Í Víðsjá dagsins verður rætt við Daníel Bjarnason tónskáld og hljómsveitarstjóra en hann hlaut á dögunum íslensku tónlistarverðlaunin fyrir störf sín og framlag til íslenskrar tónlistar, auk þess að hljóta þrenn önnur verðlaun á hátíðinni.

Guja Dögg Hauksdóttir veltir fyrir sér byggingarreitum við Arnarhól, þar sem Harpa stendur og Hafnartorg og tilvonandi höfuðstöðvar Landsbankans munu rísa, í pistli um skipulag og fagurfræði borgarinnar.

Hera Guðmundsdóttir er ung listakona sem hefur búið og starfað í París frá því hún útskrifaðist úr Listaháskólanum fyrir tveimur árum. Hún kom heim á hönnunarmars til að sýna ný verk sem hún býr til úr leir og ilmkjarnaolíum. Hera sýnir um þessar mundir í gallerí Geysi við Skólavörðustíg, þar sem við hittum hana í vikunni.

Og rætt er við Guðmund Andra Thorsson um bók vikunnar, sem er skáldsaga hans, Íslenski draumurinn frá árinu 1992.

Umsjón: Guðni Tómasson og Halla Harðardóttir

Við veltum fyrir okkur innkomu listamanna í bæjarlífið á Flateyri með Sæbjörgu Freyju Gísladóttur, en hún ritaði greinina 101 Flateyri í nýjasta tímarit Máls og menningar.

María Kristjánsdóttir leiklistarrýnir Víðsjár segir sína skoðun á verkinu Hans Blær í Tjarnarbíói. Sýningin er samstarf leikhópsins Óskabarna Ógæfunnar og rithöfundarins Eiríks Arnar Norðdahl.

Leikhúslistakonur 50+ leiklesa leikrit Svövu Jakobsdóttur í Hannesarholti í mars og apríl. Leikritið „Hvað er í blýhólknum“ undir stjórn Þórhildar Þorleifsdóttur verður lesið þar annað kvöld. Rætt er við Þórhildi um verk Svövu og tíðarandann þegar það var fyrst sett upp, árið 1970.

Við kíkjum inn í nýtt Sýningarrými á Grandgarði sem kallas Open.Það eru þau Hildigunnur Birgisdóttir, Örn Alexander Ámundason, Una Margrét Árnadóttir og Arnar Ásgeirsson sem deila þar vinnustofu og þau stefna á að halda þar reglulega viðburði og sýningar.

Umsjón: Guðni Tómasson og Halla Harðardóttir.

Við förum í Gröndalshús í Grjótaþorpi og ræðum við Rán Flygering teiknara um verkefnið Allir fuglar úr eggi skríða sem er eins konar óður til eggja og var hluti af Hönnunarmars um helgina.

Á morgun hefði Bach orðið 333 ára og því verður fagnað með atburðinum Bachaðu þig upp! í Hörpu á morgun. Við kynnum okkur málið.

Rithöfundurinn og þingmaðurinn Guðmundur Andri Thorsson les úr bók sinni Íslenska draumnum en hún er bók vikunnar á Rás 1.

Og loks verður alþjóðlegum degi hamingjunnar fagnað með því að skoða birtingarmyndir hennar í Hollywoodmyndum en Unnur Tryggvadóttir Flovnez kannaði þær í lokaritgerð sinni í heimspeki.

Umsjón: Guðni Tómasson og Halla Harðardóttir.

Í Víðsjá dagsins mun Óttar Proppe segja frá skáldsögu sem hafði á hann djúpstæð áhrif og breytti sín hans á listir.

Árni Heimir Ingólfsson segir frá Eddu II eftir Jón Leifs sem Sinfóníuhljómsveit Íslands, Schola Cantorum og einsöngvarar flytja í næstu viku en sýningu um tónverkið og sköpun þess hefur verið sett upp í Þjóðarbókhlöðu.

Edda verður líka á dagskrá í Hannover í kvöld en Þorleifur Örn Arnarson og Mikalel Torfason frumsýna leikverk sitt Die Edda þar í kvöld. Víðsjá slær á þráðinn til Hannover og ræðir við Þorleif Örn um verkið.

Einnig verðu rætt Ólöfu Pétursdóttur þýðanda um bók vikunnar, Fegurð er sár eftir indónesíska höfundinn Eka Kourniwan í þýðingu Ólafar.

Umsjón: Guðni Tómasson og Halla Harðardóttir.

Skúli Björn Gunnarsson forstöðumaður Gunnarsstofnunar segir frá leikjavæðingu menningararfsins, en námsstefna um hana verður haldin í Gerðubergi á föstudag.

Arndís Björk Ásgeirsdóttir segir frá óvæntu sambandi rússneska tónskáldsins og píanósnillingsins Rachmaninoffs og kanadísku sönggyðjunnar Celine Dion.

