បទសម្ភាស by RFI ខេមរភាសា / Khmer

December 12, 2022 នាយឧត្តមសេនីយ៍ មាស វីរិទ្ធ៖ បទល្មើសគ្រឿងញៀនកើនឡើងដោយសារសេដ្ឋកិច្ចរីកចំរើន

សមត្ថកិច្ចកម្ពុជាកាលពីថ្ងៃម្សិលមិញ បានបង្ក្រាប និងរឹបអូសគ្រឿងញៀនប្រភេទមេតំហ្វេតាម៉ីនបានចំនួនជិត១តោន នៅខេត្តព្រះសីហនុ។ គឺជាការបង្ក្រាបគ្រឿងញៀនដ៏ធំលើកទីពីរ បន្ទាប់ពីសមត្ថកិច្ចខេត្តទេសចរណ៍មាត់សមុទ្រមួយនេះ បង្ក្រាបបានបរិមាណប្រហាក់ប្រហែលគ្នាកាលពីខែសីហាកន្លងទៅ។នាយឧត្តមសេនីយ៍ មាស វីរិទ្ធ អគ្គលេខាធិការនៃអគ្គលេខាធិការដ្ឋានអាជ្ញាធរជាតិប្រយុទ្ធប្រឆាំងគ្រឿងញៀននៃក្រសួងមហាផ្ទៃ បានថ្លែងថាករណីជួញដូរគ្រឿងញៀនក្នុងរូបភាពកាន់តែធំទៅៗដូច្នេះ ក៏ព្រោះតែខេត្តព្រះសីហនុមានការរីកចំរើនផ្នែកសេដ្ឋកិច្ច ហើយការជួញដូរគ្រឿងញៀននេះ គឺផ្តោតទៅលើតំបន់ណាដែលមានសេដ្ឋកិច្ចរីកចំរើន ងាយស្រួលនឹងកើបលុយ។ លោកថាគ្រឿងញៀនដែលសមត្ថកិច្ចបង្ក្រាបនិងរឹបអូសបាននៅឆ្នាំ ២០២២នេះ គឺប្រហាក់ប្រហែលនឹងឆ្នាំមុនគឺជាង៥ពាន់គីឡូក្រាម ឬជាង៥តោន។

9 min

December 11, 2022 លោក ហុក សិទ្ធិ៖ ទោះអ្នកចូលរួមតិចជាងលើកមុន តែជាជោគជ័យមួយនៃពិព័រណ៍សៀវភៅកម្ពុជាលើកទី៩

«ពិព័រណ៍សៀវភៅកម្ពុជាលើកទី៩» បានបិទបញ្ចប់នៅល្ងាចថ្ងៃអាទិត្យនេះហើយ ដែលគេប៉ាន់ស្មានថា មានអ្នកចូលរួមប្រមាណ១០ម៉ឺននាក់។ ប៉ុន្តែនេះនៅមានចំនួនតិចជាងកាលពីឆ្នាំ២០១៩នោះទេ ខណៈខកខានពីរឆ្នាំជាប់គ្នាដោយសារកូវីដ១៩។ លោក ហុក សិទ្ធិ នាយកអង្គការស៊ីប៉ា ដែលជាភាគីមួយបង្កើតព្រឹត្តិការណ៍នេះឡើង នៅតែយល់ថា ពលរដ្ឋខ្មែរនៅមានការចាប់អារម្មណ៍ច្រើនពីការតាំងពិព័រណ៍សៀវភៅ។ តែបើធៀបនឹងប្រទេសក្នុងតំបន់លោកថាអត្រាអ្នកអានសៀវភៅនៅតិចនៅឡើយ។ ជាប្រធានសមាគមបណ្ណារក្សផង លោក សិទ្ធិ លើកឡើងថា សូមកុំយល់ច្រឡំថា ការអានសៀវភៅមានតែជនបរទេសនោះ ពោលការអានសៀវភៅគឺធ្វើឲ្យយើងរីកចម្រើនទាំងអស់គ្នា។

12 min

December 11, 2022 លោក សំហេង បុរស៖ ការផ្តល់ជំនួយសាច់ប្រាក់ដល់ប្រជាពលរដ្ឋ បានធ្វើឡើងដោយតម្លាភាព មិនមានបក្សពួក

