Kultur

Fir hir 20 Joer ze feieren hëlt d’Rockhal eis de 24. September mat op eng Rees duerch d’Museksgeschicht vu Lëtzebuerg - a léisst Deeler vu Bands optrieden, déi et guer net méi gëtt. An de kommende Wochen ënnerhält sech de Jeff Schinker mat enger ganzer Rei vu Bands, déi Lëtzebuerger Museksgeschicht geschriwwen hunn - an zeechent domat ee Portrait vun enger Zeen zur Joerdausendwend, virun oder wärend den Ufäng vu music:LX. No Monophona ass et un der Kultband Defdump. Hei verréit de Pascal Useldinger, wéi et war am perspektivlose Lëtzebuerg vun den 90er eng Band ze grënnen.

Den nächsten Dënschdeg ginn déi dräizéng Romaner vun der Booker Prize Longlist zur Shortlist kondenséiert. Op der Longlist sinn dëst Joer vill Neientdeckungen a wéineg bekannten Nimm - d’Romaner hunn tëschent 150 a 650 Säiten, een dovu koum esouguer eréischt zwee Deeg, nodeems d’Shortlist ëffentlech gouf, eraus. A senger Serie rezenséiert de Jeff Schinker Woch fir Woch déi 13 Romaner, déi et op d'Longlist gepackt hunn. Den Ufank mécht der Katie Kitamura hire Roman "Audition", an deem enger Schauspillerin hir Realitéit ëmmer méi enger Performance änelt - fir déi ee mysteriéise jonken Typ ee ganz spezielle Casting proposéiert.