ព្រឹត្តិការណ៍កម្ពុជាប្រចាំថ្ងៃ

By RFI ខេមរភាសា / Khmer

ព្រឹត្តិការណ៍កម្ពុជាប្រចាំថ្ងៃ episodes

August 01, 2021 ព្រឹត្តិការណ៍កម្ពុជាប្រចាំថ្ងៃ - តើការអនុញ្ញាតការព្យាបាលកូវីដតាមផ្ទះនៅទូទាំងប្រទេសអាចអនុវត្តមានប្រសិទ្ធភាពដែរទេ?
ក្រសួងសុខាភិបាលនាថ្ងៃទី២៩កក្កដា បានអនុញ្ញាតឱ្យមានការព្យាបាលជំងឺកូវីដ១៩កម្រិតស្រាលនៅផ្ទះតាមបណ្តាខេត្តទាំងអស់ទូទាំងប្រទេស ស្របពេលវីរុសជំងឺកូវីដ១៩បំប្លែងថ្មីដែលតាកំពុងឆ្លងក្នុងសហគមន៍។ អ្នកពាក់ព័ន្ធ សាទរចំពោះការអនុញ្ញាតការព្យាបាលកូវីដតាមផ្ទះនៅទូទាំងប្រទេសនេះ ក៏ប៉ុន្តែរដ្ឋាភិបាលគួរពង្រឹង និងយកចិត្តទុកដាក់ចំពោះការតាមដានស្ថានភាពសុខភាពពលរដ្ឋដោយអាជ្ញាធរនិងគ្រូពេទ្យ។ បន្ថែមពីនេះ ក៏ត្រូវបង្កើនការផ្សព្វផ្សាយការយល់ដឹងពីការព្យាបាលកូវីដដោយខ្លួនឯងនៅតាមមូលដ្ឋាន និងជាពិសេសនៅតំបន់ដាច់ស្រយាលផងដែរ។
10 min
July 31, 2021 ព្រឹត្តិការណ៍កម្ពុជាប្រចាំថ្ងៃ - អ្នកវិភាគ៖កម្ពុជាត្រូវមានតុល្យភាពការទូតក្នុងការទទួលបានវ៉ាក់សាំងជាជាងប្រើវ៉ាក់សាំងជារឿងនយោបាយ
ប្រទេសកម្ពុជាបានទទួលវ៉ាក់សាំងការពារកូវីដ១៩ជាបន្តបន្ទាប់ ដែលគិតមកដល់ពេលនេះកម្ពុជារកបានវ៉ាក់សាំងជាង ១៧លានដូសហើយ ។ វ៉ាក់សាំងទាំងនោះរាប់ទាំងជំនួយឥតសំណង និងការបញ្ជាទិញដោយរដ្ឋាភិបាលកម្ពុជា។ ចិនគឺជាប្រទេសនាំមុខគេក្នុងផ្តល់វ៉ាក់ដល់កម្ពុជា ដែលតាមពីក្រោយដោយ ជប៉ុន និងសហរដ្ឋអាមរិក ខណៈដែលអង់គ្លេសសន្យាផ្តល់ជូនកម្ពុជាផងដែរ តាមរយៈយន្តការCOVAX។ អ្នកវិភាគលើកឡើងថា កម្ពុជាត្រូវប្រើនយោបាយការទូតឲ្យមានតុល្យភាព ដើម្បីទទួលបានវ៉ាក់សាំងពីបណ្តាប្រទេសនានា ជាជាងប្រើប្រាស់វ៉ាក់សាំងជារឿងនយោបាយ។
10 min
July 30, 2021 ព្រឹត្តិការណ៍កម្ពុជាប្រចាំថ្ងៃ - តើវិធានការទប់ស្កាត់កូវីដ Delta របស់រដ្ឋាភិបាលនៅពេលនេះ ជាការសមស្រប ឬជាការយឺតយ៉ាវ?