ភ្ញៀវប្រចាំថ្ងៃរបស់វិទ្យុយើងនារាត្រីនេះ គឺលោក សំហេង បុរស រដ្ឋមន្ត្រីប្រតិភូអមនាយករដ្ឋមន្ត្រី និងជារដ្ឋលេខាធិការក្រសួងសង្គមកិច្ច អតីតយុទ្ធជន និងយុវនីតិសម្បទា។ រដ្ឋាភិបាលបានដាក់ឲ្យដំណើរការផ្តល់ជំនួយសាច់ប្រាក់ដល់ប្រជាពលរដ្ឋដែលរងសម្ពាធអតិផរណា ឬទំនិញទីផ្សារឡើងថ្លៃ។ លោក សំហេង បុរស បញ្ជាក់ថា រដ្ឋនឹងចាយទឹកប្រាក់ចំនួន៣១លានដុល្លារ ដើម្បីជួយពលរដ្ឋជាង១លាននាក់ ដែលរងផលប៉ះពាល់ពីវិបត្តិទំនិញឡើងថ្លៃនេះ។ បើតាមលោក សំហេង បុរស ការផ្តល់ជំនួយសាច់ប្រាក់ជូនពលរដ្ឋ គឺធ្វើឡើងដោយតម្លាភាព មិនមានបក្សពួកមេឃុំ-ចៅសង្កាត់។

14 min

December 09, 2022 លោក ឌិត ទីណា៖ កំណែទម្រង់វិស័យកសិកម្មត្រូវធ្វើទាំងអស់គ្នា ហើយនិយាយស្តាប់គ្នាបាន!

ក្រសួងកសិកម្ម រុក្ខាប្រម៉ាញ់ និងនេសាទ កាលពីថ្ងៃអង្គារ បានរៀបចំការសំណេះសំណាលមួយជាមួយនឹងអ្នកសារព័ត៌មាន ដើម្បីជជែកពីការធ្វើកំណែទម្រង់វិស័យកសិកម្ម និងការដោះស្រាយបញ្ហាប្រឈមរបស់ប្រជាកសិករ។ ឆ្លើយទៅនឹងសំណួរលោក ជួប នរក្សា នៃវិទ្យុបារាំងអន្តរជាតិ ទៅលើបញ្ហាតម្លៃស្រូវធ្លាក់ចុះ លោក ឌិត ទីណា រដ្ឋមន្ត្រីក្រសួងកសិកម្ម អះអាងថា កំពុងតែអន្តរាគមន៍ និងរកឃើញឫសគឹល ដើម្បីដោះស្រាយ។ បើតាមលោក ឌិត ទីណា បញ្ហាវិស័យកសិកម្មត្រូវធ្វើកំណែទម្រង់ច្រើន ហើយកំណែទម្រង់វិស័យកសិកម្មត្រូវធ្វើទាំងអស់គ្នា និងនិយាយគ្នាស្តាប់បាន។

9 min

December 08, 2022 លោក សោម សូរីដា៖ ការលុបឈ្មោះអ្នកបោះឆ្នោតពីឃុំ-សង្កាត់ចាស់ ហើយផ្ទេរចូលឃុំ-សង្កាត់ថ្មីស្ទើរតែសមាមាត្រគ្នា

នៅថ្ងៃទី០៨ ខែធ្នូនេះ គឺជាថ្ងៃចុងក្រោយនៃការពិនិត្យបញ្ជីឈ្មោះ និងការចុះឈ្មោះបោះឆ្នោតសម្រាប់ឆ្នាំ២០២២នេះ បន្ទាប់ពីគណៈកម្មាធិការជាតិរៀបចំការបោះឆ្នោត(គ.ជ.ប)ដំណើរការការងារនេះអស់រយៈពេល៥០ថ្ងៃកន្លងទៅ។ លោក សោម សូរីដា អគ្គលេខាធិការរង និងជាអ្នកនាំពាក្យ គ.ជ.ប បានថ្លែងថាដំណើរការចុះឈ្មោះបោះឆ្នោត និងការពិនិត្យបញ្ជីឈ្មោះបោះឆ្នោត បានប្រព្រឹត្តទៅដោយរលូន ខណៈដែលអ្នកចុះឈ្មោះបោះឆ្នោតមានចំនួនប្រមាណ៥៨ម៉ឺននាក់ ពោលគឺច្រើនជាងការរំពឹងទុក។ ចំពោះការលុបឈ្មោះអ្នកបោះឆ្នោតប្រមាណជាង២៥ម៉ឺននាក់ពីបញ្ជីឈ្មោះបោះឆ្នោតវិញ លោក សោម សូរីដា បញ្ជាក់ថាវាស្ទើរតែសមាមាត្រគ្នារវាងអ្នកដែលត្រូវលុបឈ្មោះបោះឆ្នោតនៅឃុំ-សង្កាត់ចាស់ ហើយទៅចុះឈ្មោះនៅឃុំ-សង្កាត់ថ្មី ដែលមានជាង១៧ម៉ឺននាក់ ដោយមិនទាន់គិតពីអ្នកទទួលមរណភាពនៅឡើយ។

