Net nëmmen d’Theatere vu Lëtzebuerg hunn an deene leschte Wochen hiren neie Programm presentéiert. Och de Mudam huet een Abléck ginn, op wat sech d’Visiteuren 2026 kënne freeën. D’Lori Dauphin huet am Gespréich mat der Direktesch vum Musée, der Bettina Steinbrügge, iwwer déi nei Saison geschwat.

Fir hir 20 Joer ze feieren huet d’Rockhal eis de 24. September mat op eng Rees duerch d’Museksgeschicht vu Lëtzebuerg geholl - an Deeler vu Bands optriede gelooss, déi et guer net méi gëtt. Zanter der Rentrée ënnerhält sech de Jeff Schinker mat enger ganzer Rei vu Bands, déi Lëtzebuerger Museksgeschicht geschriwwen hunn - an zeechent domat ee Portrait vun enger Zeen zur Joerdausendwend, virun oder wärend den Ufäng vu music:LX. No Monophona an Defdump ass et un der Band Inborn, déi deemools hiren drëtten Album mat kengem anere wéi dem Starproduzent Ross Robinson zu L.A. opgeholl haten. Am véierten Episod erkläert de Cédric Kayser, wisou sech d'Band eng Zäit nom Duerchbrochalbum "Persona" opgeléist huet.

Den Owend (2.10.) um siwen ass de Vernissage vun der Jessica Theis hirer Ausstellung “Dechets Morts“. An der Galerie A Spiren zu Stroossen setzt si sech mat Theeme wéi der geplangter Obsoleszenz an der Iwwerconsommatioun auserneen. D’Lori Dauphin huet am Interview mat der Fotografin am Virfeld iwwer d’Ausstellung geschwat.

No “Audition” vun der Katie Kitamura a “Flesh” vum David Szalay rezenséiert de Jeff Schinker mat “The Rest of Our Lives” vum Ben Markovits dat drëtt vun de sechs Bicher, déi et op d’Booker-Prize-Shortlëscht gepackt huet. Dem Markovits säi Roman ass een ironesch-melancholesche Roadtrip, an deem ee Familljepapp op säi Liewen zeréckbléckt, dat mat der Gewëssheet, datt et esou vill Zukunft vläicht net méi wäert ginn.

Kilometerlaang Stauen, iwwerfëllten Zich a Busser oder Vëlosweeër, déi feelen. Fir vill Leit hei am Land ass de Wee op d’Aarbecht, dat ass bekannt, eng richteg Plo. Fir duerzestelle wéi vill Zäit de Salarié dobäi verluer geet, koum virun enger Woch en neit Buch eraus vun der Soziologin Jessica Lopes an dem Kënschtler Charles Vinz.

Fir hiert Wierk hu si 13 Persounen - Residenten a Frontalieren - bei hirem Wee op d’Aarbecht suivéiert. D'Paule Rodesch begleet eng dovunner op d'Aarbecht - an huet och d'Jessica Lopes derbäi, fir sech iwwer hiert Buch ze ënnerhalen.

Fir hir 20 Joer ze feieren huet d’Rockhal eis de 24. September mat op eng Rees duerch d’Museksgeschicht vu Lëtzebuerg geholl - an Deeler vu Bands optriede gelooss, déi et guer net méi gëtt. Zanter der Rentrée ënnerhält sech de Jeff Schinker mat enger ganzer Rei vu Bands, déi Lëtzebuerger Museksgeschicht geschriwwen hunn - an zeechent domat ee Portrait vun enger Zeen zur Joerdausendwend, virun oder wärend den Ufäng vu music:LX.

No Monophona an Defdump ass et un der Band Inborn, déi deemools hiren drëtten Album mat kengem anere wéi dem Starproduzent Ross Robinson zu L.A. opgeholl haten. Wéi si mam Ross Robinson a Kontakt getruede sinn, wéi a wou si d'Plack geschriwwen hunn, wéi intensiv d'Opname waren - a wat et mat hirer Musek gemaach huet, verréit de Cédric Kayser an der drëtter Episod.

Fir hir 20 Joer ze feieren huet d’Rockhal eis de 24. September mat op eng Rees duerch d’Museksgeschicht vu Lëtzebuerg geholl - an Deeler vu Bands optriede gelooss, déi et guer net méi gëtt. Zanter der Rentrée ënnerhält sech de Jeff Schinker mat enger ganzer Rei vu Bands, déi Lëtzebuerger Museksgeschicht geschriwwen hunn - an zeechent domat ee Portrait vun enger Zeen zur Joerdausendwend, virun oder wärend den Ufäng vu music:LX.

No Monophona an Defdump ass et un der Band Inborn, déi deemools hiren drëtten Album mat kengem anere wéi dem Starproduzent Ross Robinson zu L.A. opgeholl haten. Hei blécke mir op d'Diskographie vun Inborn zeréck - an de Cédric Kayser verréit eis, wisou d'Presens op Streamingplattformen ee "Mal nécessaire" ass.

Dem Zeechner Marc Angel seng BDen a Graphic Novelen zeechne sech duerch eng Rei Konstanten aus, dorënner den Interessi fir d’Geschicht, fir Soen a Legenden, a virun allem fir d’Liewe vun den einfache Leit, déi - vertrueden duerch staark Helden - sporadesch kënnen iwwer sech erauswuessen.

De Marc Angel war dem Michel Delage säin Invité am leschte B-Radio "Staark Vollekshelden".

Den Iwwerbléck vun der aktueller Filmprogrammatioun mam Michel Delage