Mannlegi þátturinn

Það er ekki einfalt að búa í landi íslensku krónunnar. Flest fólk þarf að taka húsnæðislán, krónan veikist og krónan styrkist, það er verðbólga,verðtrygging og já það er ýmislegt sem hefur áhrif á afkomu okkar og nú bíða allir eftir næstu með stýrivaxtaákvörðun Seðlabankans. Björn Berg fjármálaráðgjafi kom til okkar í spjall í dag.

Það er draumur margra íslendinga að búa erlendis og í dag búa um 50 þúsund manns eða um 13 prósent þjóðarinnar á erlendri grundu.Og það er ekki bara veðurfarið sem heillar því verðlag á húsnæði,mat og drykk vegur þungt.

Jóhann Hlíðar Harðarsson blaðamaður, fréttamaður, þýðandi og túlkur ofl. hefur verið búsettur á Spáni í nokkur ár og hefur stundum á samfélagsmiðlum og í pistlum verið að bera saman daglega lífið þar við hið íslenska. Við heyrðum í honum í dag.

Tónlist frá útsendingarlogg 2024-03-15

Hjálmar - Það sýnir sig.

Hljómar - Peningar.

Walker Brothers, The - The sun ain't gonna shine anymore.

Sigurður Flosason - Til þín með sólina í bakið.

Við fræddumst í dag um ráðstefnuna Áföll og endurhæfing sem Félag sjúkraþjálfara stendur fyrir á morgun. Ráðstefnan er þverfagleg og er hugsuð fyrir heilbrigðisstarfsfólk og annað áhugafólk um endurhæfingu fólks með áfallasögu. Þar verða til dæmis flutt erindi um áhrif áfalla á miðtaugakerfið, heilsufarslegum afleiðingum og bata í kjölfar alvarlegra áfalla, samkenndarþreytu, langtímaafleiðingum áfalla og streitu og fleira. Hrefna Indriðadóttir sjúkraþjálfari kom í þáttinn í dag og sagði okkur frá ráðstefnunni og með henni kom Margrét Gunnarsdóttir sjúkraþjálfari en hún heldur erindi um líkamsmiðaða áfallameðferð og birtingamynd flókinna áfalla á ráðstefnunni.

Atli Dagur Sigurðarsson útskrifaðist úr hjúkrunarfræði árið 2021, en á meðan á náminu stóð vakti hann athygli með nokkrum færslum á samfélagsmiðlum þar sem hann lýsti starfinu og kaupum og kjörum sem væru í engu samræmi við ábyrgðina og einnig vakti hann athygli á að það vantar fleiri karlmenn í stéttina. Við töluðum við Atla Dag í þættinum.

Við fengum svo póstkort frá Magnúsi R. Einarssyni í dag. Í þessu póstkorti segir Magnús frá reynslu sinni af flugstöðvum, en honum finnst þær leiðinlegri, erfiðari og dýrari nú en áður. Hann segir líka frá vangaveltum sínum um hverjum nýjasta söngstjarna okkar íslendinga, Laufey Lín, líkist tónlistarlega, en henni hefur verið líkt við stórstjörnur jazzins. Magnús er á annarri skoðun. Hann er núna staddur í pólsku borginni Kraká og rifjar upp eina þekktustu þjóðsögu pólverja, en sagan á að hafa gerst í borginni og fjallar um græðgi.

Tónlist í þættinum:

Angelía / Vilhjálmur Vilhjálmsson (W. Meisel og Theódór Einarsson)

Everybody’s talkin’ / Harry Nilson (Fred Neil)

Vegbúi / Una Torfad. Og Elín Hall (Kristján Kristjánsson)

Móðir mín / Ingibjörg Þorbergs og hljómsveit Carls Billich (Winkler og Þorsteinn Sveinsson)

