Kultur

Iwwert de Weekend sinn am Wettbewerb vun der 78. Oplag vum Festival de Cannes nei Filmer vu mat de bekanntste Regisseuren aus der Competitioun gelaf. Bekannt heescht awer net onbedéngt, dass déi Filmer och iwwerzeegen - wéi iwwerzeegend "Nouvelle Vague" vum Richard Linkater, "Die My Love" vum Lynne Ramsey an "The Phoenician Scheme" vum Wes Anderson sinn, verrode mer iech haut.

Zil ass et, op Demokratie a Fräiheeten ze sensibiliséieren. Ech spieren, datt et verschiddene Schüler um Häerz läit.

De Georges Urwald arrangéiert a komponéiert selwer Wierker, ma ass gläichzäiteg Enseignant zu Iechternach am Lycée. Zesumme mat senge Schülerinnen a Schüler hunn si ee gemeinsame Projet mam Ensemble Vocal du Luxembourg: Iwwer Demokratie, Fraerechter a Fräiheete sangen an domat de Publik sensibiliséieren. Ënnert dem Motto: Do you hear the People?

Entstanen si bei dësem Projet eng sëllege Lidder, dorënner och véier Stécker déi bei engem Concert Méindes, den 19. Mee 2025 am Trifolion zu Iechternach gesonge ginn.

Am Gespréich mam Lex Kauffmann schwätzt de Museker iwwert d'Konzept, ma och d'Erfarungen déi am Grupp bei dësem Projet gemaach goufen.

No “Beau is Afraid” a sengem radikale Portrait vun enger vu Psychosen zerfriessener Psyche polariséiert den Ari Aster mat “Eddington”, engem Neo-Western, deen als Allegorie op den Albdram, deen d’US-Amerika vun haut ginn ass, ka gelies ginn. Fir eng Rei Kritiker de grousse Flop vun der Competitioun, fir anerer en absolut Meeschterwierk. Wéi de Jeff Schinker an de Marc Trappendreher de Film fonnt hunn – dat lauschtere mer elo.

Dësen norwegesche Schouldrama hunn de Michel Delage an d'Valerija Berdi am leschte Grousse Kino beschwat.

Den Nicolas Calmes aktivéiert säi Radar a faasst zesummen, wat dës Woch kulturell lass ass am Ländchen.

De Carlos Ferreira an de Pedro Emanuel Pereira kommen allen zwee aus Portugal. Kenne geléiert hunn si sech awer virun e puer Joer zu Amsterdam. Iert si dann ee Klarinette-Piano-Duo gi sinn, hunn si Futtballmatcher zesumme gespillt. "De Futtball war fir d'éischt, an et huet zanter dem Ufank einfach gematcht tëscht eis zwee", seet de Carlos Ferreira.

Aktuell ass den Duo op Concertstournée an Europa wéinst der Serie "Rising Star" vun der ECHO (European Concert Hall Organization), a nom leschte Concert zu Porto ass de nächste Stopp den Dënschden, 20. Mee an der Philharmonie um Kierchbierg.

Am Gespréich mam Marie Schockmel verréit de Carlos Ferreira méi, iwwert hiert Kenneléieren an och iwwer de Programm, deen e Mix aus Schumann, Debussy, an och méi neie Wierker ass. Mat dobäi ass och eng eege Kompositioun vum Pianist, déi hien extra fir de Klarinettist geschriwwen huet.

Den Nicolas Calmes aktivéiert säi Radar a gëtt eis eng Selektioun vu Kultur-Rendez-vouse mat an de Weekend.

Eng Fra, déi bei der Inspektioun vun der Police schafft a wéinst engem Virfall vu Policegewalt tëschent d'Fronte geréit, ee Mann, deen seng Duechter an der marokkanescher Wüst op enger Rave Party sicht an d'Brutalitéit vun der Natur fënnt - den zweeten Dag vun der Competitioun belount eis weider mat spannende Filmer - an enger méiglecher Palme? Dem Jeff Schinker a Marc Trappendreher hir Analyse vun „Dossier 137“ vum Dominik Moll a „Sirât“ vum Oliver Laxe.

Lëtzebuerg ass an der Finall vum Eurovision Song Contest – d’Laura Thorn konnt sech jo gëschter Owend an der Halleffinall mam Lidd “La Poupée monte le son” duerchsetzen. Muer den Owend ass dann di grouss Finall, an der nach am ganze 26 Länner géinteneen untrieden.

D'Serie hëlt eis mat an d'Groussbritannie vun den 1980er Joren, wou eng Rivalitéit entbrennt an der Welt vun de Fernsee-Chaînen. De Simon Larosche stellt eis d'Serie fir.