#一周五分鐘，臺語你嘛通！
#喜歡閩南語的朋友，請多多幫我們五星評分鼓勵喔！

今天這句俗諺 「西瓜倚大爿 」(Si-kue uá tuā pîng. )是什麼意思呢？

就親像咱咧買西瓜，切的時陣人講:「你家己揀」，你當然揀較大的彼爿，抑是較細彼爿?(較大爿的)，所以「西瓜倚大爿」，咱會用咱看起來較有好處的所在去揀。咱愛有一个觀念，咱無一定講是愛揀上好的，毋過我建議遮的家長，咱愛尊重囡仔特殊的興趣，因為就是講，你攏佮人仝款，你就無特色，你愛佮別人無仝款，其實每一个囡仔攏足重要、攏足特別的，所以愛發展囡仔佮別人無仝款的才能，無一定愛「攑香綴拜」、「西瓜倚大爿」，結果囡仔這也欲補、彼也欲補，顛倒浪費囡仔的時間，其實「讀冊、讀冊，愈讀愈慼。」所以欲教育囡仔千萬毋通「西瓜倚大爿」，咱愛心肝掠予定，看欲予囡仔做啥物工課，咱愛想予清楚喔。

小編的翻譯蒟蒻：形容人趨炎附勢。平常大家都會用「西瓜倚大爿」罵那些看風向當牆頭草的人，諷刺對方沒有辦法堅持己見。所以爸爸媽媽要堅定心念，尊重孩子的意願，不要看到人家上甚麼才藝課就一窩蜂跟著上喔!

相關俗諺補充:
1. 傍官靠勢；有錢有人扛，無錢臭尻川；扶旺無扶衰；看懸無看低；揀佛燒香，揀菜撒suah油(趨炎附勢)
2. 靠山山會崩，靠水水會焦；有錢有酒多兄弟，急難何曾見一人
3. 落水平平沉，全無重頭輕；共有共無；同齊坐椅，同齊食桌(禍福與共)
4. 客無親疏，來者當受；籐條攑上手，無分親情抑朋友(一視同仁)
5. 瞑頭食西瓜，瞑尾反症；暗頭仔食西瓜，半暝仔反症(有些病人不知道西瓜的特性，傍晚吃了西瓜，到了半夜，病情就忽然急速惡化)

今天的俗諺，你學會了嗎？
-----
Apple｜Spotify｜Google｜KKBOX｜Firstory｜SoundOn
搜尋訂閱：巷仔口的臺語

🎙教育電臺🎙
📻官網:https://bit.ly/39ISswV
🗺️Channel+學習頻道:https://bit.ly/3HgGgSW
🔗粉絲團:https://bit.ly/nerpodcastlink
🎧線上即時收聽:https://bit.ly/3cyxBhE

Powered by Firstory Hosting