UMSJÓN: GUNNAR HANSSON OG GUÐRÚN GUNNARSDÓTTIR

15. mars er alþjóðlegur dagur svefns, eða World sleep day og er hann lokadagur Sleep Awareness Við kynntumst af því tilefni nýju smáforriti, sem er gefið út af Betri svefni, þetta er svefnsnjallforrit og það er það fyrsta sinnar tegundar í heiminum, en það er eingöngu fyrir konur. SheSleep heitir það. Forritið gerir konum kleift að kortleggja eigið svefnmynstur, sækjar sér meðferð við svefnvanda í gegnum forritið, fylgjast með tíðahring sínum og áhrifum hormóna á svefn og fleira. Dr. Erla Björnsdóttir, sálfræðingur og framkvæmdastjóri Betri svefns kom í þáttinn og sagði okkur betur frá þessu snjallforriti í dag.

Hver vill starfrækja Parísarhjól við Reykjavíkurhöfn? Reykjavíkurborg auglýsir eftir samstarfsaðila til að reka parísarhjól á Miðbakkanum og er það hugsað sem spennandi viðbót við fjölbreytt borgarlíf. Parísarhjólið verður opið yfir sumartímann og í auglýsingu eru gerðar kröfur um parísarhjólið og annar búnaður þoli íslenskar aðstæður þ.m.t. vindálag og jarðhræringar. Við forvitnuðumst um þetta í þættinum, enn er hægt að sækja um því áhugasamir aðilar hafa frest til 22. mars að senda inn tillögur. Kamma Thordarson, verkefnastjóri við atvinnu- og borgarþróun á skrifstofu borgarstjóra og borgarritara, hefur haldið utan um þetta ferli og svaraði spurningum okkar í dag.

Svo kom Einar Sveinbjörnsson veðurfræðingur til okkar í veðurspjallið. Í þetta skipti sagði hann okkur frá spá um kuldakast upp úr næstu helgi og aðdraganda þess. Hann sagði svo frá miklum vetrarhita víða um norðurhvel í vetur og setti það í samhengi við lofslagsbreytingarnar. Í lokin minntist hann svo á öra lengingu dagsbirtunnar um þessar mundir og hvað vaxandi varmi nýtist illa á landi en vel í sjónum, en þar er þörungablóminn að fara af stað, t.d á Faxaflóa.

Tónlist í þættinum:

Eldar minninganna / Einar Hólm (Mason, Carr og Benedikt Axelsson)

Puppet on a String / Sandie Shaw (Bill Martin & Phil Coulter)

I Love Paris / Ella Fitzgerald (Cole Porter)

Paris in the Spring / Jo Basile og félagar (Harry Revel & Jerome Kern)

UMSJÓN: GUNNAR HANSSON OG GUÐRÚN GUNNARSDÓTTIR

Ellen Calmon var ráðin verkefnisstýra Húsnæðisteymis Grindavíkurbæjar sl.desember en verkefnið var áætlað í 6 mánuði. Í upphafi snerist vinnan um að koma fólki í bráðabirgðarskjól en nú er verið að vinna að varanlegri lausnum í húsnæðismálunum. Ellen og hennar teymi hefur það verk með höndum að halda utan um og aðstoða það fólk sem er húsnæðislaust. Ellen kom til okkar í dag og fór með okkur yfir stöðuna.

Við fengum svo vinkil frá Guðjóni Helga Ólafssyni, í þetta sinn fjallaði vinkillinn um ótímabæra framkvæmdagleði á svikavori, en líka um ábrysti og hvernig þeir eru hanteraðir. Þá er fjallað um óhefðbundnar aðferðir við að vinna ýmis verk og hvernig sumar þeirra eiga uppruna sinn á einum stað og einni stundu auk þess sem nefnd eru ýmis dæmi um slíkt; en sum hver lýsa rósrauðum bjarma fortíðar og eru ekki til eftirbreytni í nútímanum.

