Kultur

By Radio 100,7News

Kultur episodes

March 21, 2025 "Zero Day" mam Robert De Niro
Eng nei Polit-Thriller-Serie op Netflix. Dausende Mënsche stierwe wärend enger grousser Cyberattack op d'USA. Den Ex-President (Robert De Niro) gëtt aus der Pensioun geholl, fir no de Schëllegen ze sichen. D'Serie ass kompakt a gëtt vum Haaptacteur gedroen, och wa se mat Momenter de Mond ze vill voll hëlt. Den Yves Stephany huet “Zero Day” gekuckt.
5 min
March 20, 2025 D'Bady Minck zu London
Zu Leeds am Norde vun England weist eng Ausstellung Wierker vun däitsch-sproochegen Kënschtlerinnen aus der Nokrichszäit. Dobäi war ee Film vun der Lëtzebuergerin Bady Minck e grousse Renner bei de Jonken. D’Claire Barthelemy war fir eis kucken.
6 min
March 20, 2025 E Raum voller Klanglandschaften
Aen zou an Oueren op - Lëtzebuerg ass dëst Joer mat dem Architekten - a Curateur-Trio Valentin Balsac, Alice Loumeau a Mike Fritsch - op der Architektur-Biennale zu Venedeg vertrueden. An hirem Projet “Sonic Investigations” sollen natierlech a kënschtlech Geräischer aus eiser Ëmwelt matenee verschmëlzen. Heifir hu si mam Soundkënschtler Ludwig Berger zesummegeschafft an hunn d’Dieren zu ganz neie Klangwelten opgemaach. De Joé Birchen wollt wëssen, wat fir si den Toun esou besonnesch mécht an huet eis ee Klangbeispill vum Projet matbruecht.
8 min
March 20, 2025 "Our Last Dance"
“Musek am Syrdall ass esou eng Frëndschaft mam Publikum a mat de Kënschtler”, seet de President vum Festival Jeannot Waringo. Zanter 1988 gëtt et de Festival, an dëst Joer ass et mat der 36. Editioun déi lescht Saison. Iwwert all déi Jore gouf et ëmmer ee roude Fuedem: nei Kompositiounen, haaptsächlech vu jonke Kënschtler, an de Vierdergrond stellen an e “Lieu de rencontre” si fir iwwer Kultur an och aner Saachen ze schwätzen. Dëst Joer sti véier Concerten am Mäerz an Abrëll um Programm, mat der Mënster Musek, dem Perkussiounsensembel vum Stater Conservatoire, dem Lëtzebuerger Lidderchouer an der Kammerata Luxembourg. Am Gespréich mam Marie Schockmel verréit de Jeannot Waringo méi.
10 min
March 20, 2025 TUYS - Nei EP "◑◐◐" an 18. Gebuertsdag
D'Diddelenger Indie-Band TUYS waren op flotte Plazen an deene leschte Joren. Fir d’éischt zesummen op Berlin geplënnert, duerno zeréckkomm an Two Steps Twice, hir Management a Produktiounsboîte gegrënnt. Si hunn ee Konzeptalbum verëffentlecht mat Reflexiounen iwwer eng Welt, déi sech binariséiert, originell Videoclippe realiséiert a sech erëm nei fonnt. Iwwer hir nei EP “◑◐◐” an den 18. Gebuertsdag vun der Band, deen den 2. Mee an de Rotondë gefeiert gëtt, schwätze mir mam Tun Biever.
10 min
March 20, 2025 Lune de miel - Le baiser du sphynix
Hongreg Haien, e mysteriéise Päiperlek aus dem alen Ägypten a Waffen- an Drogenhändler, dat sinn d'Ingredienten, déi de Basitien Vivès fir seng BD benotzt. E Wierk, dat den Nicolas Calmes jidderengem recommandéiere kann, deen eppes mat den “Indiana-Jones”-Filmer oder den “Uncharted”-Videospiller ufänke kann.
5 min
March 19, 2025 International Classical Music Awards 2025
D'Gala vun den International Classical Music Awards ass all Joer op enger anerer Plaz. 2022 war se an der Lëtzebuerger Philharmonie. Dëst Joer ass d'Gala an der Tonhalle Düsseldorf. Ënner de Gewënner ass 2025 mam Cellist Benjamin Kruithof och ee Lëtzebuerger. An der aktueller Saison als Rising Star an der Philharmonie opgetrueden, gëtt dee 26 Joer alen Cellist bei den ICMA mam Young Artist of the Year Award ausgezeechent. Lauschtert de Concert mat Moderatioune vum Lex Kauffmann a Christophe Mirkes iwwer de radio 100,7 oder online am Livestream iwwer de Site www.opus.radio.
6 min
March 19, 2025 Generalprouf vun “F for Fake Light” am Casino
Dir kennt Vangelis? Wéi wier et dann elo mat Vargelis: deen éischten hat musikalesch fir Feier gesuergt, den Nicholas Vargelis réckelt Situatiounen an dat richtegt Feier, besser: Liicht. Momentan zum Beispill duerch seng Luucht-Installatioune bei der Expo “Boogie” am Casino an der Ënneschtgaass. Konscht ouni Faarf a Pinsel, mee quasi just mam Schäi vun ale Luuchtenampullen? An dat en plus an enger Expo, déi als rhythmescht Experiment geduecht an deemno ni d’selwecht ass? D’Kerstin Thalau huet d’Boogie-Curatrice Stilbé Schroeder an de Studio invitéiert, fir Liicht an d’Däischtert ze bréngen.
11 min
March 19, 2025 Am Gespréich mam Filip Markiewicz
De Sophokles an den Euripides ginn ni al, dofir sinn hir Geschichten ze universell - dat, well se dacks vu Gewalt a Vendetta, Léift, Jalousie a Familljentragedien a Kricher erzielen. Grond genuch fir de multidisziplinäre Kënschtler Filip Markiewicz eng ganz eege Versioun vun der Geschicht vun der Elektra, iergendwou tëschent Theater, Oper a Konschtinstallatioun, an de Studio vum Groussen Theater ze bréngen.
16 min
March 18, 2025 Haarden, kompromisslose Punk
D’Lambrini Girls sinn eng brittesch Punkband, déi sech duerch hir Live-Optrëtter an hir politesch Messagen en Numm gemaach hunn. E Mëttwoch (19.3.) spille si an de Rotonden. D’Claire Barthelemy huet mat hinne geschwat.
6 min

About Kultur

From the publisher's feed

Interviewen, Kriticken, Commentairen a Reaktiounen zu der kultureller Aktualitéit

Share Kultur

Sign up to save your podcasts

Kultur

Kultur episodes

About Kultur

More shows like Kultur

Journal (Radio)

Panorama

Invité:e vum Dag

Konferenzen

Presserevue

Grousse Kino

Den Hallwer Néng

Europa Aktuell

Kaarten op den Dësch

Um Bols

Mauvais élève

Schlechte Schüler

Seismograph

E puer Wierder iwwer Wierder

Wat lauschters du?

Philo am Gespréich

Fënster Op

Level up

Zeenewiessel

Moiesstudio