Víðsjá

Í upphafi þáttar er sagt frá tilnefningum til Hagþenkisverðlauna fyrir 2018.

Una Margrét Árnadóttir segir frá uppáhalds listaverkinu sínu. Myndlistarverki Ceal Floyer sem er bara hljóð sem er endurtekið í sífellu. Verkið hefur setið í Unu Margréti árum saman.

Starkaður Sigurðarson flytur hlustendum pistil um útilistaverk.

Ragnheiður Gyða Jónsdóttir hefur pistlaröð sína um tungumál.

Við förum í heimsókn í Kópavoginn, í glænýjan sýningarsal, Midpunkt í Hamraborg og skoðum sýninguna Hreyfing. Þar taka á móti okkur Ragnheiður Sigurðardóttir Bjarnason, annar tveggja aðstandenda salarins, og myndlistarmaðurinn Curver Thoroddsen sem er einn þeirra sem á verk á sýningunni Hrefying þar sem hægt er að njóta myndlistar og hreyfa sig í tækjum, hoppa á trambolíni, lyfta lóðum og svo framvegis.

Umsjón: Guðni Tómasson

Í Víðsjá i dag verður að gefnu tilefni rætt við Illuga Jökulsson um ímynd fornra kappa í grárri forneskju Íslandssögunnar en tilefni umræðunnar skapaðist vegna orða sem féllu í Víðsjá í síðustu viku er vörðuðu Leif heppna Eiríksson og ímynd hans. Rætt verður við Brynjólf Þorsteinsson sem í gær hlaut viðurkenningu fyrir ljóð sín, nánar tiltekið Ljóðstaf Jóns úr Vör sem veittur er einu sinni á ári. Steinunn Inga Óttarsdóttir segir skoðun sína á Kópavogskróniku, fyrstu skáldsögu Kamillu Einarsdóttur og Þórdís Gísladóttir segir frá og les upp úr skáldsögu sinni Horfið ekki í ljósið, en sú bók er bók vikunnar á Rás 1 að þessu sinni.

Umsjón: Guðni Tómasson

Í Víðsjá dagsins verður rætt við Hrefnu Haraldsdóttur forstöðukonu Miðstöðvar íslenskra bókmennta um kynningu á íslenskum bókmenntum og dreifingu þeirra um hinn stóra heim.

Halla Þórlaug Óskarsdóttir sendir pistil frá Gautaborg þar sem súrdeig, arineldur og vináttan koma við sögu.

Nýlistasafnið verður einnig heimsótt og hugað að tveimur sýningum sem þar verða opnaðar í dag, en þar eru á ferðinni myndlistarmennirnir Bjarki Bragason, með sýninguna Þrjú þúsund og nýju ár, og Kolbeinn Hugi Höskuldsson með sýninguna Cryptonia One - A Beginning is a Very Delicate Time.

En við byrjum á því að hringja í Maríu Pálsdóttur til Akureyrar, þar sem hún stefnir á að opna safn um sögu berkla næsta sumar.

Umsjón: Guðni Tómasson og Halla Harðardóttir.

Í Víðsjá dagsins verður Listasafn Árnesinga heimsótt og þar rætt við Ólaf Svein Gíslason myndlistarmann um sýninguna Huglæg rými þar sem gestir fá innsýn í líf Sigurðar Guðmundssonar (Denna) sem býr á Suður-Görðum í Gaulverjarbæjarhreppi.

Elísabet Brynhildardóttir myndlistarkona tekur áskorun Víðsjár og segir frá uppáhalds listaverkinu sínu. Við sögu kemur frosinn pollur í sumarhita.

Guðrún Baldvinsdóttir segir skoðun sína á bókinni Bókasafn föður míns eftir Ragnar Helga Ólafsson.

Og við heyrum í nýrri rödd í leiklistargagnrýni Víðsjár, Þorvaldur Sigurbjörn Helgason, segir okkur frá sýningunni Núna í Borgarleikhúsinu.

Umsjón: Guðni Tómasson og Halla Harðardóttir.

Í þætti dagsins ætlum við að forvitnast um kennileiti í borginni sem hefur alla tíð verið staður innblásturs og háleitra hugmynda, Skólavörðuholtið. Kjartan Már Ómarsson, doktorsnemi í bókmenntafræði, skrifaði grein um holtið í nýjasta hefti Andvara, og hann mun segja okkur betru frá hér í lok þáttarins.

Við tökum Guðrúnu Evu Mínervudóttur einnig tali um hennar nýjustu bók, smásagnasafnið Ástin, Texas, sem er bók vikunnar á Rás1.

