Víðsjá

Víðsjá veltir í dag fyrir sér talsambandi við útlönd, þegar gripið verður niður í þáttinn Heims um ból sem Elín Pálmadóttir hafði umsjón með árið 1963. Þar hringdi Elín í nokkra Íslendinga víða um heim rétt fyrir jólin, einn í hverri heimsálfu. Hlustendur Víðsjár eru beðnir um að leggja við hlustir þrátt fyrir slæm gæði í talsambandinu. Um tónlistina sér Haukur Morthens en hún kemur öll af jóla- og barnalagaplötunni sígildu Hátíð í bæ.

Umsjón: Guðni Tómsson og Halla Harðardóttir.

Í Víðsjá dagsins sendir Halla Þórlaug Óskarsdóttir hlustendum sendingu af járnbrautarstöð í Svíþjóð, við sögu koma sænsk myndlistarkona og Einar Benediktsson skáld.

Andri M. Kristjánsson fjallar um ljóðabókina Hryggdýr eftir Sigurbjörgu Þrastardóttur.

Guðbjörg R. Jóhannesdóttir fjallar í pistli um tengslin milli rökhyggju og tilfinninga og vannýtta möguleika í menntakerfi landsmanna.

Og Víðsjá veltir líka fyrir tímans þunga nið í tilefni jóla auk þess sem meðlimir Blekfjelagsins lesa örsögur fyrir hlustendur.

Umsjón: Guðni Tómasson og Halla Harðardóttir.

Gauti Kristmannsson segir skoðun sína á smásagnasafninu Ástin, Texas eftir Guðrúnu Evu Mínervudóttur og Guðrún Baldvinsdóttir lýsir upplifun sinni af lestri nýrrar ljóðabókar Steinunnar Sigurðardóttur, Að ljóði muntu verða.

Rætt við Erlend Sveinsson kvikmyndargerðarmann um heimildarmyndina Þvert á tímann sem frumsýnd var um helgina og fjallar um Matthías Johannessen skáld og ritstjóra.

Auk þessa flytja meðlimir Blekfjelagsins jólaörsögur í þættinum.

Umsjón: Guðni Tómasson og Halla Harðardóttir.

Í þætti dagsins mun Árni Heiðar Karlsson, tónlistarmaður, segja hlustendum frá sínu uppáhaldslistaverki.

Guðbjörg R. Jóhannesdóttir, umhverfisheimspekingur, heldur áfram með pistlaseríu sína um upplifun okkar af fegurð og jólaörsögur Blekfjélagsins verða á sínum stað.

Steinunn Inga Óttarsdóttir fjallar um nýtt smásagnasafn Þórdísar Helgadóttur, Keisaramörgæsirnar og Inga Björk BJarnadóttir fjallar sýningu Leifs Ýmis Eyjólfssonar, sýninguna Handrit sem nú stendur yfir í Hafnarhúsi Listasafns Reykjavíkur.

Umsjón: Guðni Tómasson og Halla Harðardóttir.

Í Víðsjá í dag segir Séra Henning Emil Magnússon frá sínu uppáhaldslistaverki, ljóði eftir bandarískan tónlistarmann og nóbelskáld, frá árinu 1974.

Rætt verður við Ólöfu K. Sigurðardóttur safnstjóra Listasafns Reykjavíkur um fyrirhugaðan flutning á listaverkasafni Nínu Tryggvadóttur til landsins og hugmyndir um breytingar á Hafnarhúsinu.

Hugað verður að jólatónleikum Rásar 1 sem teknir verða upp í Salnum að viðstöddum gestum á föstudagskvöld og sendir víða út víða um Evrópu á sunnudag, en þar kemur tónlistarhópurinn Nordic Affect fram. Halla Steinunn Stefánsdóttir listrænn stjórnandi hópsins verður tekin tali í þættinum.

Andri M. Kristjánsson fjallar um skáldsöguna Ungfrú Ísland eftir Auði Övu Ólafsdóttur og að lokum fá hlustendur sinn dagslega skammt af örsögum frá Blekfjelaginu á Jólaföstu.

Í dag kemur út nýtt fræðirit á vegum Bókmenntafélagsins; Bókin Krullað og klippt - Aldarsaga háriðna á Íslandi eftir Báru Baldursdóttur og Þorgerði H. Þorvaldsdóttur. Bókin var nýlega tilnefnd til Fjöruverðlaunanna í flokki fræðibóka og rita almenns eðlis. Við ræðum við höfundana í þætti dagins.

