Á sumarsýningu Listasafns Reykjavíkur , Einskismannsland - Ríkir þar fegurðin ein? er að finna í einum salnum í Hafnarhúsinu stórt verk sem Ósk Vilhjálmsdóttir stendur fyrir. Ósk segir okkur frá verkinu eftir stutta stund.

Lagið Claimstaker með Björk Guðmundsdóttur.

Óperan Brothers eftir Daníel Bjarnason var sýnd í Hörpu um helgina, á vegum Íslensku óperunnar en uppfærslan kemur hingað til lands frá Árósum. María Kristjánsdóttir var meðal gesta í Eldborg á laugardagskvöld og segir okkur frá.

Skáldsagan Okkar á milli, eftir írska rithöfundinn Sally Rooney er komin út í íslenskri þýðingu Bjarna Jónssonar, hjá bókaútgáfunni Benedikt. Bókin hefur slegið í gegn víðsvegar um heim og þykir framúrskarandi frumraun höfundar. Bjarni segir okkur frá bókinni og glímu þýðandans.

umsjón: Halla Þórlaug Óskarsdóttir og Guðni Tómasson

Óperan Brothers eftir Daníel Bjarnason kemur nú til Íslands á vegum Íslensku óperunnar. Tónskáldið, Daníel heimsækir Víðsjá.

Katrín Harðardóttir, doktorsnemi í þýðingarfræðum segir frá rannsókn sinni á þýðingum Guðbergs Bergssonar með tilliti til femínískra fræða.

Tregahandbókin nefnist nýútkomið ljóða- og hugleiðingasafn Magnúsar Sigurðssonar, þar sem ægir saman textum úr ýmsum áttum - frumsömdum og fengnum að láni.

Við heyrum brot úr viðtali við Sigurð Pálsson um bók vikunnar, þýðingu hans á Svo þú villist ekki í hverfinu hérna eftir Patrick Modiano.

Umsjónarmenn: Halla Þórlaug Óskarsdóttir og Guðni Tómasson

Við heimsækjum Hafnarborg, en þar var um helgina opnuð afmælissýningin 35/30, þar sem sýnd eru valin verk úr safni Hafnarborgar. Við ræðum við forstöðukonuna og sýningarstjórann Ágústu Kristófersdóttur.

Við heyrum lestur Sigurðar Pálssonar úr bókinnni Svo þú týnist ekki í hverfinu hérna eftir Patrick Modiano. Sigurður þýddi bókina en hún er nú bók vikunnar á Rás 1.

Rætt er við Unnar Örn, annan sýningarstjóra sýningarinnar Bókverk í Safnahúsinu, þar sem sýnd eru bókverk úr safnkosti Landsbókasafnsins. Sýningin er hluti af Listahátíð í Reykjavík.

Forystu-Flekkur heitir bók sem kom fyrst út árið 1950 þar sem safnað var saman sögum af dýrum. Nú hefur hún verið endurútgefin og útgefandinn Bjarni Harðarson bóksali er gestur þáttarins.  

Umsjónarmenn: Halla Þórlaug Óskarsdóttir og Guðni Tómasson

Víðsjá 5.6.2018

Rætt við Maríu Kristjánsdóttur og Snæbjörn Byrnjarsson um leikárið vegna grímunnar.

Gripið fréttaauka frá 1968 um morðið á Robert Kennedy

Skilaboð frá Nýló : Dorothea Kirch flytur pistil um safnið, myndlist og Ísland.

Sagt frá því að Listasafn Árnesinga fékk Safnaverðlaunin 2018.

LAG: Puro Teatro með Flor de Toloache

Hrafnhildur Arnardóttir (Shoplifter) var valin í gær til að vera fulltrúi Íslands á Feneyjatvíæringnum næsta ár. Hún er gestur Víðsjár.

