Forsætisráðherra segir það undarlegt að bandaríska alríkislögreglan FBI hafi fengið aðstoð íslenskra stjórnvalda án þess að ráðherrar fengju að vita að því. Íslensk stjórnvöld veittu FBI aðstoð í Wikileaks-rannsókninni.

Talið er að á annað hundrað hafi veikst vegna mengaðs drykkjarvatns nærri bænum Asköy norður af Björgvin í Noregi undanfarna daga.

Landsréttur staðfesti í dag dóm yfir karlmanni sem var fundinn sekur um að hafa brotið ítrekað gegn fósturbarnabarni sínu.

Það eru tímamót í Skálholti því nú á fardögum verður mjólkurbúskap hætt þar. Þegar hafa verið seldar fimm kýr og tíu eru falar að sögn síðasta ábúanda í Skálholti.

Í síðari hluta Spegilsins er fjallað um orkudrykkjaæði sem virðist hafa gripið landsmenn, málþóf sem er svo sannarlega ekkert nýtt af nálinni og þess minnst að hálf öld er liðin frá því ein frægasta tónlistarhátíð sögunnar, Woodstock-hátíðin fór fram.

Spegillinn 5. júní.

Vinstrifylkingin í dönskum stjórnmálum fær 90 þingsæti og meirihluta á danska þinginu samkvæmt útgönguspám sem voru birtar eftir að kjörstöðum var lokað klukkan sex.

Ekkert mál hefur verið rætt jafn lengi á Alþingi og þriðji orkupakkinn. Umræðan hefur staðið í nær 137 klukkustundir.

Ekkert samkomulag liggur fyrir um þinglok og forsætisráðherra segir að á meðan það sé raunin sé ekki annað í stöðunni en að halda þingfundi áfram á Alþingi, nægur tími sé fram í september.

Annað árið í röð hækkar fasteignamat á Akranesi um meira en 20 prósent. Forstjóri Þjóðskrár segir fasteignamatið nálgast höfuðborgarsvæðið.

Almannavarnir hafa aflýst óvissustigi vegna virkni í Öræfajökli sem hefur staðið yfir síðan í nóvember 2017.

Undirbúningur er hafinn í félagsmálaráðuneytinu að því að breyta lögum um fjöleignahús til að liðka fyrir rafbílavæðingu.

Leiðtogar minntust þess í dag að 75 ár eru liðin frá innrásinni í Normandí-hérað. Prófessor við Háskóla Íslands telur að atburða sem þessara verði enn minnst með viðhöfn eftir hundrað og fimmtíu ár, verðum við ekki sokkin í sæ.

Umsjón: Arnhildur Hálfdánardóttir

Bílaleigan Procar, sem hefur viðurkennt að hafa átt við kílómetrastöðu bíla, verður ekki svipt starfsleyfi að svo stöddu. Tillögur fyrirtækisins að úrbótum voru taldar fullnægjandi

Átak verður gert í að fjölga hleðslustöðvum fyrir rafbíla út um allt land og stefnt er að því að rafvæða ferðaþjónustuna. Um þriðjungur losunar sem er á ábyrgð stjórnvalda samkvæmt Parísarsamkomulaginu er frá vegasamgöngum.

Hæstiréttur ómerkti í dag dóma í málum tveggja félaga Kristjáns Loftssonar gegn Björgólfi Thor Björgólfssyni.

Enn ríkir mikil spenna í Danmörku þar sem kosið verður á morgun. Lars Løkke Rasmussen forsætisráðherra, bauð í dag óvænt upp á stjórn miðju- og vinstriflokka.

Donald Trump Bandaríkjaforseti segist ekki vilja funda með leiðtoga stjórnarandstöðunnar í Bretlandi. Trump og Theresa May forsætisráðherra Bretlands lofuðu bæði gott samband ríkjanna á blaðamannafundi í dag.

Svokölluð Báramótabrenna verður haldin á Gauknum í Reykjavík í kvöld en þar hyggst Bára Halldórsdóttir eyða Klaustursupptökunni.

Stefnt er að því að um 700 milljónum verði varið til að ýta undir orkuskipti í vegasamgöngum. Fjölga á hraðhleðslustöðvum út um allt land þannig að auðveldara verið að ferðast um landið á rafbílum. Þá verður ráðist í átak til að rafvæða ferðaþjónustuna. Arnar Páll talar við Sigurð Inga Jóhannsson, Þórdísi K0lbrúnu Gylfadóttur Reykfjörð og Sigurð Inga Friðleifsson.

Í íslenskum lögum eru engin fyrirmæli um hvaða gæðakröfur skuli gera til fyrirtækja sem opinberar stofnanir kolefnisjafna sig hjá. Fyrirtækin tvö sem bjóða kolefnisjöfnun á Íslandi hafa ekki á stefnuskránni að sækja sér alþjóðlegar vottanir. Sviðsstjóri hjá Umhverfisstofnun segir mikilvægt að skýra leikreglur.

