Kultur

By Radio 100,7News

Kultur episodes

March 13, 2025 Theaterkritik: Vreckvéi
Ee Liewen um Land ouni Perspektiv, Déieren, déi et ze erléise gëllt, een demente Bop, en depressive Papp, ee xenophobe Brudder an ee Friemen, deen no an no manner friem gëtt: A "Vreckvéi" erliewe mir, wéi zwou Schwësteren de Bauerenhaff vun den Eltere musse geréieren.
Dat schottescht Stéck, dat vun der Elise Schmit op Lëtzebuergesch iwwersat gouf, leeft dës Saison am Mierscher Theater. Den Nicolas Calmes, de Jeff Schinker an de Jo Welfringer waren et kucken.
16 min
March 13, 2025 Luxfilmfest (5)
De Michel Delage an de Jeff Schinker beschwätzen déi 2 Fiktiounsfilmer "The Village Next to Paradise" an "Hanami" an den Documentaire "Invention".
20 min
March 12, 2025 Literaresch Kläng
Ënner dem Motto Sons littéraires initiéiert d'Harfenistin Dina Nimax ee Concert dëse Freideg (14.3.) am Mierscher Theater. Literaresch Kläng an eng musikalesch Rees duerch d'Säiten. Sons littéraires ass ee Concertsprojet, bei deem literaresch Wierker musikalesch verschafft ginn. Mee virdru kritt de Publique déi jeeweileg Wierker och op der Plaz virgelies. D'Iddi fir dëse Concertsowend kënnt vun der jonker Lëtzebuerger Harfenistin Dina Nimax, déi och d'Wierker erausgesicht huet. Am Gespréich mam Lex Kauffmann gëtt d'Musekerin en Abléck an d'Ëmsetzung an d'Konzept.
6 min
March 12, 2025 "Poison" an "On Falling"
De Luxfilmfest ass nees Sujet a Kultur um 5. Zwee Filmer gi beschwat, der Desirée Nosbusch hire Film "Poison" an dann nach e weideren Debutfilm: "On Falling" vun der portugisescher Realisatrice Laura Carreira.
23 min
March 11, 2025 Neie Marsch fir den zukünftege Grand-Duc gesicht
D'Frënn vun der Militärmusek siche mat der Ënnerstëtzung vum Kulturministère an der SACEM no engem neie Marsch zu Éiere vum neie Groussherzog Guillaume. Dëst am Kader vum Trounwiessel am Oktober 2025.
Gesicht gëtt virun allem eng nei Eegekompositioun fir militäresch Zeremonien ze encadréieren an déi un ee Foussmarsch ugepasst ass.
Am Gespréich war beim Lex Kauffmann den aktuelle Chefdirigent vun der Militärmusek, de Lieutenant Colonel Jean-Claude Braun. Si hu sech iwwer d'Krittäre vum Concours ënnerhalen an och déi historesch Valeur vun esou Märsch an der Lëtzebuerger groussherzoglecher Geschicht.
De komplette Reglement an d'Informatiounen zum Kompositiounsconcours fannt Dir um Site vum opus.radio.
10 min
March 11, 2025 Wat huet d'Expo "Monsieur Steichen" mam Edward Steichen ze dinn?
Bis Enn August kënnt Dir am Mudam sengem gliesene Leir Pavillon d'Expo "Monsieur Steichen" gesinn. Déi amerikanesch Kënschtlerin Lisa Oppenheim, Joergang 1975, war domat beoptraagt ginn, op dem Edward Steichen säi facettëräicht Wierk ze reagéieren. Déi Erausfuerderung huet d'New Yorkerin gären ugeholl: d'Lisa Oppenheim ass fir hir experimentell Film- a Fotoaarbechte bekannt, fir déi si heefeg selwer net zu enger Kamera gräift, mee, no akribesche Recherchen, Bildmaterial aus Archiven an anere Sammlungen op hir Manéier verschafft. D'Kerstin Thalau ass vun der Lisa Oppenheim ënner anerem gewuer ginn, firwat den Edward Steichen fir si ee vun de mysteriéiste Personnagë vum 20. Joerhonnert war.
11 min
March 10, 2025 Filmkritik: "Mickey 17"
De Michel Delage an d'Vesna Andonovic hunn dem Koreaner Bong Joon-ho seng nei Science-Fiction-Satir am Grousse Kino ënner d'Lupp geholl.
12 min
March 10, 2025 "Ech hunn eigentlech alles geléiert bei Lucilin"
Dat seet de laangjärege Member a Pianist Pascal Meyer am Zesummenhang mat zäitgenëssescher Musek. Schüler aus dem Ettelbrécker Conservatoire kréien och d'Méiglechkeet fir méi Erfarung mat neier Musek ze sammelen. United Instruments of Lucilin spillt de 16. Mäerz 2025 am CAPE e Concert, bei deem Schüler Wierker vun ënner anerem dem Steve Reich zesumme mam Lëtzebuerger Ensembel fir zäitgenëssesch Musek kënnen opféieren. Et ass en Optrëtt aus der Serie Lucilin in the City, bei deem ee vun de Museker vum Ensembel d'Programmatioun iwwerhëlt. An dësem Fall war et de Pianist Pascal Meyer. Hien huet dem Christophe Mirkes an engem Gespréich verroden, op wat hie Wäert geluecht huet a wéi sech dëse Projet vun deenen ouni Schüler ënnerscheet.
8 min
March 10, 2025 LuxFilmFest (2): D'Filmer vum Weekend ënner der Lupp
Chrëschtdag ënner dem Ceauşescu, ee Suizid via en Heizkierper an hollänneschen Nationalismus aus der Perspektiv vu Geflüchteter: Am Bogdan Mureşano sengem "The New Year That Never Came" geet et ëm Ënnerdréckung a Revolutioun am Rumänie vun 1989, dem Radu Jude säi "Kontinental 25" bleift op der nämmlechter Plaz, mee mécht een zäitleche Sprong no vir, fir ze weisen, datt et sech och am kapitalistesche Rumänien net ëmmer wansinneg gutt lieft - a am autobiografeschen Dokumentarfilm "Home Game" suivéiere mir der Lidija Zelovic hir Flucht aus Sarajevo an en Holland, dat no an no méi rietsextreem gëtt: Eise Weekend um LuxFilmFest war geographesch relativ homogen, huet awer eng ganz Rëtsch vu verschiddenaartegen Theemen opgegraff.
17 min
March 10, 2025 Um Radar - ënner der Woch
Den Nicolas Calmes aktivéiert säi Radar a verréit Iech, wat Dir ënner der Woch net verpasse sollt.
9 min

About Kultur

From the publisher's feed

Interviewen, Kriticken, Commentairen a Reaktiounen zu der kultureller Aktualitéit

Share Kultur

Sign up to save your podcasts

Kultur

Kultur episodes

About Kultur

More shows like Kultur

Journal (Radio)

Panorama

Invité:e vum Dag

Konferenzen

Presserevue

Grousse Kino

Den Hallwer Néng

Europa Aktuell

Kaarten op den Dësch

Um Bols

Mauvais élève

Schlechte Schüler

Seismograph

E puer Wierder iwwer Wierder

Wat lauschters du?

Philo am Gespréich

Fënster Op

Level up

Zeenewiessel

Moiesstudio