Andri M. Kristjánsson fjallar um nýjustu bók Þórunnar Jörlu Valdimarsdóttur, SKúli Fógeti: Faðir Reykjavíkur - saga frá átjándu öld, sem er tilnefnd til íslensku bókmenntaverðlaunanna í flokki fræðibóka.

Ragnhildur Hólmgeirsdóttir sagnfræðingur hefur á ný göngu sína sem pistlahöfundur okkar hér í Víðsjá, hún mun næsta misserið fjalla um allt milli himins og jarðar, en í dag er það dansinn sem á hug hennar allan.

En við byrjum á leikhúsinu. María Kristjánsdóttir sá einleikinn Ég dey eftir Charlottu Böving í Borgarleikhúsinu.

Umsjón: Guðni Tómasson og Halla Harðardóttir.

Í Víðsjá dagsins verður rætt við Laufeyju Guðjónsdóttur forstöðumann Kvikmyndamiðstöðvar Íslands um kynningu á íslenskri kvikmyndalist erlendis.

Borgarleikhúsið verður heimsótt og þrír ungir leiklistarhöfundar teknir tali, þau Hildur Selma Sigbertsdóttir, Matthías Tryggvi Haraldsson og Þórdís Helgadóttir, en þau taka öll þátt í verkefninu NÚNA 2019 sem frumsýnt verður annað kvöld undir leikstjórn Kristínar Jóhannesdóttur.

Einnig verður fjallað um sýninguna Oddhvassir blýantar í Gerðubergi þar sem alþjóðleg skopmyndagerð er skoðuð, en þar velta höfundarnir fyrir sér stöðu kvenna og metoo-hreyfingunni.

Auk þess segir Gauti Kristmannsson hlustendum frá skoðun sinni eftir lestur á skáldsögunni Heklugjá eftir Ófeig Sigurðsson.

Umsjón: Guðni Tómasson og Halla Harðardóttir.

Í dag ætlum við að huga að Menningarmálastofnun Sameinuðu þjóðanna, UNESCO, en um síðustu áramót hættu bæði Bandaríkin og Ísrael formlega þátttöku sinni í samstarfinu. Á línunni frá Frakklandi verða Valdmar Tryggvi Hafstein prófessor í þjóðfræði við Háskóla Íslands og Kristján Andri Stefánsson sendiherra og fastafulltrúi Íslands hjá UNESCO.

Listasalur Mosfellsbæjar verður heimsóttur en þar er myndlistarkonan Björg Örvar að sýna verk þessa dagana, á sýningunni Barnasaga/ Saga af Rót.

Gissur Páll Gissurarson, tenorsöngvari, kemur í heimsókn til að segja frá uppáhalds listaverki sínu, sem er marglaga myndlistarverk eftir einn af okkar þekktustu samtímalistamönnum.

Og María Kristjánsdóttir fjallar um jólasýningu Þjóðleikhússins, Einræðisherrann.

Umsjón: Guðni Tómasson og Halla Harðardóttir.

Við sláum á þráðinn til Hjalteyrar og heyrum í Verksmiðjustjóranum þar, Gústafi Geir Bollasyni, en hann er annar sýningarstjóra sýningarinnar Ó, hve hljótt, sem opnuð verður í Gerðarsafni um næstu helgi.

Bók vikunnar á Rás1 þessa vikuna er bókin Hundakæti sem kom út nú fyrir jólin. Bókin hefur að geyma dagbækur náttúrufræðingsins og þjóðfræðingsins Ólafs Davíðssonar frá menntaskólaárum hans, árunum 1881 til 1884, og varpar hún óvæntu ljósi á reykvískan samtíma Ólafs, meðal annars ástarsambönd milli drengja. Það er Þorsteinn Vilhjálmsson sem annast útgáfuna og hann er gestur okkar í dag.

María Kristjánsdóttir segir frá upplifun sinni af sýningu Borgarleikhússins á Ríkharði III eftir Shakespeare og tónlistarmaðurinn Hallur Már kemur í heimsókn til að segja frá tónlistarverkefni sínu sem hann kallar Gullöldin.

En við byrjum á því að minnast mikils listamanns sem féll frá í síðustu viku, Tryggva Ólafssonar.

Umsjón Halla Harðardóttir og Guðni Tómasson.

Í þættinum eru leikin brot úr aðeins örfáum þeirra viðtala sem tekin voru við fræðimenn á ýmsum sviðum menningar á árinu sem nú er nýliðið.

Samsetning: Guðni Tómasson

Myndlistarannáll Víðsjár. Nokkrar þær raddir sem komu við sögu í myndlistarumfjöllun Víðsjár á árinu 2018 koma við sögu í þessum myndlistarannál þáttarins.

Samsetning: Guðni Tómasson.