1. D’Justizministesch an den Educatiounsminister hunn Amendementer zum Jugendstrofrecht virgeluecht. Dat gëllt an Zukunft fir Jonker vun 13 Joer un, et gëtt e Jugendstrofgeriicht geschafen an d’Condamnéiert kommen an e spezielle Prisong fir Mineuren nieft Dräibuer.

2. Well de russesche Krich géint d’Ukrain net ophält, hunn d’EU-Memberlänner e 17. Sanktiounspak géint Russland ugeholl. Fir de Xavier Bettel kéint net verhandelt ginn, soulaang nach bombardéiert gëtt.

3. Am Tennis gouf de Chris Rodesch de Mëtte bei de French Open zu Paräis am 1. Tour vun der Qualifikatioun eliminéiert, an am Cyclissem gewënnt den Hollänner Daan Hoole déi 10. Etapp vum Giro d’Italia: Dat sinn Iwwerschrëften am Sport.