Víðsjá

Rakel McMahon og Katrín I. Jónsdóttir Hjördísardóttir segja frá samstarfi sínu og Evu Ísleifs, tveggja vikna gjörningi sem þær framkvæmdu í Aþenu og afurðum hans, sem má sjá um þessar mundir á sýningunni About Looking í Gallerí Gamma.

Rætt er við Gyrði Elíasson um bók vikunnar, Hvernig ég kynntist fiskunum eftir Ota Pavel í þýðingu Gyrðis og litið verður inn í nýtt húsnæði Dansverkstæðisins og rætt við verkefnastjóra þess, Tinnu Grétarsdóttur.

Bjarki Bragason, myndlistarmaður og lektor við Listaháskóla Íslands segir frá minnistæðum listaverkum.

Umsjón: Guðni Tómasson og Halla Harðardóttir.

Við byrjum á bók sem kom út i síðustu viku, Mið-Austurlönd: Fortíð, nútíð og framtíð. Höfundurinn, Magnús Þorkell Bernharðsson, prófessor í nútímasögu Mið-Austurlanda við Williams College í Bandaríkjunum, kemur í spjall um bókina.

Guja Dögg Hauksdóttir rýnir í uppbyggingu borgaryfirvalda á hinum svokölluðu þróunarreitum, í pistlaröð sinni um fagurfræði borgarinnar

Anna Kolfinna Kuran dansöfundur og Bjartey Elín Hauksdóttir dansari koma í heimsókn og segja frá verkinu Allar mínar systur sem verður frumflutt á danshátíðinni Unglingurinn í Reykjavík, á morgun.

Og við lítum inn á vinnustofu Sigurðar Guðjónssonar sem hlaut á dögunum íslensku myndlistarverðlaunin.

Umsjón: Guðni Tómasson og Halla Harðardóttir.

Í Víðsjá dagsins hugum við að sýningu Marinu Abramovich í Konunglega bókasafninu í Kaupmannahöfn.

Gyrðir Elíasson les úr bók vikunnar, sem að þessu sinni er skáldsagan Hvernig ég kynntist fiskunum eftir Ota Pavel í þýðingu Gyrðis.

Við lítum á sýninguna Taugasalöt sem opnaði um liðna helgi í Gallerí Berg Contemporary, og ræðum þar við listamanninn Björn Roth.

Myndlistarrýnir Víðsjár, Starkaður Sigurðarson, fjallar um sýninguna Innrás í Ásmundarsafni þar sem verk Guðmundar Thoroddsen eru í samtali við verk Ásmundar.

Umsjón: Guðni Tómasson og Halla Harðardóttir.

Örn Magnússon organisti í Breiðholtskirkju segir frá tónleikum þar sem tónsmíðum Jóns Leifs og frakkans Gabriels Fauré er stefnt saman. Einnig er rætt við Yrsu Þöll Gylfadóttur um Móðurlifið, blönduð tækni, sem er bók vikunnar á Rás1 og Gauti Kristmannson flytur pistil um Grænmetisætuna eftir Han Kang. Heiðar Sumarliðason höfundur útvarpsleikhússins Svín segir frá leikverkinu og Lilja BIrgisdóttir myndlistarkona lýsir listaverkum sem hafa haft á hana sterk áhrif.

Umsjón Halla Harðardóttir.

Í Víðsjá dagsins er forvitnast um gríska þjóðlagatónlist með gítar-og buzukileikaranum Ásgeiri Ásgeirssyni.

Einnig er rætt við Önnu Margréti Guðjónsdóttur um íslenska menningarhátið í Pondicherry á Indlandi.

Leikhúsrýnir Víðsjár, María Kristjánsdóttir, rýnir í tvö verk sem hægt er að sjá um þessar mundir á fjölum borgarinnar; Slá í gegn í Þjóðleikhúsinu og Ahhh í Tjarnarbíó.

Þættinum berast einnig skilaboð frá Nýlistasafninu í tilefni af 40 ára afmælishátíð safnsins, Starkaður Sigurðarson flytur í þetta sinn.

Og rætt er við þann fræðimann sem í dag hlýtur viðurkenningu Hagþenkis fyrir merkasta fræðirit ársins, Steinunni Kristjánsdóttur.

Umsjón:Halla Harðardóttir

Berlinale sending frá Svölu Arnardóttur í Berlín.

Sufijan Stevens syngur lagið Mystery of love.