ដោយសាររកឃើញថាមានការឆ្លងរាលដាលនៃជំងឺកូវីដ-១៩ ប្រភេទ Delta នៅក្នុងសហគមន៍ រដ្ឋាភិបាលកម្ពុជា កាលពីថ្ងៃពុធ បានចាត់វិធានការបន្ទាន់ ដោយសម្រេចបិទខ្ទប់ខេត្តចំនួន៨រយៈពេល១៤ថ្ងៃ ស្ថិតនៅតាមបណ្តោយព្រំដែនភាគខាងលិច។ បន្ថែមពីនេះ រដ្ឋាភិបាលក៏បានប្រកាសដាក់បំរាមគោចរ នៅទូទាំងខេត្ត រាជធានី ចពីម៉ោង ៩យប់ ដល់ម៉ោង៣ទៀបភ្លឺ ដោយចាប់ផ្តើមពីរំលងអាធ្រាធថ្ងៃទី២៩ ខែកក្កដា ដល់ថ្ងៃទី១២ ខែសីហាឆ្នាំ២០២១។ តើការចាត់វិធានការដើម្បីទប់ស្កាត់ការឆ្លងរាលដាលជំងឺកូវីដ-១៩ Delta ដែលជាប្រភេទកូវីដបំប្លែងថ្មី មានការចម្លងលឿន ត្រូវបានសាទរ និងស្របតាមសភាពការណ៍ឬក៏ជាការយឺតពេល?
12 min
July 29, 2021 ព្រឹត្តិការណ៍កម្ពុជាប្រចាំថ្ងៃ - តើការផ្តល់គ្រឿងឥសិរ្សយសថ្នាក់«មិត្តភាព»ដល់មេដឹកនាំកម្ពុជាពីសំណាក់មេដឹករុស្ស៊ីមានន័យបែបណា?
លោកវ្ល៉ាឌីមៀរ ពូទីន ប្រធានាធិបតីនៃប្រទេសរុស្ស៊ីកាលថ្ងៃទី២៥ ខែកក្កដា ឆ្នាំ២០២១ បានសម្រេចផ្តល់គ្រឿងឥសិរ្សយសថ្នាក់ មិត្តភាពជូន លោកហ៊ុន សែន នាយករដ្ឋមន្រ្ដីនៃកម្ពុជាសម្រាប់ការចូលរួមចំណែកដ៏សំខាន់ក្នុងការពង្រឹងមិត្តភាពរវាងប្រជាជនរុស្ស៊ី និងកម្ពុជា។ ជាការកត់សម្គាល់ ការសម្រេចផ្តល់គ្រឿងឥសិរ្សយសរបស់មេដឹកនាំរុស្ស៊ីនៅពេលនេះ គឺស្របពេលដែលរុស្ស៊ី ក៏ដូចកម្ពុជា និងពិភពលោកដែរកំពុងរងគ្រោះពីការវាយប្រហារដោយជំងឺរាតត្បាតសាកលកូវីដ១៩។ ម្យ៉ាងទៀត ក៏ស្របពេលដែលកម្ពុជា និងមហាយក្សចិនកំពុងមានទំនាក់ទំនងស្អិតរមួតនឹងគ្នាផងដែរ។ ដូច្នេះ តើការផ្តល់គ្រឿងឥសិរ្សយសថ្នាក់«មិត្តភាព»ដល់មេដឹកនាំកម្ពុជាពីសំណាក់មេដឹកនាំរុស្ស៊ីនៅពេលនេះមានន័យបែបណា?
12 min
July 28, 2021 ព្រឹត្តិការណ៍កម្ពុជាប្រចាំថ្ងៃ - អ្នកជំនាញ៖ ការអនុញ្ញាតឲ្យវិស័យឯកជននាំចូលវ៉ាក់សាំងកូវីដ-១៩ ជាការផ្តល់ជំរើសដល់ពលរដ្ឋ និងជួយសម្រួលបន្ទុករដ្ឋ
ក្រសួងសុខាភិបាល កាលពីថ្ងៃទី២៧ ខែកក្កដាម្សិលមិញ បានអនុញ្ញាតឲ្យគ្រឹះស្ថានអាហរ័ណ នីហរ័ណឱសថ ដែលទទួលបានការអនុញ្ញាតពីក្រសួងសុខាភិបាលអាចធ្វើការស្នើសុំនាំចូលវ៉ាក់សាំងការពារកូវីដ-១៩ ដែលបានទទួលស្គាល់ដោយអង្គការសុខភាពពិភពលោក។ ការអនុញ្ញាតឲ្យវិស័យឯកជននាំវ៉ាក់សាំងកូវីដ-១៩ ចូលនេះ គឺដើម្បីចែកចាយចាក់តាមទីកន្លែងផ្តល់សេវាសុខាភិបាលឯកជនស្របច្បាប់ក្នុងក្របខណ្ឌទូទាំងប្រទេស ដោយមានលក្ខខណ្ឌប្រតិបត្តិឲ្យបានត្រឹមត្រូវតាមស្តង់ដារបច្ចេកទេសក្នុងការដឹកជញ្ជូន ការថែរក្សា និងការស្តុកវ៉ាក់សាំងកូវីដ-១៩ នៅក្នុងឃ្លាំង ដើម្បីធានាឲ្យបាននូវសុវត្ថិភាព និងប្រសិទ្ធភាពខ្ពស់។
