Spegillinn 28.5.2019

Gífurleg hætta er af skipulagðri glæpastarfsemi hér á landi og að náttúruhamförum frátöldum er hún alvarlegasta ógnin við íslenskt samfélag. Þetta er mat greiningardeildar ríkislögreglustjóra.

Einn helsti ráðgjafi og tengdasonur Bandaríkjaforseta er kominn til Miðausturlanda til að kanna grundvöllinn fyrir áætlun forsetans um frið í heimshlutanum. Til stendur að leggja hana fram í sumar.

Forsætisráðherra segir að erfitt verði að ná markmiði ríkisstjórnarinnar um kolefnishlutleysi nema með aðkomu atvinnulífsins. Hún bindur miklar vonir við nýtt samkomulag sem gert var í morgun. Rætt við Katrínu Jakobsdóttur, forsætisráðherra

Gert er ráð fyrir að lofthiti verði yfir meðallagi á norðurheimskautssvæðinu í sumar og minni hafís.

Formaður Miðflokksins vill fresta þriðja orkupakkanum til að fá úr því skorið hvort hann standist stjórnarskrá Noregs. Síðari umræða um orkupakkann stendur enn á Alþingi og er hvergi nærri lokið. Rætt við Sigmund Davíð Gunnlaugsson, formann Miðflokksins

Finnar hafa unnið stríðið gegn falsfréttum, sem gæti skipt sköpum fyrir vestrænt lýðræði. Þetta er mat margra sem hafa kynnt sér aðgerðir þeirra gegn hættu sem fylgir því sem hefur verið kallað upplýsingaröskun. Berlgjót Baldursdóttir ræðir við Elfa Ýr Gylfadóttir, framkvæmdastjóri fjölmiðlanefndar segir að önnur ríki í Evrópu líti nú til Finna eftir ráðgjöf um hvernig eigi að bregðast við falsfréttum og upplýsingaóreiðu. Hún bendir á að Rússar eyði því sem samsvari einum milljarði evra í að hafa áhrif á samfélagsumræðuna á Vesturlöndum en ríki Evrópu aðeins einni milljón evra í að bregðast við því. Ítarleg umfjöllun er um Finna og hvernig þeir hafa tekið á þessum málum á vef CNN.

Engar formlegar viðræður hafa verið boðaðar á milli færeyskra og íslenskra stjórnvalda um hvað tekur við í samskiptum ríkjanna ef Hoyvíkursamningurinn fellur úr gildi um næstu áramót. Davíð Oddsson, þáverandi forsætisráðherra, og Jóhannes Eidesgaard, þáverandi lögmaður Færeyja, undirrituðu samninginn árið 2005, en Færeyingar sögðu honum upp í lok síðasta árs. Bogi Ágústsson, sagði frá

Skýrsla Seðlabankans um neyðarlán Kaupþings skilur eftir spurningar í leit að svörum. Ein þeirra er hvort rétt sé að stofnanir rannsaki sjálfar eigin gerðir. Sigrún Davíðsdóttir sagði frá

Seðlabankastjóri segir að eftir á að hyggja hafi ákvörðun um neyðarlán til Kaupþings verið röng. Þetta kemur fram í nýrri skýrslu um lánveitinguna sem var kynnt í dag.

Svokölluð upplýsingaröskun og samfélagsmiðlar gera það að verkum að meiri sundrung verður í samfélaginu. Þetta hefur gerst í Bandaríkjunum og nú einnig í Evrópu eins og sjá má eftir Evrópuþingskosningarnar.

Forsætisráðherra segir margt rangt á flugi í umræðunni um þriðja orkupakkann, staðreyndin sé að hann feli ekki í sér afsal yfir orkumálum eða lagningu sæstrengs.

Meginkrafa háskólamanna er að mánaðarlaun verði ekki lægri en 500 þúsund krónur. Þeir hafna krónutöluhækkun launa.

Valdamesti stjórnmálamaður Rúmeníu var í dag dæmdur í þriggja og hálfs árs fangelsi fyrir fjársvik. Hann beitti sér fyrir lagabreytingum til þess að spilltir stjórnmálamenn gætu sloppið við refsingu.

