Víðsjá

Kristján Hrafn Guðmundsson segir frá óútkomnu smásagnasafni sínu Afkvæni, sem færði honum Nýræktarstyrk Miðstöðvar íslenskra bókmennta fyrir viku síðan.

Við heyrum brot úr viðtali Jórunnar Sigurðardóttur við Soffíu Auði Birgisdóttur um bókina Ástkær eftir Toni Morrison, sem er bók vikunnar.

Við röltum um sýninguna ÚTHVERFI í Breiðholtinu, ásamt Aðalheiði Valgeirsdóttur og Aldísi Arnardóttur, sýningarstjórum hennar, en hún er hluti af sýningaröðinni HJÓLIÐ sem Myndhöggvarafélagið stendur fyrir, í aðdraganda hálfrar aldarafmæli félagsins 2022. Þetta eru sýningar í opinberum rýmum þar sem verk þræða sig eftir hjóla- og göngustígum borgarinnar.

Tónlist:

Í koti karls - Tómas R. Einarsson og Ómar Guðjónsson

Klockorna ringer in dig ändå - Kristian Anttila

Umsjón: Halla Þórlaug Óskarsdóttir

Grímuverðlaunin verða veitt í kvöld og af því tilefni heimsækja leikhúsgagnrýnendur Víðsjár þáttinn og velta vöngum, þau María Kristjánsdóttir og Þorvaldur Sigurbjörn Helgason.

Benedikt Kristjánsson tenór söngvari kemur í heimsókn og ræðir nýútkomna plötu sína, Drang in die Ferne, þar sem hann blandar saman íslenskum þjóðlögum og ljóðasöng Franz Schubert

Margrét Tryggvadóttir, rithöfundur og bókmenntafræðingur, heimsækir þáttinn og ræðir styrkjaumhverfi og bókaútgáfu, en nýlega var í fyrsta sinn veittur sérstakur styrkur til barnabókaútgáfu sem nefnist Auður

Friðrik Friðriksson framkvæmdastjóri Sjálfstæðu leikhúsanna og Kara Hergils, stjórnarmeðlimur, heimsækja þáttinn og segja frá fundi sem þau sóttu í Bretlandi, þar sem rætt var um fjölbreytileika og inngildingu í sviðslistaheiminum

Og við veltum fyrir okkur þessu orði, inngilding, sem er hin íslenska þýðing á enska orðinu inclusion sem vafist hefur fyrir mörgum í samræðum um jafnrétti.

Við heyrum brot úr þættinum Vaxtarbroddur á vergangi frá árinu 1985 þar sem Margrét Rún Guðmundsdóttir ræðir við Þórhildi Þorleifsdóttur um mikilvægi frjálsra leikhópa.

Sigurður Arent flytur pistil um uppistand sem hann sótti í Tjarnarbíói á dögunum, með Lóu Björk Björnsdóttur og Rebeccu Scott Lord.

Umsjón: Halla Þórlaug Óskarsdóttir

Sigrún Harðardóttir, fiðluleikari, heimsækir þáttinn og segir frá tónverkum sem fjalla um hafið og ræðir rómantíkina sem tengist hafinu og hvernig hún getur verið flókin fyrir nútímafólk

Gígja Hólmgeirsdóttir flytur okkur fregnir af lettneskri samtímasýningu frá Listasafninu á Akureyri.

Guðni Tómasson lítur við á æfingu hjá Sinfóníuhljómsveit Íslands og ræðir þar við hljómsveitarstjórann Edo de Vaart og píanistann Richard Goode.

Og við heimsækjum Berg Thomas Anderson í Harbinger þar sem hann leggur lokahönd á sýningu sína, The one and only body of The Hum and Lego Flamb.

Finnbogi Pétursson segir frá sýningu sinni Yfir og út sem stendur yfir í Hallgrímskirkju og Ásmundarsal

Justyna Wilczynska heimsækir þáttinn og segir frá því hvernig óbilandi áhugi á íslenskri tónlist fékk hana til að flytjast búferlum frá Póllandi til Íslands

Júlía Margrét Einarsdóttir veltir fyrir sér tveimur víddum lífsins - draumheimum og raunheimum.

Tónlist:

Ottoman - Burn the Witch

Bláskjár - Silkirein

Árstíðir - Passion

Umsjón: Halla Þórlaug Óskarsdóttir

Í Víðsjá í dag verður rætt við Ásu Richardsdóttur, framkvæmdastjóra alþjóðlegu sviðslistasamtakanna IETM um samtökin, pólitík og áhrifamátt sviðslistanna.

Ægir Þór Jänke, heimspekingur og skáld, heimsækir þáttinn og segir frá tímaritinu Skandala, nýju bókmenntatímariti sem beinir sjónum að skúffuskáldum og hráum verkum.

Flutt verður viðtal frá árinu 2016, við Ófeig Sigurðsson, þýðanda Verndargrips eftir Roberto Bolaño, sem er bók vikunnar að þessu sinni.

