Kultur

By Radio 100,7News

Kultur episodes

July 11, 2025 De Glenn Gould a seng legendär Goldberg-Variatiounen
Uechter d’Welt huet dës Plack zanter 70 Joer Kultstatus: rieds geet vum kanadesche Pianist Glenn Gould sengem Enregistrement vum Johann Sebastian Bach senge “Goldberg-Variatiounen” am Joer 1955. Dem Glenn Gould seng Plack huet sech an deene 70 Joer zu deem wuel bedeitendste klasseschen Enregistrement vun allen Zäit entwéckelt an de Pianist Glenn Gould gouf domat quasi deen éischte Pop-Star op enger klassescher Concertsbün. Beim Glenn Gould kann een ouni Zweiwel den Term vum Ausnamekënschtler benotzen, hien huet d’Musek vum Bach wéi keen anere gespillt, krut an der Interpretatioun vun anere Komponisten awer net d’Unanimitéit. De Glenn Gould hat en aussergewéinlecht Talent, nieft dem absolutte Gehéier hat hien och eng enorm musikalesch Memoire, wann hien eng Suite vun Noute just eemol héieren huet, da konnt hie se ëmmer nees um Piano reproduzéieren. De Glen Gould, deen 1932 gebuer gouf, ass awer schonn 1982 am Alter vun nëmme 50 Joer gestuerwen, mee duerch säin Enregistrement vun de “Goldberg-Variatiounen” gouf hien onstierflech.
8 min
July 11, 2025 Um Radar - de Weekend
Den Nicolas Calmes aktivéiert säi Radar a gëtt eis eng Selektioun vu Kultur-rendez-vouse mat an de Weekend.
8 min
July 11, 2025 Poker Face
Mir begleeden hei d'Charlie Cale, dat d'Fäegkeet huet ze erkennen, wa Mënsche léien. Op der Flucht duerch d'USA léist si niewebäi Kriminalfäll.
4 min
July 10, 2025 Klassik am Hesper Park
Dëse Freideg (11. Juli) um 8 Auer owes kann een zu Hesper am Park en Open-Air-Concert vum Orchestre de Chambre du Luxembourg kucke goen. Ënner der Leedung vum Jonathan Kaell begleede si ënner anerem och den Cellist Mathis Grisò. Um Programm Wierker vun David Popper, Ethel Smyth oder och Isaac Albeniz. D’Marie Trussart huet mam Dirigent ënner anerem iwwer de Programm geschwat an hien huet him méi iwwer d’Geschicht vun de Promenadeconcerten erzielt.
10 min
July 10, 2025 Avignon: Am Gespréich mam Jorge De Moura
De Multiinstrumentalist Jorge De Moura ass dëst Joer direkt an zwou Produktiounen zu Avignon: Am Fabio Godinho sengem "En quête" an an der Sophie Langevin hirem "Ce que j'appelle oubli" - ee Stéck, dat hien ënner anerem mat Gittar, Saxofon, Perkussioun an dem Bip vun enger Supermarchés-Keess musekalesch begleet. Am Interview mam Jeff Schinker verréit hien ënner anerem, wéi een en Text vertount iwwer ee Mann, dee wéinst enger Béierbéchs, déi hien net bezuele konnt, doutgeschloe gouf.
8 min
July 10, 2025 Nom Screaming Fields: De-Briefing an Tipps fir Interesséierter
De leschte Samschde war der Rockahl de Screaming Fields - ee Festival, mat deem de Rocklab nei Museker an d'Rockhal bréngt, fir hirer Kariär e bëssen op d'Spréng ze hëllefen. A well dat Interessantst vum Festival am Fong no der Show lass geet, schwätze mir doriwer mam Mathieu Moes vum Rocklab, der Gewënnerin vun desem Joer Emeraude, an der Gewënnerin vum leschte Joer Emeline Trabu alias Blue-Ish.
9 min
July 10, 2025 "Perdre le Nord“ am Süden
Den 9. Juli gouf, am Kontext vun de renomméierte Rencontres internationales de la photo zu Arles, de Lëtzebuerger Projet “Perdre le Nord“ ageweit. An zwar a Presenz vun der Ierfgroussherzogin Stéphanie an eisem Kulturminister Eric Thill. Déi 56. Editioun vun de Rencontres ass mat “images indociles“ iwwerschriwwen. D’Kerstin Thalau ass fir eis dës Woch zu Arles a gouf kuerz virum Vernissage vun den Zwillingsschwëstere Carine an Elisabeth Krecké gewuer, firwat hinnen de Sujet “rebellesch Biller“ um Häerz läit.
14 min
July 10, 2025 La nuit sera longue
An der BD vum Zerocalare ginn d'Schicksaler vun zwou Persoune gewisen, déi sech am Kampf géint de Faschismus asetzen.
7 min
July 09, 2025 Jonk Lëtzebuerger bei internationale Concoursen
Wien zu Lëtzebuerg op de Musekschoulen a Conservatoiren en Instrument léiert ass et gewinnt, reegelméisseg Prüfungen oder Examen ze maachen. Fir e puer geet dat awer net duer. Verschidde jonk Schüler:inne maachen och mat bei nationalen an internationale Museksconcoursen. Fir d'Maria Miteva, Enseignante fir Querflütt un der UGDA-Musekschoul, ass et wichteg, dat ze erméiglechen. Hir Schülerin Candice Diederich huet 10 Joer an huet scho mat 8 Joer bei internationale Concourse matgemaach. Viru Kuerzem huet hatt den zweete Präis bei der MOYSE Competition zu Sofia a Bulgarie gewonnen. Déi jonk Schülerin an hir Enseignante verroden am Gespréich mam Marie Schockmel méi.
10 min
July 09, 2025 Avignon: Am Gespréich mam Luc Schiltz an der Sophie Langevin - 2/2
"Ce que j'appelle oubli" vum Laurent Mauvignier ass een donkelt Stéck, dat op engem nach méi donkele Fait réel baséiert: wéinst enger Béchs Béier, déi ee Mann net konnt bezuelen, gouf hie vun e puer Sécherheetsmänner an engem Supermarché dout geschloen. D'Sophie Langevin hat dëse Prosatext, deen aus engem eenzege Saz besteet, mat hirer Compagnie Junctio adaptéiert an am CAPE uropgeféiert. Iwwer ee Joer méi spéit leeft d'Stéck zu Avignon am 11 - a war um Dënschdeg Moie quasi ausverkaf, wat wuel och doru läit, datt et zu den Télérama-Recommandatioune vun dësem Joer gehéiert. De Jeff Schinker war sech d'Stéck nach eemol ukucken - an huet sech duerno mat der Metteuse en scène Sophie Langevin a mam Schauspiller Luc Schiltz ënnerhalen.
9 min

About Kultur

From the publisher's feed

Interviewen, Kriticken, Commentairen a Reaktiounen zu der kultureller Aktualitéit

Share Kultur

Sign up to save your podcasts

Kultur

Kultur episodes

About Kultur

More shows like Kultur

Journal (Radio)

Panorama

Invité:e vum Dag

Konferenzen

Presserevue

Grousse Kino

Den Hallwer Néng

Europa Aktuell

Kaarten op den Dësch

Um Bols

Mauvais élève

Schlechte Schüler

Seismograph

E puer Wierder iwwer Wierder

Wat lauschters du?

Philo am Gespréich

Fënster Op

Level up

Zeenewiessel

Moiesstudio