Umsjón: Guðni Tómasson og Halla Þórlaug Óskarsdóttir

Í dag opnar yfirlitssýning á verkum Gerðar Helgdóttur i Gerðarsafni í Kópavogi en listakonan hefði fagnað níutíu ára afmæli í ár hefði hún lifað. Við heimsækjum Gerðarsafn og ræðum þar við Kristínu Dagmar Jóhannesdóttur og Brynju Sveinsdóttur um Gerði og verk hennar.

Sigubjörg Þrastardóttir ljóðskáld heimsækir okkur og segir frá bókinni og sýningunni Augnhljóð en þar urðu ljóð fjögurra íslenskra ljóðskálda til upp úr ljósmyndum sem dönsku listakonurnar Iben West og Else Ploug Isaksen tóku, en samnefnd sýning, Augnhljóð, verður opnuð í ljósmyndasal Þjóðminjasafns Íslands þar sem hún mun standa í vetur.

Gauti Kristmannson bókmenntarýnir þáttarins mætir með nýjan pistil, þar sem hann veltir fyrir sér fortíð og framtíð Nóbelsverðlaunanna og óróanum sem skekur sænsku Nóbelsakademíuna.

Og við heyrum Kristínu Ómarsdóttur segja frá ljóðabók sinni Köngulærnar í sýningarglugganum, sem hlaut ljóðabókaverðlaunin Maístjörnuna í vikunni, og sem er bók vikunnar á Rás1.

Umsjón: Guðni Tómasson og Halla Harðardóttir.

Við förum út á Álftanes og heimsækjum Manfreð Vilhjálmsson arkitekt en hann fagnaði níræðisafmæli sínu á dögunum. Manfreð bauð okkur heim í Smiðshús, tilraunahúsið sem hann hannaði og flutti svo í með fjölskyldu sinni árið 1961.

Tónlistarkonan Kira Kira heimsækir Víðsjá með nýja plötu í farteskinu, Alchemy and friends.

Sigrún Ása Sigmarsdóttir kemur einnig í þáttinn og segir frá nýútkominni ljóðabók sinni Siffon og damask. Bókin er fyrsta ljóðabók Sigrúnar Ásu og sú 31. í seríu Meðgönguljóða.

Guja Dögg Hauksdóttir flytur sinn síðasta pistil í bili um borgarlandslagið, sem hún kallar París norðursins.

Umsjón: Guðni Tómasson og Halla Harðardóttir.

Við byrjum þáttinn á að hlýða á handhafa Maístjörnunnar lesa nokkur ljóð.

Myndlistarrýnir þáttarins, Starkaður Sigurðarson, segir frá sinni upplifun af Stríði, verki Ragnars Kjartanssonar og Kjartans Sveinssonar sem sýnt var í Þjóðleikhúsinu á dögunum.

Leikhópurinn Lakehouse hefur sýnt ný íslensk leikverk víða um land undanfarin tvö ár. Árni Kristjánsson og Harpa Fönn Sigurjónsdóttir koma þáttinn og segja frá nýjasta verkefni sínu sem kallast Einangrun en markmið þess er að fá skúffuskáld allsstaðar af landinu til samstarfs.

Segulbönd Kvæðafélagsins Iðunnar eru kominn út á bók og á fjórum geisladiskum, en útgáfan er framhald verkefnis sem hófst árið 2004 með útgáfu á Silfurplötum Iðunnar sem að vöktu mikla athygli. Við ræðum við Rósu Þorsteinsdóttur, sérfræðing á Stofnun Árna Magnússonar í íslenskum fræðum, um útgáfuna og fáum kannski að heyra nokkrar rímur.

Umsjón: Guðni Tómasson og Halla Harðardóttir.

Í Víðsjá dagsins ætlum við að huga að Leiðinni heim sem er göngusýning í miðborg Reykjavíkur og eins konar upptaktur að Listahátíð í Reykjavík sem hefst í byrjun júní. Við ræðum við Egil Sæbjörnsson myndlistarmann sem tekur þátt í sýningunni og Kathy Clark sýningarstjóra um innsetningu í frístandandi glugga við Hverfisgötu.