Litið í heimsókn til Róshildar Jónsdóttur vöruhönnuðar þar sem undirbúningur fyrir Hönnunarmars er í fullum gangi. Rætt er við Róshildi og Regínu Bjarnadóttur, framkvæmdastjóra Aurora velggerðarsjóðs, um samstarf íslenskra hönnuða og handverksfólks frá Sierra Leone.

Umsjón: Halla Harðardóttir og Guðni Tómasson.

Í Víðsjá dagsins er rætt við myndlistarmanninn Kristinn E. Hrafnsson um sýninguna Þvílíkir tímar, sem stendur yfir í Hverfisgalleríi við Hverfisgötu. Einnig er rætt við danska leikritaskáldið Jakob Weis um forvitnilegt leikrit sem var frumsýnt í Konunglega danska leikhúsinu á föstudag en það heitir Møller and Larsen og segir frá samskiptum danska auðjöfursins A.P. Møller og arkitektsins Hennings Larsen og samstarfi þeirra við að byggja nýju óperuna í Kaupmannahöfn.

Haldið er í heimsókn í menningarhús Borgarbókasafnsins í Spönginni í Grafarvorgi en þar sýnir hinn 89 ára gamli Guðmundur W. Vilhjálmsson ljósmyndir sem hann hefur unnið með hjálp tölvutækni. Og lesið er úr bók vikunnar sem er Fegurð er sár eftir indónesíska skáldið Eka Kurniawan í þýðingu Ólafar Pétursdóttur.

Umsjón: Guðni Tómasson og Halla Harðardóttir.

Rakel McMahon og Katrín I. Jónsdóttir Hjördísardóttir segja frá samstarfi sínu og Evu Ísleifs, tveggja vikna gjörningi sem þær framkvæmdu í Aþenu og afurðum hans, sem má sjá um þessar mundir á sýningunni About Looking í Gallerí Gamma.

Rætt er við Gyrði Elíasson um bók vikunnar, Hvernig ég kynntist fiskunum eftir Ota Pavel í þýðingu Gyrðis og litið verður inn í nýtt húsnæði Dansverkstæðisins og rætt við verkefnastjóra þess, Tinnu Grétarsdóttur.

Bjarki Bragason, myndlistarmaður og lektor við Listaháskóla Íslands segir frá minnistæðum listaverkum.

Umsjón: Guðni Tómasson og Halla Harðardóttir.

Við byrjum á bók sem kom út i síðustu viku, Mið-Austurlönd: Fortíð, nútíð og framtíð. Höfundurinn, Magnús Þorkell Bernharðsson, prófessor í nútímasögu Mið-Austurlanda við Williams College í Bandaríkjunum, kemur í spjall um bókina.

Guja Dögg Hauksdóttir rýnir í uppbyggingu borgaryfirvalda á hinum svokölluðu þróunarreitum, í pistlaröð sinni um fagurfræði borgarinnar

Anna Kolfinna Kuran dansöfundur og Bjartey Elín Hauksdóttir dansari koma í heimsókn og segja frá verkinu Allar mínar systur sem verður frumflutt á danshátíðinni Unglingurinn í Reykjavík, á morgun.

Og við lítum inn á vinnustofu Sigurðar Guðjónssonar sem hlaut á dögunum íslensku myndlistarverðlaunin.

Umsjón: Guðni Tómasson og Halla Harðardóttir.

Í Víðsjá dagsins hugum við að sýningu Marinu Abramovich í Konunglega bókasafninu í Kaupmannahöfn.

Gyrðir Elíasson les úr bók vikunnar, sem að þessu sinni er skáldsagan Hvernig ég kynntist fiskunum eftir Ota Pavel í þýðingu Gyrðis.

Við lítum á sýninguna Taugasalöt sem opnaði um liðna helgi í Gallerí Berg Contemporary, og ræðum þar við listamanninn Björn Roth.

Myndlistarrýnir Víðsjár, Starkaður Sigurðarson, fjallar um sýninguna Innrás í Ásmundarsafni þar sem verk Guðmundar Thoroddsen eru í samtali við verk Ásmundar.

Umsjón: Guðni Tómasson og Halla Harðardóttir.

Örn Magnússon organisti í Breiðholtskirkju segir frá tónleikum þar sem tónsmíðum Jóns Leifs og frakkans Gabriels Fauré er stefnt saman. Einnig er rætt við Yrsu Þöll Gylfadóttur um Móðurlifið, blönduð tækni, sem er bók vikunnar á Rás1 og Gauti Kristmannson flytur pistil um Grænmetisætuna eftir Han Kang. Heiðar Sumarliðason höfundur útvarpsleikhússins Svín segir frá leikverkinu og Lilja BIrgisdóttir myndlistarkona lýsir listaverkum sem hafa haft á hana sterk áhrif.

Umsjón Halla Harðardóttir.