Kultur

By Radio 100,7News

Kultur episodes

June 05, 2025 Um Radar: De Weekend
Den Nicolas Calmes aktivéiert säi Radar a proposéiert Iech eng Rei Kulturevenementer fir dëse Weekend.
7 min
June 05, 2025 Les héros du peuple sont immortels
Eng BD vum Stéphane Oiry iwwert de Punkmuseker a Kriminelle Gilles Bertin. Hie war net nëmme Singer-Songwriter a Bassist bei der Band Camera Silens, mee huet och e Geldtransport iwwerfall. Duerno war hie jorelaang op der Flucht.
7 min
June 04, 2025 Wat sollen d'Museker vu muer kënnen?
An der Philharmonie gëtt et net nëmmen d'Lëtzebuerger Philharmoniker, mee och d'Orchestra Academy. Dat ass eng Ausbildungsinstitutioun an där jonk Musekerinnen a Museker aus der ganzer Welt intensiv forméiert gi fir eng Karriär als zukünfteg Orchestermuseker:innen unzetrieden. Net nëmmen an der Philharmonie gëtt et esou eng Orchesterakadmie, mee vill aner Concertshaiser an Europa hunn dat och. Den 23. Mee hunn sech all déi Akademië fir ee Konferenzdag an der Philharmonie getraff. D'Haaptfro war: Wat solle Museker vu muer kënnen a wat solle mir hinnen haut bäibréngen?
D'Akademie vum BR (Bayerischer Rundfunk) war och do, vertrueden duerch d'Luisa Fischer aus der Geschäftsführung. Fir si war et déi éischt Konferenz mat anere Responsabele vun Orchesterakadmien aus Europa. Zanter 25 Joer scho ginn et an der BR-Akademie ëmmer 18 Akademisten, déi fir 2 Joer ausgebilt ginn. Nieft der Musek spillen awer och den interkulturellen Austausch an d'kierperlech a mental Gesondheet eng grouss Roll.
Am Gespréich mam Marie Schockmel verréit d'Luisa Fischer méi iwwer d'Zesummenaarbecht vun den Akademien, a wéi den Alldag vun engem Akademist ausgesäit, a wat d'Roll vun den Akademien am Fong ass.
14 min
June 04, 2025 Vill Disharmonie nom neie Brexit-Ofkommes
Zanter dem Brexit ass et vill méi komplizéiert fir Museker:innen aus Groussbritannien, déi an der Europäescher Unioun toure wëllen. Mam neie Brexit-Ofkommes hate si gehofft, datt dat sech ännere géing. Mee bis elo ginn et just Verspriechen. D’Claire Barthelemy bericht vu London.
5 min
June 04, 2025 Mémoires de fortune: eng fotografesch a philosophesch Expo
Wat geschitt mat eisen Erënnerungen, wa mir net méi do sinn? Déi Fro hu sech de Fotograf Patrick Galbats a seng Partnerin, d‘Philosophin Camille Moreau, gemeinsam gestallt. Si ware reegelméisseg fir zwou Auer um Bréisseler Floumaart, op der Place jeu de balles, wann d‘Händler ewechgehäit hunn, wat si net verkafe konnten, an hu Fotoen an Objete gesammelt bis de Botzdéngscht koum. Mat dëse Souveniren hu si d‘Expo “Mémoires de fortune“ am Diddelenger Konschtzentrum Dominique Lang montéiert. D‘Kerstin Thalau am Gespréich mat der Camille Moreau an dem Patrick Galbats
13 min
June 03, 2025 150. Doudesdag vum Georges Bizet
Een Theaterstéck, dat wéineg Succès hat, mee duerch dem Georges Bizet seng Musek immens gutt beim Public ukënnt: dat ass déi kuerz Zesummefaassung vun der bekannter Orchestersuite “Arlésienne”.
Am Géigesaz huet d'Kompositioun an d'Oper “Carmen” bei hirer Uropféierung esou guer net iwwerzeege kënnen. An ass dach haut eng vun de meeschtgespillten Operen iwwerhaapt.