Vinnustofuheimsókn til Auðar Lóu Guðnadóttur sem fékk hvatningarverðlaunin á Íslensku myndlistarverðunum í síðustu viku.

Yrsa Þöll Gylfadóttir les úr bók sinni, Móðurlífið - blönduð tækni. Það er bók vikunnar á Rás 1.

Berglind Rós Magnúsdóttir tekin tali um rannsókn sem nú er unnið að í Kansas sem snýr að sköpunarkrafti á Íslandi.

Við lítum við á Þjóðminjasafni Íslands þar sem verið er að setja upp sýninguna Prýðileg reiðtygi. Rætt við Ingunni Jónsdóttur safnafræðing.

Birna Lárusdóttir fornleifafræðingur segir frá rannsóknum á Skálholtsjörðinni.

Bókmenntaverðlaun Norðurlandaráðs. Auður Ava Ólafsdóttir og Sigurður Pálsson lesa úr verkum sínum.

Brynja Cortes Andrésdóttir segir okkur frá bók vikunnar, skáldsögunni Óþægileg ást eftir Elenu Ferrante, sem var nýlega gefin út i þýðingu Brynju.

Herdís Anna Jónsdóttir víóluleikari í Sinfóníuhljómsveit Íslands segir okkur frá listaverkum sem hafa hreyft við henni.

Umsjón: Guðni Tómasson og Halla Harðardóttir.

Við byrjum á því að trufla aðeins æfingu hjá hjá píanóleikaranum Aladár Racz og klassíska saxafónleikaranum Guido Bäumer en þeir skipa dúettinn Duo Ultima sem er með tónleika í Norræna húsinu í kvöld.

Við kynnum okkur gervigreind og listsköpun út frá hugleiðingum um efnið sem kviknuðu vegna sýningar í Japan.

Guja Dögg Hauksdóttir arkitekt flytur pistil um borgina og borgarlandslag. Guja Dögg mun á næstu vikum flytja okkur pistla og leggja orð í umræðuna um arkitektúr, fagurfræði og borgarskipulag. Hennar fyrsta viðfangsefni er svæðið umhverfis Háskóla Íslands.

Við rennum líka við í norska sendiráðinu og hittum þar Silje Betie Löken til að heyra af norrænni kvikmyndahátið sem hefst á morgun.

Umsjón: Guðni Tómasson og Halla Harðardóttir

Í Víðsjá dagsins verður fjallað um alþýðulist á hjara veraldar en nú stendur yfir söfnun á Karolinafund til að ljúka við uppbyggingu á verkum Samúels Jónssonar úr Selárdal. Rætt verður við Ólaf Engilbertsson um uppbyggingu á svæðinu og Sólveigu Ólafsdóttur, sem ólst að hluta til upp með listaverkum Samúels í Selárdal.

Einnig verður rætt við myndlistarmanninn Kees Visser um sýningu á hans á fjórtán krossamyndum í Neskirkju.

Starkaður Sigurðarson fjallar um sýninguna sjónarhorn í Safnahúsinu og Brynja Cortes Andrésardóttir þýðandi les úr skáldsögu Elendu Ferrante, Óþægileg ást, sem kom nýverið út í íslenskri þýðingu Brynju.

Helga Óskarsdóttir, ritstýra vefritsins Artzine, segir okkur frá verkunum sem breyttu lífi hennar.

Á Listasafni Íslands er Birta Guðjónsdóttir að setja upp sýningu á verkum Elinu Bortherus. Hin finnska Brotherus er af mörgum talin vera einn mikilvægasti ljósmyndari samtímans og BIrta segir okkur betur frá verkunum á sýningunni sem öll eru tekin á síðastliðnum tveimur árum.

Við segjum eilítið frá hljómsveitarstjóranum Osmo Vänska, sem var aðalhljómsveitarstjóri Sinfóníuhljómsveitar Íslands um skeið á 10. áratugnum, en hann stýrir sveitinni á tónleikum í kvöld og annað kvöld.

Og hvað skyldi nú tengja átjándu aldar tónskáldið Muzio Clementi og popptónlistarmanninn Phil Collins? Arndís Björk Ásgeirsdóttir leiðir okkur í allan sannleikan um þau tengsl í sínum fyrsta pistli fyrir Víðsjá. Arndís mun héðan í frá flytja okkur reglulega pistla um forvitnilega atburði úr tónlistarsögunni.

Og Bergþóra Snæbjörnsdóttir segir okkur frá ljóðabók sinni Flórída, sem er bók vikunnar ár Rás1.