12 min
July 27, 2021 ព្រឹត្តិការណ៍កម្ពុជាប្រចាំថ្ងៃ - អ្នកតាមដាន៖ការលែងឱ្យក្រុមហ៊ុនទូរស័ព្ទតេទៅរំខានអ្នកប្រើប្រាស់ជារឿងល្អ តែគួរមានចំណាត់ការលើសេវាមិនស្មោះត្រង់ផ្សេងទៀត
ក្រសួងប្រៃសណីយ៍ និងទូរគមនាគមន៍កាលពីម្សិលមិញបានចេញមកប្រាប់ឱ្យប្រតិបត្តិករផ្តល់សេវាទូរសព្ទចល័តលុបបំបាត់ការហៅចូលមកលេខទូរសព្ទរបស់អ្នកប្រើប្រាស់ ដើម្បីផ្សព្វផ្សាយពាណិជ្ជកម្មអំពីសេវាកម្មបន្ថែមផ្សេងៗ។ សម្រាប់ក្រសួងប្រៃសណីយ៍ សកម្មភាពនេះបានរំខានដល់ជីវភាពប្រចាំថ្ងៃ និងផ្ទុយពីឆន្ទៈរបស់អ្នកប្រើប្រាស់។ ដូច្នេះហើយ ក្រសួងណែនាំឱ្យបញ្ឈប់បញ្ហានេះជាបន្ទាន់។ ជាមួយគ្នានេះ ក្រសួងប្រៃសណីយ៍បានព្រមានថា ក្នុងករណីប្រតិបត្តិករផ្តល់សេវាទូរសព្ទចល័តពុំអនុវត្តតាម នោះនឹងចាត់វិធានការម៉ឺងម៉ាត់ ដោយណែនាំឱ្យនិយ័តករទូរគមនាគមន៍កម្ពុជាបង្កករាល់ការស្នើសុំនានារបស់ប្រតិបត្តិករទាំងនោះ ព្រមទាំងចាត់វិធានការតាមនៃច្បាប់ស្តីពីទូរគមនាគមន៍។ អ្នកតាមដានបញ្ហាសង្គមបានគាំទ្រនូវចំណាត់ការនេះ តែក៏បានស្នើឱ្យមានចំណាត់ការទៅបញ្ហារំខានផ្សេងទៀត រួមទាំងការផ្តល់សេវាមិនស្មោះត្រង់ផងដែរ។ក្រសួងប្រៃសណីយ៍ និងទូរគមនាគមន៍កាលពីម្សិលមិញបានចេញមកប្រាប់ឱ្យប្រតិបត្តិករផ្តល់សេវាទូរសព្ទចល័តលុបបំបាត់ការហៅចូលមកលេខទូរសព្ទរបស់អ្នកប្រើប្រាស់ ដើម្បីផ្សព្វផ្សាយពាណិជ្ជកម្មអំពីសេវាកម្មបន្ថែមផ្សេងៗ។ សម្រាប់ក្រសួងប្រៃសណីយ៍ សកម្មភាពនេះបានរំខានដល់ជីវភាពប្រចាំថ្ងៃ និងផ្ទុយពីឆន្ទៈរបស់អ្នកប្រើប្រាស់។ ដូច្នេះហើយ ក្រសួងណែនាំឱ្យបញ្ឈប់បញ្ហានេះជាបន្ទាន់។ ជាមួយគ្នានេះ ក្រសួងប្រៃសណីយ៍បានព្រមានថា ក្នុងករណីប្រតិបត្តិករផ្តល់សេវាទូរសព្ទចល័តពុំអនុវត្តតាម នោះនឹងចាត់វិធានការម៉ឺងម៉ាត់ ដោយណែនាំឱ្យនិយ័តករទូរគមនាគមន៍កម្ពុជាបង្កករាល់ការស្នើសុំនានារបស់ប្រតិបត្តិករទាំងនោះ ព្រមទាំងចាត់វិធានការតាមនៃច្បាប់ស្តីពីទូរគមនាគមន៍។ អ្នកតាមដានបញ្ហាសង្គមបានគាំទ្រនូវចំណាត់ការនេះ តែក៏បានស្នើឱ្យមានចំណាត់ការទៅបញ្ហារំខានផ្សេងទៀត រួមទាំងការផ្តល់សេវាមិនស្មោះត្រង់ផងដែរ។