Svo var það lesandi vikunnar, í þetta sinn var það Sunna Kristín Hilmarsdóttir verkefnastjóri hjá samskiptasviði Háskólans í Reykjavík. Við fengum að vita hvaða bækur hún hefur verið að lesa undanfarið og hvaða bækur og höfundar hafa haft mest áhrif á hana í gegnum tíðina. Sunna talaði um eftirfarandi bækur og höfunda:

I am Glad My Mom Died e. Jennette McCurdy

Tól e. Kristínu Eiríksdóttur

Þagnarbindindi e. Höllu Þórlaugu Óskarsdóttur

Kláði e. Fríðu Ísberg

svo talaði hún um Guðrúnu Evu Mínervudóttur

Tónlist í þættinum:

Daydream / Doris Day (John Sebastian)

Answer me, my love / Silva Þórðardóttir og Steingrímur Karl Teague (Gerhard Winkler, Fred Rauch og Carl Sigman)

Lazy Sunday / Small Faces (Lane & Marriot)

UMSJÓN: GUNNAR HANSSON OG GUÐRÚN GUNNARSDÓTTIR

Föstudagsgestur Mannlega þáttarins í þetta sinn var fjölmiðlamaðurinn Sindri Sindrason. Hann hefur unnið allan sinn feril á Stöð 2, í fréttunum, margvíslegri þáttagerð og á 35 ára afmælisdeginum rættist ósk sem hafði fylgt honum frá því hann var mjög ungur, hann fékk að vera aðallesari í kvöldfréttunum og það hefur hann verið síðan. Við fórum með Sindra aftur í tímann, á æskuslóðirnar, til Austur-Evrópu og svo á handahlaupum í gegnum lífið til dagsins í dag.

Svo var það matarspjallið. Sigurlaug Margrét, besti vinur bragðlaukanna, fór í óvissuferð á Food and fun hátíðinni sem hófst í gærkvöldi og við fengum að heyra af því í spjalli dagsins.

Tónlist í þættinum:

Easy on me / Adele (Adele Adkins & Greg Kurstin)

Hold On / Noah Reid (Noah Reid)

UMSJÓN: GUNNAR HANSSON OG GUÐRÚN GUNNARSDÓTTIR

Við rákum augun í grein á visir.is, afskaplega áhrifaríka og fallega sögu þar sem ung kona, Fanney Ýr Gunnlaugsdóttir, fann blóðmóður sína í gegnum lygilega atburðarás. Fanney var ættleidd frá Sri Lanka til Íslands sem ungabarn árið 1985. Fanney ólst upp á Akranesi og býr þar enn ásamt eiginmanni og börnum. Foreldrar hennar töluðu alltaf mjög opið um ættleiðinguna og það var aldrei neitt feimnismál að ræða allar þær spurningar sem hún hafði um uppruna sinn og þau voru að auki með upplýsingar sem hún mátti skoða, fæðingarvottorð og heilsufarsupplýsingar sem fylgdu með henni í ættleiðingunni. Með aldrinum fóru spurningar og áhugi um fortíð hennar að aukast, til dæmis í sambandi við blóðmóður hennar og jafnvel að ná sambandi við hana. Þegar Fanney svo horfði á sjónvarpsþættina Leitin að upprunanum í umsjón Sigrúnar Óskar Kristjánsdóttur á Stöð 2 þá kviknaði á einhverju hjá henni sem setti af stað atburðarrásina sem við nefndum í upphafi sem leiddi til þess að hún fann blóðmóður sína. Fanney Ýr kom til okkar í dag og sagði okkur sína sögu í þættinum í dag.

Svo kom Ólafur Wallevik, prófessor í iðn- og tæknifræði við Háskólann í Reykjavík, til okkar og fræddi okkur um það að lofta út, en hann segir að Íslendingar kunni það ekki jafn vel og margar aðrar þjóðir. Ef það er ekki vel gert þá geti það valdið rakaskemmdum og skaðlegu innilofti. Ólafur fræddi okkur um mikilvægi þess að lofta rétt út í þætti dagsins.