Og við heimsækjum Hafnarborg og kíkjum á sýninguna Tímahvörf, sem var opnuð síðustu helgi. Rætt verður við Ágústu Kristófersdóttur, safnstjóra, um sýninguna, en þar birtist áhorfandanum sýn átta samtímaljósmyndara á Hafnarfjörð.

Tónlist:

Patti Smith - Ghost Dance

Patrick Watson - Weight of the World

Umsjón: Halla Þórlaug Óskarsdóttir

Í Víðsjá í dag hringjum við til New York og ræðum við Ragnar Kjartansson sem opnar á morgun nýja innsetningu í Metropolitan Museum of Art.

Gauti Kristmannsson fjallar um Nóbelsharmleikinn. Nú eru komnar út tvær nýjar bækur sem fjalla um vandræðin innan sænsku akademíunnar, bækur skrifaðar af innstu koppum í búri akademíunnar.

Get ekki teiknað bláklukku nefnist ný sýning á blómaverkum Jóhannesar Kjarvals sem opnaði á Kjarvalsstöðum um síðustu helgi. Við heimsækjum sýninguna og ræðum við sýningarstjórann Eggert Pétursson, myndlistarmann.

Í Víðsjá í síðustu var rætt við Bergsvein Birgisson rithöfund um grein sem hann ritar í nýjasta hefti Skírnis, en þar gagnrýnir hann hvernig fræðileg orðræða í hugvísindum hefur þróast á undanförnum áratugum. Í dag höldum við áfram að ræða stöðu og orðræðu hugvísindanna í dag. Gestir okkar verða Guðmundur Hálfdánarson, forseti hugvísindasviðs Háskóla Íslands, og Sigríður Þorgeirsdóttir, prófessor í heimspeki.

Í Víðsjá í dag hverfum við inn í Blómsturheima Sölva Helgasonar, Sólons Íslandus, en verk þessa heillandi flakkara, fræði- og listamanns eru sýnd á Kjarvalsstöðum um þessar mundir. Rætt verður við Hörpu Björnsdóttur, sýningarstjóra um Sölva.

Einnig verður rætt við Línus Orra Gunnarsson Cederborg um Vöku þjóðlagahelgi sem verður haldin í Dósaverksmiðjunni í Reykjavík um næstu helgi.

Bók vikunnar er Grasið syngur eftir breska rithöfundinn Doris Lessing. Að því tilefni fræðumst við um höfundinn og heyrum brot lesið úr bókinni.

Inga Björg Margrétar og Bjarnadóttir fjallar um List án landamæra og utangarðslist í myndlistarpistli dagsins.

Umsjón: Guðni Tómasson og Kristján Guðjónsson

Í nýjasta hefti Skírnis birtist grein eftir Bergsvein Birgisson, rithöfund, þar sem hann deilir hart á stöðu akademíunnar og fræðilega orðræðu í samtímanum. Hann telur að fræðasamfélagið hafi fjarlægst venjulegt fólk um of á síðustu áratugum. Í Víðsjá í dag verður rætt við Bergsveinn um þessa athyglisverðu grein.

Um þessar mundir er nokkuð fjaðrafok í kringum norsku konungsfjölskylduna því prinsessan Martha Louise er komin í samband með bandarískum seiðkarli. Að þessu tilefni fjallar Júlía Margrét Einarsdóttir um seiðkarla og nornir í pistli dagsins.

Helgi Gíslason myndhöggvari verður heimsóttur, og rætt við hann um skúlptúra, portrett og brjóstmyndir.

Aðstandendur raftónlistarhátíðarinnar Raflost verða teknir tali, en hátíðin fer fram í Mengi nú um helgina.

Umsjón: Kristján Guðjónss og Guðni Tómasson

Í Víðsjá í dag verður rætt við Sólveigu Ólafsdóttur sagnfræðing sem ásamt þeim Finni Jónassyni og Sigurði Gylfa Magnússyni hefur ritað efni ný útkominnar bókar sem heitir Híbýli fátæktar: Húsnæði og veraldleg gæði fátæks fólks á 19. og fram á 20. öld.

Fjallað verður um endurútgáfu á ljóðum Arnfríðar Jónatansdóttur í bókinni Þröskuldur hússins er þjöl en það er Una útgáfuhús sem nú gefur út þessa bók sem fyrst kom út árið 1958. Tveir af forsprökkum forlagsins, Einar Kári Jónsson og Jóhannes Helgason, koma og ræða um þessa merkilegu bók.

María Kristjánsdóttir leiklistarrýnir Víðsjár fjallar um sýninguna Mutter Courage eftir Berthold Brecht en hún er útskriftarverkefni leikarabrautar sviðslistadeildar Listaháskóla Íslands og sett upp í samstarfi við Leikfélag Akureyrar og Þjóðleikhúsið.

Og loks flytur Starkaður Sigurðarson myndlistarpistil um Safnasafnið á Svalbarðseyri í Eyjafirði.