Víðsjá

Í Víðsjá í dag ræðir Róbert Haraldsson um Einlyndi og marglyndi, heimspekifyrirlestra Sigurðar Nordal sem hann flutti fyrir öld síðan en ráðstefna verður haldin um efni þeirra í Hannesarholti á laugardag.

Hlustendur heyra brot úr viðtali við Elísu Björgu Þorsteinsdóttur þýðanda um skáldsöguna Etýður í snjó eftir Yoko Tawada en bókin er bók vikunnar á Rás 1 að þessu sinni og höfundurinn væntanleg á Bókmenntahátíð í Reykjavík sem sett verður á morgun.

Inga Björk Margrétar- og Bjarnadóttir flytur pistil um forgengileika, forvörslu og yfirfullar safnageymslur og svo heyrum við brot úr gömlu viðtali við Halldór Kiljan Laxness en í dag er dagur bókarinnar á fæðingardegi Halldórs og jafnframt hundrað ár liðin frá útkomu Barns Náttúrunnar, fyrstu skáldsögu hans.

En fyrst sendum við Atla Heimi Sveinssyni stutta kveðju, en Atli kvaddi þennan heim á laugardaginn síðasta. Hann var fæddur í Reykjavík 21. September 1938 og vitanlega eitt mikilvirkasta tónskáld Íslands á 20. öld, frumkvöðull og forystumaður um framúrstefnu í tónsköpun, notkun nýrra hljógjafa, hljóðfæratækni og hljóðheims

Í síðustu viku var tilkynnt hvaða verkefni hlyti Mies van der Rohe-verðlaunin, arkitektaverðlaun Evrópusambandsins árið 2019. Að þessu sinni eru það viðbætur við þrjár stórar félagslegar íbúðablokkir frá sjöunda áratugnum sem staðsettar eru í Bordeaux í Frakklandi. Rætt verður við Hildi Gunnarsdóttur arkitekt, en hún hefur kynnt sér sigurverkefnið.

Aðalbjörg Þórðardóttir, Abba, grafískur hönnuður og myndlistarkona, segir frá uppáhaldslistaverkinu sínu.

Einnig hljóma í þættinum nýleg kórlög Steingríms Þórhallssonar við ljóð Snorra Hjartarsonar, en Kór Neskirkju hefur tekið lagaflokk Steingríms upp á hljómdisk og verður útkomu hans fagnað með tónleikum í kirkjunni annan í páskum.

En við byrjum á að hringja til Parísar, ekki til að ræða um kirkjubrunann þar mikla í fyrradag, heldur til að forvitnast um leiklestur á nokkrum íslenskum leikritum þar í borg, en Ragnheiður Ásgeirsdóttir stendur fyrir honum næstu daga. Hún stóð fyrir slíkri hátíð fyrir 15 árum í borginni en segir áhuga á íslenskri menningu hafa glæðst mjög síðan þá. Við slóum á þráðinn og heyrðum að hátíðinni sem fram fer í 13 hverfi borgarinnar, báðum Ragnheiði að greina frá.

Í Víðsjá í dag verður við Árna Daníel Júlíusson, sagnfræðing, um hvalreka og hvernig þeir birtast í heimildum á 13. og 14. öld. En Árni telur að frumstæðar hvalveiðar og hvalrekar hafi spilað stærra hlutverk í lífi þjóðarinnar en oft hefur verið haldið fram.

Hringt verður norður á Siglufjörð í Aðalheiði Eysteinsdóttur sem efnir til menningarveislu um páskana í Alþýðuhúsinu þar í bæ.

Í tilefni alþjóðlegrar ráðstefnu um merkingarfræði bókmennta sem nú stendur yfir við Háskóla Íslands verður rætt við einn fyrirlesaranna þar, Hannes Högna Vilhjálmsson, sem starfar við gervigreindarsetur Háskólans Í Reykjavík. Hannes Högni verður tekinn tali um sköpun sýndarveruleika og tengsl forritunar og merkningarfræði.

María Kristjánsdóttir segir hlustendum skoðun sína á uppfærslu Borgarleikhússins á Kæru Jelenu

En við byrjum á stórfréttum gærdagsins, stórbrunanum í Notre Dame kirkjunni í París.

Í gær voru verðlaun breska tónlistartímaritsins BBC Music Magazine veitt við hátíðlega athöfn í London. Víkingur Heiðar Ólafsson píanóleikari hlaut tvenn verðlaun, fyrir bestu hljóðfæra útgáfu ársins og jafnframt aðalverðlaun kvöldsins fyrir upptöku ársins. Um ræðir útgáfu hans á smáverkum Johanns Sebastians Bach sem kom út í fyrra. Að því tilefni verður leikin tónlist af plötunni í Viðsjá dagsins og gripið niður í viðtal sem tekið var við Víking í tilefni útgáfunnar síðasta haust. 

 

Í tilefni af alþjóðlega plötubúðadeginum sem haldinn verður hátíðlegur um helgina ætlum við að kíkja í heimsókn í Reykjavík Record Store á Klapparstíg og ræða við Reynir Berg Þorvaldsson um mikilvægi plötubúða í streymisvæddum samtíma.

Á mánudaginn tilkynnti sænska leikhúsið Dramaten frá brottrekstri leikhústjórans, Eriks Stubø. Meðal þess sem varð til þess var heimildamynd sem sýnd var í sænska ríkissjónvarpinu í lok síðasta mánðar. Halla Þórlaug Óskarsdóttir fer yfir söguna.