Tónlist í þættinum:

Við erum eins / Halli Reynis (Haraldur Reynisson)

Knowing me knowing you/Kristjana Stefánsdóttir (Björn Ulveas og Benny Abba)

Saturday Sun / Nick Drake (Nick Drake)

Arndís Jóhannsdóttir lærði söðlasmíði í London og vann við söðlasmíði og í dag hefur hún unnið margs konar vörur, veski, töskur og fleira úr flestum tegundum fiskroðs sem hún hefur sýnt á hátíðum og sýningum víða í Evrópu. Við fræddumst um roð og söðla með Arndísi í dag en hún heldur erindi í kvöld ásamt Katrínu Þorvaldsdóttur, sem hefur unnið lengi með þang og þara, í Sjóminjasafninu í Grandagarði.

Af og til kemur Jónatan Garðarsson í heimsókn til okkar og segir okkur frá gömlum dægurlagaperlum eða flytjendum. Jónatan er eins og uppflettirit í sögu íslenskrar dægurtónlistar og í dag fengum við hann til að tala aðeins um Berta Möller. Berti Möller var einn af ástsælustu söngvurum rokkáranna á Íslandi en hann söng með fjölmörgum sveitum á ferli sínum, sú þekktasta var Lúdó sextett. Bertram Henry Möller, skírður Bertam Henry Mallet, fæddist 1947 í Reykjavík en þar ólst hann upp í Vesturbænum.

Vinaverkefni Rauða krossins eru félagsleg þátttökuverkefni þar sem áherslan er á að sporna við félagslegri einangrun og/eða einmanaleika og eitt af þeim er sjálfboðaliðastarfið Hundavinir. Í næstu viku fer fram grunnmat fyrir hunda og nýja sjálfboðaliða í vinaverkefnið en hlutverk hundavina er því fyrst og fremst að veita félagsskap, nærveru og hlýju. Sjálfboðaliðinn Þórdís Björg Björgvinsdóttir kom í þáttinn í dag ásamt hundinum Nölu.

Tónlist í þættinum:

Ókeypis/ Egill Ólafsson og Finnsk-íslenska vetrarbandalagið (Egill Ólafsson og Matti Kallio)

Sólbrúnir vangar / Berti Möller (Oddgeir Kristjánsson og Ási í bæ)

Pep / Berti Möller og Hljómsveit Svavars Gests (Oliver Guðmundsson og Skapti Sigþórsson)

The Doggie in the window / Patti Page (Bob Merrill)

UMSJÓN: GUNNAR HANSSON OG GUÐRÚN GUNNARSDÓTTIR

Við forvitnuðumst í dag um nýja próteingjafa á borð við skordýr og örþörunga, en markmiðið með því að nýta þá er að minnka umhverfisáhrif, draga úr sóun, vatnsnotkun og kolefnisspori í framleiðslu á matvörum fyrir fólk og fóðri fyrir dýr. Margrét Geirsdóttir, matvælafræðingur og verkefnastjóri hjá Matís, kemur í þáttinn og sagði okkur frá því hver þróunin er í þessum málum, meðal annars frá framleiðslu og nýtingu á skordýrapróteini, einfrumupróteini og örþörungum.

Marche hérað er eitt best geymda leyndarmál Ítalíu segja margir. Þetta rólega og strjálbýla hérað liggur á milli Adríahafsins og öllu þekktari eru nágrannahéruð þess, Toskana og Umbria. Sumir segja að Marche sé eins og Toskana var fyrir 50 árum síðan, hrátt en undurfallegt. Ágústa Sigrún Ágústsdóttir mannauðsstjóri og leiðsögumaður kom til okkar í dag en þetta svæði er í miklu uppáhaldi hjá henni og hún heldur úti ferðasíðunni Flandrr.is.

Tónlist í þættinum:

Háa c / Moses Hightower (Andri Ólafsson, Daníel Friðrik Böðvarsson, Magnús Trygvason Eliassen og Steingrímur Teague)

Ölduslóð / Svavar Knútur (Svavar Knútur)

Scenes from an Italian Restaurant / Billy Joel (Billy Joel)

UMSJÓN: GUNNAR HANSSON OG GUÐRÚN GUNNARSDÓTTIR