الأسبوع الماضي سيطر أحد التريندات على صفحات وسائل التواصل الاجتماعي بدون سبب واضح، مشهد من مسلسل مر عليه سنوات أخرجه أحدهم من خانات الذكريات عن زوج يعود لمنزله ليجد زوجته نازلة مع صديق لها من الدور اللي بيضم غرف النوم، بيصرخ الزوج في زوجته مطالبا بتفسير لإنها نازلة من أوضة النوم مع رجل غريب، وبترد هي عليه إن الرجل ده مش غريب ده صديقها من قبل ما تتجوزه، وكان هنا مع إبنه الصغير اللي راح في النوم فكانوا بينيموه في غرفة من غرف الطابق العلوي.