Kultur

An eiser Serie iwwer déi Lëtzebuerger Participatioun bei den renomméierte Rencontres de la photo zu Arles hate mir Iech scho mat an de Palais de Luppé geholl, an dee sechs Lëtzebuerger an zwielef belsch Fotokënschtler:innen op méi labber Portfolio-Reviewen an de Palais-Gaart invitéiert gi waren. D’Hallschent vun de Lëtzebuerger Kënschtler:inne war vun der Clierfer Cité de l’image selektionéiert ginn: hir Aussoe fannt Dir an eiser Mediathéik. Déi aner Hallschent war vun de Konschtzentere vun Diddeleng a Südfrankräich geschéckt ginn. An natierlech krut d’Kerstin Thalau och vun dësen Dammen ee Feedback.

De Jos Majerus ass Titularorganist vun der Iechternacher Basilika an organiséiert zënter Ufank un den Eechternoacher Uergelsummer. Dëse start 2025 a seng mëttlerweil 10. Editioun.

Dëst Joer sti mam Organist Maurice Clement, Jos Majerus, Ralf Hansjosten an dem Cellist Benedikt Hansjosten souwuel national wéi och international Artisten an der Basilika um Programm.

Mee wéi eng Relevanz den Uergelsummer fir d'Regioun huet a wéi et a punkto Nowuess an Nofro bei de Jonke bei der Uergel ausgesäit, doriwwer huet sech de Lex Kauffmann vum opus mam Jos Majerus ënnerhalen.

Déi vill Bréiwer vum Vincent van Gogh u säi Brudder, seng Kënschtlerfrënn, weisen de Moler als Auteur. Hie beschreift net just seng Aarbecht als Kënschtler, mee och seng Opfaassung vun der Konscht an der artistescher Froestellung. De Léon Rinaldetti huet dës Publikatioun, déi d‘Gloria Köpnick an de Rainer Stamm an der Insel-Bücherei vum Suhrkamp-Verlag erausginn hunn, gelies.

D’Kamilla, de Bo an de Georges, 13e-Schüler:inne si gutt befrënnt. Literatur, Philosophie a Konschtbeweegunge sinn d’Sujeten, déi si beschäftegen, mol gemeinsam, mol jidderee fir sech. Nieft Emotiounen, Iwwerleeungen an Alldagserliefnesser geroden déi dräi an absurd a surrealistesch Situatiounen. D’Valerija Berdi an de Michel Delage hunn dem Cosimo Suglia säin éischte Roman “Roserei”, deen am Verlag “op der Lay” erauskoum, gelies.

Leschte Freideg den Owend war an de Rotonden de Startschoss fir de Museksfestival Congés annulés. Et geet Schlag op Schlag mat de Concerte bis Enn August an och haut den Owend (30.7.) gëtt et zu Bouneweg live Musek, dës Kéier net aus Kanada, de UK oder Uganda, mee vun hei. Et spillen déi Lëtzebuerger Math-Rocker The Cookie Jar Complot, an dat mat neie Songs a mat Special Guest: d’Gewënnerin vum Screaming Fields dëst Joer,d’ Emeraude Stone, spillt mat. Mir hate scho virun engem Mount op dee Concert agelueden an haten all d‘Museker:innen zesummen am Studio. De Marc Clement huet d‘Gespréich geleet.

De Mikis Theodorakis gëtt op engem 29. Juli 1925 gebuer. Haut ass hien als Komponist, Schrëftsteller a Politiker bekannt.

Iwwer 96 Joer, an deenen de Museker Mikis Theodorakis lieft, entstinn iwwer 1.000 Kompositiounen an 1964 duerch de Film “Alexis Sorbas”, de Museksgenre Sirtaki. Mat senger Kompositioun gëtt hien zu engem weltwäite Phenomeen.

De Mikis Theodorakis engagéiert sech net just an der Musek, mee och fir d’Fräiheete vun all eenzelen. Hie setzt sech géint Drogen, d’Nationalsozialisten an den Terrorismus an a kämpft fir d’Gerechtegkeet op Landesniveau, wéi och fir d’Kulturzeen.

De Mikis Theodorakis fleegt och eng besonnesch Relatioun zu Lëtzebuerg. An deem Kader loosse mir dem Mikis Theodorakis säi Liewe Revue passéieren.

Den Iwwerbléck vun den aktuelle Filmer mam Michel Delage

De Michel Delage an d'Vesna Andonovic beschwätzen dës amerikanesch Tragikomedie vun a mat der Eva Victor.

Wéi kann een d’Architektur prett fir d’Zukunft maachen? A liwwert se nei Léisungsusätz fir den aktuellen a globale Problemer, wéi zum Beispill dem Klimawandel entgéintzewierken? Dëst sinn déi zentral Froen, op déi d’Organisateure vun der Venedeger Architektur-Biennale wëllen opmierksam maachen. Ee Virsaz dee geléngt? De Joé Birchen war fir eis zu Venedeg an deelt am Gespréich mam Marc Clement, Andréck an Highlighte vun der Expo.