13 min

December 07, 2022 លោក តូច ចាន់នី៖បើបិទមណ្ឌលព្រៃស្ពឺតើយកជនអនាថាទៅដាក់នៅឯណា?

ភ្ញៀវប្រចាំថ្ងៃនៅរាត្រីនេះ គឺលោក តូច ចាន់នី អគ្គនាយកបច្ចេកទេស និងជាអ្នកនាំពាក្យក្រសួងសង្គមកិច្ច។លោកចូលខ្លួនមកឆ្លើយតបនឹងរបាយការណ៍អង្គការលីកាដូដែលស្នើឲ្យរដ្ឋាភិបាលបិទមណ្ឌលព្រៃស្ពឺ។ មណ្ឌលព្រៃស្ពឺ ដែលលីកាដូអះអាងនៅថ្ងៃពុធនេះថា មានស្លាប់មនុស្ស២នាក់ដោយសារការឃុំខ្លួនមិនត្រឹមត្រូវ ខណៈមនុស្ស១០នាក់បានស្លាប់បន្តបន្ទាប់គ្នានៅក្នុងចន្លោះខែកក្កដា និងខែសីហាឆ្នាំ២០២២ ។ប៉ុន្តែ ក្រសួងសង្គមកិច្ចអះអាងថាកំពុងឲ្យមន្ត្រីជំនាញចុះពិនិត្យមើលករណីនេះ តែលោក តូច ចាន់នី ចោទសួរវិញថា បើបិទមណ្ឌលព្រៃស្ពឺតើយកជនអនាថាទៅដាក់នៅឯណា?

13 min

December 06, 2022 ឧកញ៉ា តែ តាំងប៉៖ សហគ្រាសធុនតូចនិងមធ្យម នឹងនៅតែមានការប្រឈមបើមិនទប់ស្កាត់ទំនិញនាំចូល

ក្រសួងសេដ្ឋកិច្ច និងហិរញ្ញវត្ថុ នឹងទម្លាក់ថវិកាចំនួន១០០លាដុល្លារនៅឆ្នាំ២០២៣ ដល់ធនាគារ SME សម្រាប់ផ្តល់កម្ចីដល់សហគ្រាសធុនតូច និងមធ្យម(SME) ដែលវិស័យនេះជាឆ្អឹងខ្នងសេដ្ឋកិច្ចជាតិ។ លោកឧកញ៉ា តែ តាំងប៉ ប្រធានសម្ព័ន្ធសមាគមសហគ្រាសធុនតូច និងមធ្យមកម្ពុជា សម្តែងការសាទរចំពោះអន្តរាគមន៍របស់រដ្ឋាភិបាលតាមរយៈការទំលាក់ទឹកប្រាក់ដល់ធនាគារSME។ ក៏ប៉ុន្តែលោកថា នៅមិនទាន់គ្រប់គ្រាន់ទេ។ ជាមួយគ្នានេះ លោកឧកញ៉ាក៏បានជម្រុញឲ្យសហគ្រាសធុនតូច និងមធ្យមក្នុងស្រុកបង្កើនការផលិត ហើយរដ្ឋត្រូវមានគោលការណ៍ជាក់លាក់ទប់ស្កាត់ទំនិញនាំចូល ចំពោះមុខទំនិញណាដែលកម្ពុជាផលិតបាន ដើម្បីឲ្យវិស័យSME រស់ឡើងវិញក្រោយរងគ្រោះដោយកូវីដ-១៩។

