Kultur

By Radio 100,7News

Kultur episodes

August 25, 2025 Film vun der Woch: "Sentimental Value" vum Joachim Trier
Zu Cannes gouf en am Mee mam Grand Prix, deem zweetwichtegste Präis vum prestigiéise Festival, ausgezeechent, elo leeft en och bei eis an de Kinoen: "Sentimental Value" vum Joachim Trier ass een immens villschichtegt Familljendrama iwwer dysfunktional Famillen, Depressioun an Kraaft vun der Fiktioun, déi heelt. D'Valerija Berdi an de Jeff Schinker haten de Film am Grousse Kino vu leschte Samschdeg beschwat - a mir lauschteren hei nach eemol d'Rezensioun vun engem Film, deen elo scho vun der Grousse-Kino-Ekipp als ee vun de Filmer vum Joer bezeechent gouf.
13 min
August 25, 2025 Musique dans la Vallée 2025
Op Initiativ vu fënnef Gemenge laanscht d'Atert, nämlech Attert (an der Belsch), Biekerech, Ell, Préizerdaul a Réiden ginn d'Musique dans la Vallée organiséiert. Eng Rees an d’Kläng vun der barocker Musek, d’Vertounung vun der ganzer Wierk-Panoplie vu verschiddenste Komponisten oder musikalesch Entdeckungsreesen an déi geeschtlech a weltlech Kultur aus Osteuropa. An och wann een d’Frënn vun der klassescher Musek uviséiert, stinn an dëser Editioun d’Famillen am Vierdergrond.
4 min
August 22, 2025 "New Farmer" oder "New Pharma"?
A wéi enger Welt wëlle mir muer liewen? Déi Escher Kulturplattform Elektron presentéiert bis den 9. September am, a baussent dem Escher Centre Mercure, Konschtwierker, déi sech mat dësem Sujet, mat Hëllef vun digitale Medien, befaassen. Dat, well d‘Trennung tëschent Natur an Technologie ëmmer méi duerchlässeg gëtt. Do ass zum Beispill dem Berliner Bruce Eesly seng Affichë-Serie “New Farmer“. Zejoert hat de Kënschtler a Gäertner déi op de renomméierte Rencontres de la photo vun Arles presentéiert. Elo kënnt Dir se zu Esch entdecken. D‘Kerstin Thalau am Gespréich mam Bruce Eesly
9 min
August 22, 2025 Congés annulés 2025 - Bilan
Zesumme mam Marc Hauser, deen zesumme mam Nicolas Pzeor de Festival programméiert, zéie mir ee klenge Bilan vun enger Programmatioun, déi dëst vun Decouverten nëmmen esou gebascht huet. Intensiv Bünepresenzen, onerwaarte Renconteren, a ganz vill Public stieche bei där 17. Editioun vum Festival eraus.
10 min
August 22, 2025 Fringe Festival: Am Gespréich mam Isaiah Wilson
Véier Choreographen a Choreographinnen vu Lëtzebuerger Danzkompanien hunn dëst Joer um berüümte Fringe Festival a Schottland hir Stécker opgeféiert. Dëst ass dee gréisste Konschtfestival op der Welt, dee vill nei Dieren opmaache kann. D‘Claire Barthelemy war fir eis kucken an huet mat de Choreographe geschwat. Fir dësen éischte Bäitrag iwwer de Fringe Festival huet si den Isaiah Wilson no senger éischter Opféierung begéint.
6 min
August 21, 2025 Dat Onsiichtbaart siichtbar maachen
“Wou d’Uelzecht-Stad” ass deen zweete Soundwalk vun der Lëtzebuerger Komponistin Catherine Kontz zesumme mat der englescher Poetin S.L. Grange. Mam eegenen Handy a Kopfhörer kann een duerch de Gronn trëppelen an iwwer 13 Statiounen d'Geschichte vum Quartier entdecken. Esou soll deen onsiichtbare Patrimoine vun der Stad Lëtzebuerg nees méi visibel gemaach ginn. De Soundwalk ass gratis a kann zu all Zäit gemaach ginn, ob eleng oder an der Grupp. D'Marie Trussart huet sech mat der Komponistin am Gronn getraff a krut lauter spannend Geschichten erzielt.
Den 31. August huet een am Kader vun der LUGA iwweregens d'Méiglechkeet de Spadséiergang zesumme mat der Komponistin ze goen.
10 min
August 20, 2025 Congés annulés: La sécurité
Vu Montreal kënnt eng Band, an där sech wärend Covid e puer vun deene beschte Museker aus der Zeen zesummefonnt hunn. Dobäi eraus koum e bësse krautege Dance-Punk, dee mol no méi prezisen a méi minimale Bangles, mol no Stereolab kléngt. La sécurité hate si sech deemools genannt, an datt de spontane Projet si géif bis an Europa bréngen, an dann och nach op Lëtzebuerg an d'Rotonden, hätten d'Sängerin Éliane Viens-Synnott, d'Gittaristinne Melissa Di Menna a Laurence-Anne Charest-Gagné, de Bassist Félix Bélisle - bekannt vu Choses Sauvages - an de Kenny Smith sech sécher net erdreemt. An dach sti si am Moment ronderëm de Marc Clement fir iwwer de Concert den Owend (20.8.) ze poteren. Mir schalte live op Bouneweg.
8 min
August 20, 2025 Buchkritik: “Wackelkontakt” vum Wolf Haas
E Mann liest e Buch iwwer ee Mann, deen ee Buch liest, dat ëm de Mann, deen ee Buch iwwer hie liest, geet. Sidd Dir schonn dronken? Dat ass och Sënn an Zweck vum Wolf Haas sengem Roman “Wackelkontakt”, dat op der Shortlëscht vum Leipziger Buchpräis stoung an deem de Seeldanz tëschent Thriller a postmodernem Metaroman perfekt geléngt. De Jeff Schinker, vun deem dobaussen ëmmer gesot gëtt, hie géif näischt gutt fannen, ass begeeschtert.
7 min
August 19, 2025 D‘Lëtzebuerger Musekzeen trauert ëm de Chris Belardi
D‘Lëtzebuerger Musekszeen trauert ëm de Chris Belardi, deen zanter Enn der 90er Joren an der Lëtzebuerger Musekszeen een nohaltegen Impakt hannerlooss huet. De Multi-Instrumentalist a Member vun der Téitenger Musek, dem Gebridderduo The Carp‘s, Something Under My Bed a Chief Marts, war eisem Museksredakter Marc Clement wuel bekannt. Hien huet e puer Erënnerungen un de Chris Belardi preparéiert.
6 min
August 19, 2025 Nei am Kino
Och am Summer ass et derwäert an de Kino ze goen, Wéi eng nei Produktiounen an eise Kinoen dës Woch ulafen, erzielt d'Valerija Berdi.
5 min

About Kultur

From the publisher's feed

Interviewen, Kriticken, Commentairen a Reaktiounen zu der kultureller Aktualitéit

Share Kultur

Sign up to save your podcasts

Kultur

Kultur episodes

About Kultur

More shows like Kultur

Journal (Radio)

Panorama

Invité:e vum Dag

Konferenzen

Presserevue

Grousse Kino

Den Hallwer Néng

Europa Aktuell

Kaarten op den Dësch

Um Bols

Mauvais élève

Schlechte Schüler

Seismograph

E puer Wierder iwwer Wierder

Wat lauschters du?

Philo am Gespréich

Fënster Op

Level up

Zeenewiessel

Moiesstudio