Arnhildur Hálfdánardóttir talar við Elvu Rakel Jónsdóttur og Sigurð Inga Friðleifsson.

Umsjón Arnar Páll Hauksson

Tæknimaður Marteinn Marteinsson

Forstjóri Samgöngustofu þótti ekki hæfasti umsækjandinn í starfið þegar skipað var í það að nýju. Hann ætlar að krefjast rökstuðnings fyrir niðurstöðu hæfnisnefndar.

Formaður kjarahóps Öryrkjabandalagsins segir að það hafi lítil áhrif á kjör öryrkja að draga úr krónuskerðingu öryrkja um 35%.

Umræða stendur nú yfir á Alþingi um breytta fjármálastefnu ríkisstjórnarinnar. Stjórnarandstaðan gefur efnahagsstjórninni falleinkunn. Ekkert hafi verið hlustað á aðvaranir.

Nýr taugasjúkdómur hefur greinst í hrossum hér á landi. Sjúkdómurinn er algengur annars staðar á Norðurlöndunum en ekki er vitað hvað veldur honum.

Julian Assange, stofnandi Wikileaks, verður ekki framseldur til Svíþjóðar vegna rannsóknar þar á nauðgun.

Donald Trump, forseti Bandaríkjanna, í opinberri heimsókn í Bretlandi. Arnar Páll Hauksson talar við Sigrúnu Davíðsdóttur.

Stjórnmálafræðingur segir að Danski þjóðarflokkurinn sé að einhverju leyti fórnarlamb eigin árangurs. Aðrir flokkar hafi að stórum hluta tekið upp stefnu flokksins í innflytjendamálum. Þingkosningar verða í Danmörku á miðvikudaginn. Arnar Páll Hauksson talar við Eirík Bergmann stjórnmálafræðing.

Hvað eiga Stjórnarráð Íslands, Orkan, Bónus, Þjóðkirkjan, Ikea, Ölgerðin og Bókabíll Borgarbókasafnsins sameiginlegt? Jú, þau hafa kolefnisjafnað starfsemina eða hafa áform um að gera það. Listinn er ekki tæmandi. Kolefnisjöfnun er aftur orðin áberandi í umræðunni. Arnhildur Hálfdánardóttir segir frá og talar við Elvu Rakel Jónsdóttur og Agnesi Kro.

Umsjón Arnar Páll Hauksson

Tæknimaður Marteinn Marteinsson

Spegillinn 31.5.2019

Umsjón: Bergljót Baldursdóttir

Landsréttur sneri í dag við dómi Héraðsdóms Reykjavíkur sem hafði sýknað íslenska ríkið af kröfu Sigríðar Sæland Jónsdóttur í máli um útborgun lífeyris í ársbyrjun 2017. Heildarskerðing hjá öllum ellilífeyrisþegum landsins á því tímabili sem um ræðiar var um fimm milljarðar króna.

Tólf þingmenn breska Íhaldsflokksins sækjast eftir því að taka við leiðtogahlutverkinu af Theresu May forsætisráðherra. Hún lætur af því að viku liðinni.

Hátt í 240 sólarstundir voru í maí í Reykjavík. Þetta er umtalsvert meiri sól en skein á borgarbúa í vætusömum maí í fyrra. Þá voru aðeins 150 sólarstundir. Rætt við Kristínu Björgu Ólafsdóttur. Kristín Sigurðardóttir talaði við hana

Landsréttur mildaði í dag dóm Héraðsdóms Reykjaness yfir Þorsteini Halldórssyni sem var ákærður fyrir ítrekuð kynferðisbrot gegn ungum pilti. Þorsteinn var dæmdur í sjö ára fangelsi í héraðsdómi en Landsréttur mildaði refsinguna niður í fimm og hálft ár.

Þróunarstjóri hjá markaðs- og tæknifyrirtækinu Svartagaldri segir að þörf sé fyrir óháð samtök eða síður hér á landi eins og til eru víða erlendis þar sem fólk er varað við blekkingum. Mjög auðvelt er að breyta bæði rödd fólks og myndum með grervigreind og eina svarið við því sé gagnrýnin hugsun. Bergljót Baldursdóttir ræddi við Þór Matthíasson, þróunarstjóri hjá markaðs- og tæknifyrirtækinu Svartagaldri

Mesta líkur eru nú taldar á því að vinstriflokkarnir sigri í dönsku þingkosningunum og að formaður Sósíaldemókrata verði næsti forsætisráðherra. Kosið verður á miðvikudaginn í næstu viku. Arnar Páll Hauksson ræddi við Sigurð Ólafsson stjórnmálafræðing og framkvæmdastjóra Vestnorræna ráðsins

og svo heyrum við af þráhyggju indverskra kvenna fyrir ljósu hörundi sem á að vera grundvöllur frægðar og frama í lífinu. Pálmi Jónasson tók saman

Stjórnvöld stefna að því að gera Ísland fyrsta land í heimi til að banna dreifingu matvæla sem sýklalyfjaónæmar bakteríur greinast í.