Hlustendur fá að heyra hvað tveimur bókmenntarýnum Víðsjár finnst um tvær nýútkomnar bækur. Gauti Kristmannsson fjallar um skáldsöguna Hans Blær eftir Eirík Örn Norðdahl og Guðrún Baldvinsdóttir fjallar um skáldsöguna Ritgerð mín um sársaukann eftir Eirík Guðmundsson.

EIns og í öllum þáttum Víðsjár fram að jólum munu meðlimir í Blekfjelaginu, félagi ritlistarnema við Háskóla Íslands, flytja jóla-örsögur.

Og Starkaður Sigurðarson, myndlistarrýnir Víðsjár, segir frá heimsókn sinni á sýninguna Hátt og lágt - samtímalist frá Íslandi sem opnuð var á dögunum í Kaupmannahöfn.

Umsjón: Guðni Tómasson og Halla Harðardóttir.

Í þætti dagsins verður farið á rúntinn með rithöfundinum Friðgeiri Einarssyni, en hann gaf nýverið út smásagnasafnið Ég hef séð svona áður.

Einnig verður rætt við Steinunni Sigurðardóttur um hennar nýjustu ljóðabók, Að ljóði munt þú verða, en hún er bók vikunnar á Rás1.

Steinunn Inga Óttarsdóttir rýnir í nýjustu skáldsögu Bergsveins BIrgissonar, Lifandi lífslækur.

María Kristjánsdóttir segir frá sinni upplifun af Íslendingasögum sem fluttar voru í Hörpu á 100 ára afmæli fullveldisins, og nýju leikverki 16 elskenda, Leitin að tilgangi lífsins.

Og Blekfjélagið verður á sínum stað með jólaörsögur.

Umsjón: Guðni Tómasson og Halla Harðardóttir.

Pétur Ármannson arkitekt er gestur Víðsjár í dag en hann er nýkominn heim frá París þar sem merkilegar teikningar eftir Högnu Sigurðardóttur arkitekt fundust nýverið. Pétur segir frá ferðalaginu og verkum Högnu í þættinum.

Hjörleifur Hjartarson og Rán Flygering eru einnig gestir þáttarins en þau voru nýverið tilnefnd til íslensku bókmenntaverðlaunanna fyrir söguna af Skarphéðni Dungal, flugunni sem setti fram nýjar kenningar um eðli alheimsins.

Blekfjélagið, félag ritlistarnema við Háskóla Íslands verður einnig á sínum stað með aðventuörsögu, eins og í hverjum þætti fram að jólum.

Og í þættinum berast einnig fréttir frá Svíþjóð en í vikunni lengdi áfrýjunardómstóll Svíþjóðar dóm kúltúrprófílsins svokallaða.

Umsjón: Guðni Tómasson og Halla Harðardóttir.

Við hugum að einni stærstu ritröð íslenskrar menningarsögu á síðustu árum, Kirkjur Íslands. Við ræðum við Þorstein Gunnarsson arkitekt og formann ritnefndar þegar við heimsækjum þjóðminjasafnið, þar sem opnaðar voru nýverið þrjár nýjar sýningar um kirkjur landisns.

Gauti Kristmannsson fjallar Listamannalaun eftir Ólaf Gunnarsson og Ragnar Ísleifur Bragason flytur pistil sem hann kallar Hann og hún.

Aldís Rut Gísladóttir, guðfræðingur, tekur við áskorun vikunnar og segir frá sínu uppáhaldslistaverki og við heyrum þrjár örsögur frá Blekfjélaginu, Félagi ritlistarnema við Háskóla Íslands.

Umsjón: Guðni Tómasson og Halla Harðardóttir.

Í þætti dagsins er rætt við Leif Ými Eyjólfsson sem sýnir um þessar mundir orð og setningabrot á leirtöflum í Listasafni Reykjavíkur. Sýningin kallast Handrit og á henni veltir Leifur fyrir sér merkingu og notkun tungumálsins.

Einnig er rætt við Ófeig Sigurðarson rithöfund um nýja skáldögu hans, Heklugjá, en hún er bók vikunnar á Rás1.

María Kristjánsdóttir rýnir í leikverkið Rejúníón sem frumsýnt var um liðna helgi í Tjarnarbíó og fluttar verða þrjár örsögur frá Blekfjélaginu, Félagi ritlistarnema við Háskóla Íslands.

En þátturinn hefst á bréfi sem var skrifað um miðja 20. öld.

Umsjón: Halla Harðardóttir og Guðni Tómasson.