an oppen. Mënschen zesummenzebréngen, besonnesch ronderëm d’Musek, där hie säin eegene Stempel opgesat huet.
    Mat senger Band Weakonstruction oder Solo, mat der akustescher Gittar an e bësse Schellem, huet hien zu Lëtzebuerg d’Geschicht vun der Punkmusek mat- a weider geschriwwen a war als Member vum Organisatiounskommittee vum Festival Kein Bock auf Nazis zu Kusel. Och politesch aktiv, esou laang et mat Musek ze dinn hat. Méi Punk wéi mir alleguer, sote seng Frënn, an ee friddlechen nach dobäi. Dat huet hien 2023 dozou beweegt, sech bei de Lénke fir d’Parlamentswalen opzesetzen.
    No 20 Joer Musekmaachen an nëmmen 42 Joer op der Äerd, bleift säin Esprit héichzehalen a sech drun ze gewinnen, säi Gesiicht leider net méi op Concerten ze gesinn. D’Musek awer huet eng Manéier, een onstierflech ze maachen.
    3 min
  • Filmkritik: "Love"

    Dem Norweger Dag Johan Haugerud säin Drama exploréiert d'Grozon tëschent Sex a Léift. Zënter der leschter Woch leeft de Film bei eis am Kino. Hei nach eng Kéier d'Kritik vum Film aus der Emissioun Grousse Kino. Et schwätzen de Michel Delage, d'Vesna Andonovic an d'Valerija Berdi.

    12 min
  • Avignon: Am Gespréich mat der Simone Mousset

    De Ballet National Folklorique du Luxembourg gouf 1962 vun den zwou Schwëstere Josephine a Claudine Bal gegrënnt an huet sech fir d'Bekanntmaache vu folkloristeschen Dänz wéi dem Dauwen-Danz verantwortlech gezeechent. Wéi d'Simone Mousset 2017 hir éischt Produktioun ronderëm d'Bal-Schwësteren opgeféiert huet, war bal ... jiddereen dorop eragefall. De Problem war nämlech, datt et d'Bal-Schwësteren net gëtt - respektiv si just an der fiktionaler Welt vun der Simone Mousset existéieren. Dat huet si awer net doru gehënnert, den Universum weiderzëentwéckelen. 2025 gëtt et net just ee Logo, een T-Shirt an en Instagram ronderëm de Ballet National Folklorique du Luxembourg, "The Great Chevalier", déi neiste Produktioun ronderëm de folkloristeschen Danz-Universum vun der Choregraphin ronderëm de liicht tyranneschen neien Direkter Chevalier huet et op Avignon gepackt - wou sech de Jeff Schinker mat der Simone Mousset ënner anerem iwwer déi schmuel Grenz tëschent Ligen a Fiktioun ënnerhalen huet.

    13 min
  • René Char, Peter Handke - Gute Nachbarn

    De René Char ass ee vun de bedeitendste franséische Lyriker vum 20. Joerhonnert. De Peter Handke, deen zwee Gedichtszykle vum Char op däitsch iwwersat huet, war mam Char befrënt. Unhand vu Bréiwer, Notizen, Gedichter an Dokumenter dokumentéiert “Gute Nachbarn” aus dem Wallstein Verlag, wéi dës Frëndschaft zustan koum, a wat sech dorauser erginn huet. Dozou méi vum Léon Rinaldetti

    4 min

About Kultur

From the publisher's feed

Interviewen, Kriticken, Commentairen a Reaktiounen zu der kultureller Aktualitéit

More shows like Kultur

Journal (Radio) by RTL Radio Lëtzebuerg

Journal (Radio)

1 Listeners

Panorama by Radio 100,7

Panorama

0 Listeners

Invité:e vum Dag by Radio 100,7

Invité:e vum Dag

0 Listeners

Konferenzen by Radio 100,7

Konferenzen

0 Listeners

Presserevue by Radio 100,7

Presserevue

0 Listeners

Grousse Kino by Radio 100,7

Grousse Kino

0 Listeners

Den Hallwer Néng by Radio 100,7

Den Hallwer Néng

0 Listeners

Europa Aktuell by Radio 100,7

Europa Aktuell

0 Listeners

Kaarten op den Dësch by Radio 100,7

Kaarten op den Dësch

0 Listeners

Um Bols by Radio 100,7

Um Bols

0 Listeners

Mauvais élève by radio 100,7

Mauvais élève

0 Listeners

Schlechte Schüler by radio 100,7

Schlechte Schüler

0 Listeners

Seismograph by Radio 100,7

Seismograph

0 Listeners

E puer Wierder iwwer Wierder by Radio 100,7

E puer Wierder iwwer Wierder

0 Listeners

Wat lauschters du? by Radio 100,7

Wat lauschters du?

0 Listeners

Philo am Gespréich by Radio 100,7

Philo am Gespréich

0 Listeners

Fënster Op by Radio 100,7

Fënster Op

0 Listeners

Level up by Radio 100,7

Level up

0 Listeners

Zeenewiessel by Radio 100,7

Zeenewiessel

0 Listeners

Moiesstudio by Radio 100,7

Moiesstudio

0 Listeners