Við lítum inn á æfingu á verkinu Free Play, tilraunakenndri óperusýningu þar sem raftónlistarmaðurinn Sveinbjörn Thorarensen skapar nýjan hljóðheim upp úr óperunni La Traviata eftir Verdi. Verkið verður flutt í Bingósalnum í Vinabæ næstkomandi laugardag. Við ræðum við Sveinbjörn og tvo af höfundum verksins, óperusöngkonuna Hrafnhildi Árnadóttur og myndlistarkonuna Hrafnhildi Gissurardóttur.

Á morgun verður þess minnst að þá verða liðin 150 ár síðan Sr. Friðrik Friðriksson, æskulýðsleiðtogi og brautryðjandi í starfi með ungmennum, fæddist að Hálsi í Svarfaðardal. Meðal annars verður blásið til hátíðardagskrár í Lindakirkju og blómsveigur lagður að leiði Sr. Friðriks. Við ætlum að leyfa rödd Friðriks að hljóma í þætti dagsins.

Og við ræðum við rithöfundinn Guðmund Óskarsson um skáldsögu hans Villisumar, sem er bók vikunnar á Rás1.

Umsjón: Guðni Tómasson og Halla Harðardóttir.

Við ræðum við Hörð Lárusson grafískan hönnuð um þær tillögur sem bárust um íslenskan þjóðfána á sínum tíma en í dag verður opnuð sýning á sumum þeirra hugmynda í íslenska sendiráðinu í Kaupmannahöfn. Þar gefur meðal annars að líta í fyrsta sinn saumaða útgáfu að hugmynd Jóhannesar Kjarvals að fánanum og eins hugmynd Kristjáns tíunda konungs að fána fyrir Ísland.

Vala Hafstað les úr nýrri ljóðabók sinni, Eldgos í aðsigi / Imminent Eruption, og segir frá umskiptunum úr bandarískum veruleika yfir íslenskan.

Guðmundur Ingólfsson ljósmyndari verður einnig gestur Víðsjár í dag, en hann ætlar að deila með okkur ljósmyndum sem aldrei gleymast.

Og Arndís Björk Ásgeirsdóttir veltir fyrir sér klæðaburði ungra kvenpíanista, rómantíkinni í verkum Beethovens og tenginu hennar við Billy Joel.

Umsjón: Guðni Tómasson og Halla Harðardóttir.

Tónskáldið Páll Ragnar Pálsson hlaut um helgina aðalverðlaunin á Alþjóðlega tónskáldaþin ginu International Rostrum of Composers sem haldið var í Búdapest. Páll hlaut verðlaunin fyrir verk sinn Quake.

Páll kemur í þáttinn til að ræða verkið og með honum verður annar góður gestur, Arndís Björk Ásgeirsdóttur sem sótti hátíðina fyrir hönd Ríkisútvarpsins.

Næstkomandi laugardag verður sendiherrabústað Íslands í Berlín breytt í nýlendu lista, í tilefni af 100 ára fullveldisafmæli Íslands. Á viðburðinum, sem er hluti af listahátíðinni Cycle sem er vettvangur fyrir samtal tilraunakenndrar samtímatónlistar og myndlistar, verða íslenskir listamenn og íslenm sk list kynnt fyrir listasenunni í Berlín. Við ræðum við Guðný Þóru Guðmundsdóttur, listrænan stjórnanda hátíðarinnar í þætti dagsins.

Og það verða fleiri fréttir frá Berlín því Svala Arnardóttir pistlahöfundur Vísjár í Berlín ætlar að segja okkur frá spennandi safni sem heiðrar minningu listakonunnar Kate Kollwitz, sem bjó og starfaði í Berlín þar til hún lést árið 1947.

Og Guðmundur Óskarsson rithöfundur kemur í þáttinn og les úr skáldsögu sinni Villisumar frá árinu 2016, sem er bók vikunnar á Rás1.

Umsjón: Guðni Tómasson Halla Harðardóttir.