12 min

December 05, 2022 លោក ហង់ជួន ណារ៉ុន៖ ការប្រឡងបាក់ឌុបឆ្នាំនេះគឺតឹងរឹងដូចមុនបរិបទកូវីដ១៩

ភ្ញៀវប្រចាំថ្ងៃនៅរាត្រីនេះ គឺលោក ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា។ លោករដ្ឋមន្ត្រីថ្លែងថា ការប្រឡងបាក់ឌុបឆ្នាំនេះមានភាពរលូន ទោះបីមានបេក្ខជនមួយចំនួនមានបញ្ហាសុខភាព។ បើតាម លោក ហង់ជួន ណារ៉ុន ការប្រឡងបាក់ឌុបឆ្នាំនេះគឺតឹងរឹងដូចមុនបរិបទកូវីដ១៩។ តែលោកពន្យល់ថា ការប្រឡងបាក់ឌុបគឺជាការវាស់ស្ទង់សមត្ថភាពរបស់បេក្ខជនម្នាក់ៗ ពោលមិនជាការកំណត់ជោគវាសនាអនាគតរបស់បុគ្គលនោះទេ។

15 min

December 04, 2022 លោក ជីវ សុងហាក់៖ តុលាការពាណិជ្ជកម្ម ជាតុលាការមាននីតិវិធីពិសេស ក្នុងការជម្រះក្តីចាយពេលខ្លី និងតម្លាភាព

ភ្ញៀវប្រចាំថ្ងៃរបស់វិទ្យុយើងនារាត្រីនេះ គឺលោក ជីវ សុងហាក់ រដ្ឋលេខាធិការក្រសួងយុត្តិធម៌។ ក្រសួងយុត្តិធម៌ កាលពីថ្ងៃទី២៩វិច្ឆិកា បានបើកសិក្ខាសាលាមួយអំពី ការបង្កើតនិងដំណើរការតុលាការពាណិជ្ជកម្មកម្ពុជា ដែលនឹងអាចលេចរូបរាងនៅឆ្នាំ២០២៣ខាងមុខ។ បើទោះជាអាចលេចរូបរាងនៅឆ្នាំ២០២៣ក្តី តែលោក ជីវ សុងហាក់ បញ្ជាក់ថា ដំណើរការរបស់តុលាការពាណិជ្ជកម្មទាំងស្រុង ក្នុងការជំនុំជម្រះក្តី នឹងអាចចាប់ផ្តើមនៅឆ្នាំ២០២៤។ បើតាមលោក ជីវ សុងហាក់ តុលាការពាណិជ្ជកម្ម គឺជាតុលាការមាននីតិវិធីពិសេស ក្នុងការជម្រះវិវាទពាណិជ្ជកម្ម ដោយប្រើប្រាស់ពេលវេលាខ្លី និងធានាបាននូវតម្លាភាព។

12 min

December 03, 2022 លោក សួន សូរីដា ៖ បើលោក កឹម សុខា គ្មានសិទ្ធិធ្វើនយោបាយ ខ្ញុំក៏មិនធ្វើនយោបាយឡើងវិញដែរ

ភ្ញៀវប្រចាំថ្ងៃរបស់យើងនៅរាត្រីនេះ គឺលោក សួន សូរីដា ជាអតីតតំណាងរាស្រ្ត និងសមាជិកអចិន្ត្រៃយ៍នៃអតីតគណបក្សសង្រ្គោះជាតិ។ លោកទើបឈានជើងចូលកម្ពុជាវិញ បន្ទាប់ពីបម្រាម៥ឆ្នាំរបស់តុលាការកំពូលបានអស់សុពលភាពនៅថ្ងៃទី១៧វិច្ឆិកា។ ទោះជាយ៉ាងណា លោកអះអាងថាលោកនឹងមិនធ្វើនយោបាយឡើងវិញទេ ប្រសិនបើលោក កឹម សុខា មិនមានសិទ្ធិធ្វើនយោបាយ ពិសេសការបោះឆ្នោតនៅឆ្នាំ២០២៣។ សម្រាប់លោក សូរីដា ការចាកចេញរបស់អតីតសមាជិកបក្សប្រឆាំងនេះគឺជាសិទ្ធិរបស់ពួកគេតែថា មានផលប៉ះពាល់ខ្លះដល់បរិយាកាសនយោបាយនៅកម្ពុជា។

15 min