Hlustendur heyra einnig brot úr viðtali við þýska fiðluleikarann Isabelle Faust en hún leikur einleik með Sinfóníuhljómsveit Íslands í kvöld, á tónleikum sem verða í beinni útsendingu á Rás 1. Útsending úr Hörpu hefst kl. 19:30 en hlustendum verður veitt innsýn í efnisskránna frá kl. 19. 

Umsjón: Guðni Tómasson og Kristján Guðjónsson

Í Víðsjá í dag verður rætt um barnamenningu og barnamenningarpólitík þegar gestir þáttarins verða Elfa Lilja Gísladóttir píanókennari og umsjónarmaður verkefnisins List fyrir alla, og Kolbrún Halldórsdóttir formaður stjórnar nýsstofnaðs Barnamenningarsjóðs. Tilefnið er Barnamenningarhátíð sem sett var í gær.

Kristín Geirsdóttir, bókasafns- og upplýsingafræðingur, segir hlustendum frá uppáhalds listaverkinu sínu og Gauti Kristmannsson fjallar í bókmenntarýni um nýja bók Mazeen Marouf, Brandarar handa byssumönnum.

Einnig verður rætt við myndlistarmanninn Fritz Hendrik um sýningu hans Týnd lykilorð í Ásmundarsal.

Umsjón: Guðni Tómasson og Kristján Guðjónsson.

Í Víðsjá dagsins verður rætt við þýsku blaðakonuna Söruh Schug en hún hefur skrifað bók um Eyju listarinnar (Isle of Art) sem er ferðalag í gegnum íslenska samtímamyndlist með viðtölum við marga þá sem að henni starfa.

Bók vikunnar er skáldsagan Blá eftir norska rithöfundinn Maju Lunde, bók sem skoðar afleiðingar lofstlagsbreytinga í nálægri framtíð. Ingunn Ásdísardóttir, þýðandi, segir frá bókinni í Víðsjá í dag.

Hlustendur verða leiddir inn í kraftmikinn heim fiðlunar í myndlistarverki sem var til vitnis um mikla framúrstefnu á sínum tíma og nú er til sýnis í Listasafni Íslands.

Einnig verða skoðaðir í þættinum íslamskir munir sem rötuðu til norrænna manna á víkingaöld. Þórir Jónsson Hraundal, lektor í Miðausturlandafræði við Háskóla Íslands, er gestur þáttarins.

Umsjón: Guðni Tómasson og Kristján Guðjónsson.

Víðsjá - 4.4.2018

Víðsjá í dag óvænt símtal norðan úr landi en á línunni er Magnús Ólafsson á Blöndósi sem oftast er kenndur við Sveinsstaði. Magnús segir hlustendum söguna af því þegar faðir hans og afi tóku þátt í að grafa upp bein Agnesar Magnúsdóttur og Friðriks Sigurðssonar 104 árum eftir að þau voru líflátin í síðustu aftökunni sem fór fram á Íslandi, en þeir atburðir eru til umfjöllunar í bókinni Náðarstund eftir Hönnuh Kent, sem er bók vikunnar að þessu sinni.

Halla Þórlaug Óskarsdóttir sendir hlustendum pistil frá Svíþjóð um ástarsamband okkar við jörðina, breytingar og tilganginn með lífinu og minnst verður maskínur sem verið er að setja upp í höfuðstað Bretaveldis sem dæla út úr sér smásögum fyrir þreytta borgarbúa.

Vorblót Tjarnarbíós og Reykjavík Dance Festival fer fram um helgina. Að því tilefni verður rætt við Steinunni Ketilsdóttur, danshöfund, en hún frumsýnir nýtt verk á danslistahátíðinni á föstudag. Verkið, Verk nr. 1.5, sprettur upp úr nokkurra ára rannsóknarverkefni Steinunnar þar sem hún hefur velt fyrir sér og unnið með væntingar í dansheiminum.

Umsjón: Guðni Tómasson og Kristján Guðjónsson.

Í Víðsjá í dag verður rætt við Sigríði Þorgeirsdóttur, prófessor í heimspeki, um líkamlega gagnrýna hugsun. Sigríður er í forsvari fyrir merkilegt rannsóknarverkefni þar sem meðal annars er unnið að því að þróa nýjar aðferðir til að kenna og stunda gagnrýna hugsun, aðferðir sem taka inn í myndina nýlegar kenningar og rannsóknir sem varða líkamleika og reynsluhugsun - órjúfanleg tengsl líkama og huga.

Hildigunnur Birgisdóttir myndlistarkona segir hlustendum frá uppáhalds listaverkinu sínu og Inga Björk Margrétar Bjarnadóttir, myndlistarrýnir Víðsjár, segir frá upplifun sinni af heimsókn á sýninguna Non plus ultra þar sem Steinunn Önnudóttir sýnir verk sín í D-sal Hafnarhúss Listasafns Reykjavíkur.

Víðsjá forvitnast líka um nýja útgáfu með upptökum á söng Elísabetar Erlingsdóttur sópransöngkonu, þegar rætt verður við dóttur henna Önnu Rún Atladóttur og gripið niður í gamlan þátt úr safni Ríkisútvarpsins þar sem Elísabet var kvöldgestur Jónasar Jónassonar.