Jo, de Georges Bizet huet ee ganz interessanten CV virzeweisen. Ee Grond fir am Kader vu sengem 150. Doudesdag dëst besonnescht Liewe Revue passéieren ze loossen. Eng Recherche vum Jean Thill, am Gespréich mam Lex Kauffmann vum opus 100,7.
6 min
June 03, 2025 "Un perdant magnifique“ huet gewonnen!
De Prix du Livre Inter geet dëst Joer un d’Florence Seyvos fir hire Roman “Un perdant magnifique”. Dat huet de franséische Radiosender France Inter den 2. Juni annoncéiert. Eng Jury vu 24 Persounen, gläichermoosse Frae wéi Männer, huet sech fir de Roman vun der franséischer Autorin entscheet. D’Florence Seyvos kritt domat, nom Prix de la Closerie des Lilas, schonn den zweete Präis fir hiert Wierk. Wat d’Buch dann esou besonnesch mécht, erzielt eis de Jeff Schinker.
7 min
June 03, 2025 Jean-François Laguionie + Tarantula: Slocum + moi
De véierte Juni leeft dem Animatiounsmeeschter Jean-François Laguionie säin Dessin Animé “Slocum e moi” bei eis am reguläre Kinosprogramm un. Dobäi handelt et sech ëm eng Koproduktioun vun der lëtzebuerger Produktiounsfirma Tarantula. De Jean-François Laguionie hat “Slocum et moi” am Mäerz, also am Kader vum Luxembourg City Filmfestival, héchstperséinlech presentéiert. Firwat mir dat esou betounen? Ma well de Cinéast de leschten Hierscht 85 Joer al ginn ass an annoncéiert huet, “Slocum et moi” wier da säi leschte Film. En Interview mam Jean-François Laguionie war fir de Michel Delage dowéinst e Must
21 min
June 02, 2025 D'Passioun fir d'Kläng vum Akkordeon
De Richard Galliano ass professionellen Akkordeonist a scho méi wéi 50 Joer op der Bün. Mat 74 Album-Produktiounen zielt hien zu den aktuelle Weltakkordeonisten. Net nëmmen huet hie Generatioune vu Museker:inne Joerzéngte laang gepräägt, mee och vill fir d'Entwécklung an d'Akzeptanz vum Instrument a verschiddene Genrë wéi dem Swing, Jazz, Tango oder sengem eegene Stil, der Neier Musette gemaach. Grouss Museker wéi den Astor Piazzolla hunn zu sengem enke Frëndeskrees dozou gehéiert.
Haut den Owend, den 02. Juni 2025, kënnt de Museker fir ee Concert zesumme mat de Solistes Européens, Luxembourg op de Kierchbierg an d'Philharmonie. De Lex Kauffmann vum opus 100,7 huet sech an deem Kader mam Museker iwwer seng Karriär ënnerhalen.
7 min
June 02, 2025 TVOD: Interview
D’New-Yorker Band TVOD - kuerz fir Television Overdose - sinn op Europatour fir hiren éischten Album “Party Time” ze spillen. Leschte Weekend hu si d’Rotondë gerockt. Den Nicolas Calmes war present an huet dem Sänger Tyler Wright e puer Froe gestallt.
7 min

About Kultur

From the publisher's feed

Interviewen, Kriticken, Commentairen a Reaktiounen zu der kultureller Aktualitéit

Share Kultur

Sign up to save your podcasts

Kultur

Kultur episodes

About Kultur

More shows like Kultur

Journal (Radio)

Panorama

Invité:e vum Dag

Konferenzen

Presserevue

Grousse Kino

Den Hallwer Néng

Europa Aktuell

Kaarten op den Dësch

Um Bols

Mauvais élève

Schlechte Schüler

Seismograph

E puer Wierder iwwer Wierder

Wat lauschters du?

Philo am Gespréich

Fënster Op

Level up

Zeenewiessel

Moiesstudio