Kultur

De Michel Delage, d'Vesna Andonovic an d'Valerija Berdi iwwer dem Wes Anderson säin neie Film.

De Michel Delage, d'Vesna Andonovic an d'Valerija Berdi iwwer dem Wes Anderson säin neie Film.

Den Nicolas Calmes aktivéiert säi Radar a faasst zesummen, wat dës Woch kulturell lass ass am Ländchen.

Den Embellie-Festival am Neimënster 2. Deel:

Net nëmmen d’Performerin Clio Van Aerde, mee och de Performer Mike Bourscheid, gebiertegen Escher a Wal-Kanadier, huet sech an de leschte Jore mat de sougenannten Tâches ménagères beschäftegt. An zwar fir um Enn e Kuerzfilm ze dréien, an deem Biischten, Hoer an aner Objeten d’Haaptroll iwwerholl haten. Bei Embellie invitéiert hien op eng Lektür-Performance, eng märchenhaft hoereg Affär, wéi d’Kerstin Thalau gewuer gouf.

D’Wieder weess alt nees net wierklech, wat et wëllt, mee d’Konscht awer. An dowéinst invitéiert d’Ekipp vum Neimënster dëse Sonndeg op hiren neie Festival L’embellie. Do geet et net einfach just ëm Opklärung oder Verbesserung, nee: do sollt Dir Geleeënheet kréien, d’Kreatioun vu muer ze entdecken, Konscht bei där alles méiglech ass, respektiv gëtt. Hanner quasi all Neimënster-Dier erwaarden Iech den 1. Juni Musiker:innen, bildend Kënschtler:inne, Dänzer:innen, an anerer. Déi meescht vun hinne waren oder sinn an enger Kënschtler:inne-Residenz an der fréierer Abtei a Prisong. Esou zum Beispill d’Clio Van Aerde. D’Kerstin Thalau huet d’Performerin a Bünebildnerin am Gronn besicht.

Den Nicolas Calmes aktivéiert säi Radar a proposéiert Iech eng Rei Kulturevenementer fir dëse Weekend.

Wat géif geschéien, wa 5 normal Mënschen op eemol Superkräften hätten? Dat ass d'Fro, déi an dëser TV-Serie am Mëttelpunkt steet.

Glass for Two ass den Titel vum Concert, deen de Vibraphonist Pascal Schumacher zesumme mat der Pianistin Danae Dörken den 1. Juni um 5 Auer an der Loretto Kapell zu Klierf gëtt. Um Programm sti Stécker aus hirem leschten Album Glass Two, deen als Hommage un de Komponist Philipp Glass geduecht ass. Wat huet de Rond-Point bei der Luxexpo mam Philipp Glass ze dinn? Wat ass eigentlech e Rework a wéi eng gemeinsam musekalesch Sprooch deelt de Schumacher mam Glass? Ënner anerem dat, verréit hien am Gespréich mam Marie Trussart, an och firwat den amerikanesche Komponist hien esou faszinéiert.