12 min
July 26, 2021 ព្រឹត្តិការណ៍កម្ពុជាប្រចាំថ្ងៃ - សង្គមស៊ីវិល៖សារលើកញ្ចប់បារីដែលមានប្រសិទ្ធិភាព«ការជក់បារីបង្កើនឲ្យមានហានិភ័យខ្ពស់នៃការឆ្លងវីរុសកូវីដ១៩»
សង្គមស៊ីវិលមើលឃើញប្រសិទ្ធិភាពតិចតួចបំផុត ពីប្រសិទ្ធិភាពនៃការកាត់បន្ថយ ការប្រើប្រាស់ថ្នាំជក់នៅកម្ពុជាតាមរយៈការប្ដូរសារព្រមានលើកញ្ចប់បារីរៀងរាល់ពីរឆ្នាំម្ដង។ ជំនួសឲ្យផលប៉ះពាល់រយៈពេលយូរដែលបណ្ដាលមកពីថ្នាំជក់ សង្គមស៊ីវិលដដែលលើកជាយោបល់ថា រដ្ឋាភិបាលគួរការបង្ហាញសារព្រមានពីផលប៉ះពាល់នៅចំពោះមុខដូចជា«ការជក់បារីបង្កើនឲ្យមានហានិភ័យខ្ពស់នៃការឆ្លងវីរុសកូវីដ១៩»ទំនងជាមានប្រសិទ្ធិភាពខ្ពស់ជាង នៅក្នុងការបន្ថយអត្រាអ្នកស្លាប់ដែលបណ្ដាលមកពីការជក់បារី។ តាមអ្នកជំនាញក្នុងមួយឆ្នាំៗ កម្ពុជាមានអ្នកស្លាប់ដោយការប្រើប្រាស់ថ្នាំជក់១ម៉ឺន៥ពាន់នាក់ក្នុងចំណោមអ្នកប្រើប្រាស់ថ្នាំជក់ប្រមាណ២ម៉ឺននាក់ក្នុងមួយឆ្នាំ។ តាមគម្រោងកម្ពុជាត្រៀមប្ដូរសារព្រមានថ្មីលើកញ្ចប់បារីនៅថ្ងៃទី១សីហាខាងមុខនេះក្រោមចំណងជើងថា«ជក់បារីនាំឲ្យមានជំងឺហើមសួតនិងជក់បារីនាំឲ្យមានជំងឺបេះដូង»។
11 min
July 23, 2021 ព្រឹត្តិការណ៍កម្ពុជាប្រចាំថ្ងៃ - តើមានផលប៉ះពាល់ និងដំណោះស្រាយយ៉ាងណាទេ នៅពេលប្រេងឥន្ធនៈឡើងថ្លៃលើសពី១ដុល្លារក្នុង១លីត្រ?
តម្លៃប្រេងឥន្ធនៈ រយៈពេលប៉ុន្មានសប្តាហ៍ចុងក្រោយនេះ បានបន្តឡើងស្រឺតៗ មិនមានការថមថយសោះដោយគិតមកដល់ថ្ងៃនេះ តម្លៃប្រេងសាំងធម្មតាបានឡើងដល់ ៤១០០រៀល ក្នុង១លីត្រ លើសពី១ដុល្លារ ប្រេងម៉ាស៊ូត្រ តម្លៃ ៣៦៥០រៀល ក្នុង១លីត្រ និងសាំងស៊ុបពែរ តម្លៃ ៤៦០០រៀល ក្នុង១លីត្រ។ តម្លៃប្រេងឥន្ធនៈបន្តឡើងកាន់តែខ្ពស់ ខណៈដែលប្រទេសកំពុងរងវិបត្តិកូវីដដូច្នេះ ត្រូវបានទស្សនៈមួយចំនួនលើកឡើងថា ជាបន្ទុកមួយបន្ថែមទៅលើជីវភាពរស់នៅ និងប្រកបអាជីវកម្មរបស់ប្រជាពលរដ្ឋ ខណៈកម្ពុជានៅជាប្រទេសក្រីក្រនៅឡើយ។ ក៏ប៉ុន្តែស្ថានភាពនេះ ក៏មិនធ្ងន់ធ្ងរទេ បើតាមការមើលឃើញពីជ្រុងផ្សេងមួយទៀត។
12 min
July 22, 2021 ព្រឹត្តិការណ៍កម្ពុជាប្រចាំថ្ងៃ - តើកូវីដ១៩ អាចជាឧបសគ្គដល់ការត្រៀមរបស់គណបក្សនយោបាយសម្រាប់ការបោះឆ្នោតនៅឆ្នាំក្រោយដែរឬទេ?