Yfirlögregluþjón segir að bæði Íslendingar og útlendingar tengist skipulagðri glæpastarfsemi sem hefur tengt anga sína hingað til lands

Fjórir stjórnarandstöðuflokkar vilja að innleiðing þriðja orkupakkans verði færð aftast á dagskrá þingsins og flokkarnir semji um mál sem bíða afgreiðslu.

Formaður dómsmálanefndar fulltrúadeildar Bandaríkjaþings segir að þingið verði að bregðast við afbrotum, lygum og öðrum misgjörðum Trumps forseta, þar sem dómsmálaráðuneytið vilji ekki grípa til aðgerða gegn honum.

Skipulagsstofnun gerir ekki athugasemdir við að Árneshreppur auglýsi samþykkt deiliskipulag fyrir undirbúningsrannsóknir vegna Hvalárvirkjunar.

Samningar opinbera starfsmanna hafa verið lausir frá 1. mars. Samningaviðræður standa yfir og óvíst hvenær eða hvernig þeim lyktar. Meginrafa háskólamanna er að lágmarkslaun verði ekki undir 500 þúsund og jafnt framt hafnar BHM alfarið því að samið verði um krónutöluhækkanir. Arnar Páll Hauksson talar við Þórunni Sveinbjarnardóttur formann BHM

Þjóðaröryggisráð stendur fyrir málþingi í haust um falsfréttir, upplýsingaóreiðu og öryggismál á þessu sviði. Forsætisráðherra hyggst láta vinna tillögur um leiðir til að vekja almenning til vitundar um þessa ógn sem steðjar að lýðræðissamfélaginu. Bergljót Baldursdóttir talar við Katrínu Jakobsdóttur forsætisráðherra.

Umsjón Arnar Páll Hauksson.

Tæknimaður Hrafnkell Sigurðsson.

Spegillinn 28.5.2019

Gífurleg hætta er af skipulagðri glæpastarfsemi hér á landi og að náttúruhamförum frátöldum er hún alvarlegasta ógnin við íslenskt samfélag. Þetta er mat greiningardeildar ríkislögreglustjóra.

Einn helsti ráðgjafi og tengdasonur Bandaríkjaforseta er kominn til Miðausturlanda til að kanna grundvöllinn fyrir áætlun forsetans um frið í heimshlutanum. Til stendur að leggja hana fram í sumar.

Forsætisráðherra segir að erfitt verði að ná markmiði ríkisstjórnarinnar um kolefnishlutleysi nema með aðkomu atvinnulífsins. Hún bindur miklar vonir við nýtt samkomulag sem gert var í morgun. Rætt við Katrínu Jakobsdóttur, forsætisráðherra

Gert er ráð fyrir að lofthiti verði yfir meðallagi á norðurheimskautssvæðinu í sumar og minni hafís.

Formaður Miðflokksins vill fresta þriðja orkupakkanum til að fá úr því skorið hvort hann standist stjórnarskrá Noregs. Síðari umræða um orkupakkann stendur enn á Alþingi og er hvergi nærri lokið. Rætt við Sigmund Davíð Gunnlaugsson, formann Miðflokksins

Finnar hafa unnið stríðið gegn falsfréttum, sem gæti skipt sköpum fyrir vestrænt lýðræði. Þetta er mat margra sem hafa kynnt sér aðgerðir þeirra gegn hættu sem fylgir því sem hefur verið kallað upplýsingaröskun. Berlgjót Baldursdóttir ræðir við Elfa Ýr Gylfadóttir, framkvæmdastjóri fjölmiðlanefndar segir að önnur ríki í Evrópu líti nú til Finna eftir ráðgjöf um hvernig eigi að bregðast við falsfréttum og upplýsingaóreiðu. Hún bendir á að Rússar eyði því sem samsvari einum milljarði evra í að hafa áhrif á samfélagsumræðuna á Vesturlöndum en ríki Evrópu aðeins einni milljón evra í að bregðast við því. Ítarleg umfjöllun er um Finna og hvernig þeir hafa tekið á þessum málum á vef CNN.

Engar formlegar viðræður hafa verið boðaðar á milli færeyskra og íslenskra stjórnvalda um hvað tekur við í samskiptum ríkjanna ef Hoyvíkursamningurinn fellur úr gildi um næstu áramót. Davíð Oddsson, þáverandi forsætisráðherra, og Jóhannes Eidesgaard, þáverandi lögmaður Færeyja, undirrituðu samninginn árið 2005, en Færeyingar sögðu honum upp í lok síðasta árs. Bogi Ágústsson, sagði frá

Skýrsla Seðlabankans um neyðarlán Kaupþings skilur eftir spurningar í leit að svörum. Ein þeirra er hvort rétt sé að stofnanir rannsaki sjálfar eigin gerðir. Sigrún Davíðsdóttir sagði frá