គណៈកម្មាធិការ ជាតិរៀបចំការបោះឆ្នោត(គ.ជ.ប)កាលពីថ្ងៃទី១៩ ខែកក្កដា បានចេញផ្សាយពីប្រតិទិននៃការបោះឆ្នោតជ្រើសរើសក្រុមប្រឹក្សាឃុំ សង្កាត់អាណត្តិទី៥ នៅក្នុងឆ្នាំ២០២២។ ជាប្រតិទិនដែលបង្ហាញលម្អិតពីសកម្មភាពមុន អំឡុងពេល និងក្រោយការបោះឆ្នោតនេះ។ ប៉ុន្តែ ស្របពេលដែលកម្ពុជាកំពុងដើរឆ្ពោះទៅរកការបោះឆ្នោតឃុំ សង្កាត់នៅក្នុងឆ្នាំ២០២២ និងការបោះឆ្នោតជ្រើសតាំងតំណាងរាស្រ្តនៅក្នុងឆ្នាំ២០២៣ខាងមុខ គឺស្ថានភាពឆ្លងរាលដាលនៃជំងឺកូវីដ១៩នៅកម្ពុជានៅតែបន្ត ដោយមិនមានការថមថយគួរឱ្យកត់សម្គាល់ណាមួយនៅឡើយ។ ជាមួយគ្នានេះ ក៏គ្មានអ្នកណាអាចវាយតម្លៃបានដែរថា វិបត្តិកូវីដ១៩នឹងបញ្ចប់នៅពេលណាទេ។ ដូច្នេះ តើបញ្ហាកូវីដ១៩នេះ អាចជាឧបសគ្គដល់ការត្រៀមរបស់គណបក្សនយោបាយសម្រាប់ការបោះឆ្នោតនាពេលខាងមុខដែរឬទេ?
11 min
July 21, 2021 ព្រឹត្តិការណ៍កម្ពុជាប្រចាំថ្ងៃ - តើហេតុអ្វីកម្ពុជាជ្រើសរើសវ៉ាក់សាំងការពារកូវីដ-១៩ របស់ចិន សម្រាប់ប្រើប្រាស់នៅក្នុងស្ថានការណ៍បន្ទាន់?
លោកស្រី ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល កាលពីថ្ងៃអង្គារម្សិលមិញ បានលើកឡើងអំពីហេតុផល ដែលថាប្រទេសកម្ពុជា បានជ្រើសរើសវ៉ាក់សាំងការពារជំងឺកូវីដ-១៩ របស់ចិន ដោយមិនបាន ប្រើប្រាស់វ៉ាក់សាំងអាមេរិក ឬវ៉ាក់សាំងដទៃទៀត ដើម្បីចាក់ដល់ពលរដ្ឋរបស់ខ្លួន។ ហេតុផលនោះគឺ កម្ពុជាក៏ចង់ទិញវ៉ាក់សាំងអាមេរិកដែរ ក៏ប៉ុន្តែទិញមិនបាន ដោយសារតែគេផលិតសម្រាប់បំរើដល់ប្រជាជនរបស់គេ និងថាប្រទេសដែលផលិតវ៉ាក់សាំងការពារជំងឺកូវីដ-១៩ ផ្សេងទៀត មានឥរយាបថបែបអាត្មានិយម។ តើទង្វើរបស់រដ្ឋាភិបាលដូច្នេះ វាជាដំណោះស្រាយវ៉ាក់សាំងមួយនៅក្នុងគ្រាអាសន្ន សម្រាប់ប្រជាជន និងប្រទេសកម្ពុជា ឬយ៉ាងណា?
13 min