Vegagerðin hefur náð samkomulagi við pólsku skipasmíðastöðina Crist um afhendingu nýs Herjólfs.

Elfa Ýr Gylfadóttir framkvæmdastjóri Fjölmiðlanefndar segir að falsfréttir og upplýsingaröskun á samfélagsmiðlum ýti undir klofning í samfélaginu. Vísbendingar séu um það í nýafstöðnum Evrópukosningum. Bergljót Baldursdóttir talar við Elfu Ýr.

Kjósendur, einkum ungt fólk í Bretlandi, hafnar báðum stóru flokkunum í Evrópukosningunum. Brexitflokkur Nigel Farage sópar til sín fylgi Ukip-flokksins, sem hann yfirgaf. Bæði frjálslyndir demókratar og græningjar, andsnúnir útgöngu Breta úr Evrópusambandinu, stórjuku fylgi sitt. Kjörsókn jókst óvænt, ekki síst vegna áhuga ungra kjósenda. Allt þetta mun óhjákvæmilega hafa áhrif á hver verður næsti leiðtogi Íhaldsflokksins og pólitísku framvinduna almennt. Sigrún Davíðsdóttir.

Samkvæmt skoðanakönnun sem samgöngufélagið gerði virðist meirihluti fyrir því að innheimt verið gjald fyrir að aka á nagladekkjum. Í umferðalagafrumvarpi samgönguráðherra sem nú liggur fyrir Alþingi er ekki kveðið á um slíka gjaldheimtu þó að það hafi verið gert í upphaflegum drögu. Rætt við

Enees Rauf, verkefnisstjóra hjá Óslóarborg og Jónas Guðmundsson formann Samgöngufélagsins.

Umsjón Arnar Páll Hauksson

Tæknimaður Jón Þór Helgason

Spegillinn 24.05.2019 Umsjón: Bergljót Baldursdóttir

Fjörtíu millörðum króna munar á heildarafkomu ríkissjóðs til hins verra frá nýjustu hagspá til þeirrar sem fjármálaáætlun var byggð á. Fjármálaráðherra ætlar að leggja til við Alþingi að fjármálastefnu verði breytt. Rætt við Bjarna Benediktsson, forsætisráðherra

Icelandair þarf að fella niður ríflega tvöhundruð brottfarir frá Keflavíkurflugvelli á tveimur mánuðum vegna MAX-8 þotanna sem fara líklega ekki í loftið fyrr en í haust. Rætt við Boga Nils Bogason, forstjóra Icelandair Group.

Samtök kínverskra flugfélaga ætla að veita fyrirtækjunum aðstoð við að krefja Boeing-flugvélasmiðjurnar um bætur vegna 737 MAX 8-þotanna sem hafa verið kyrrsettar síðan um miðjan mars. Tapið nemur tugmilljörðum króna.

Svartolía verður bönnuð í íslenskri landhelgi um næstu áramót. Umhverfisráðherra segir þetta stóran áfanga og að Ísland sé nú meðal þjóða sem ganga lengst í að draga úr notkun svartolíu. Arnar Páll Hauksson ræðir við Guðmund Inga Guðbrandsson

Eliza Reid forsetafrú segir að hægt sé að kenna fólki bætt samskipti við þá sem eru með heilabilun. Hún var á ráðstefnu um alzheimers-sjúkdóminn í konungshöllinni í Stokkhólmi, ásamt drottningum, prinsessum og forsetafrúm. Við heyrum meira um ráðstefnuna og alzheimers-buffið hans Guðna síðar í Speglinum. Bergljót Baldursdóttir ræddi við Elízu

Og Tommy á hálfrar aldar afmæli. Við segjum frá rokkóperunni Tommy í Speglinum - meistaraverki hljómsveitarinnar Who. Kristján Sigurjónsson sagði frá

Stjórnvöld hafa til skoðunar hvernig eftirliti Póst- og fjarskiptastofnunar með fjárhagsstöðu Íslandspósts hefur verið háttað á undanförnum árum. Samgönguráðuneytið spyr hvassra spurninga í bréfum til stofnunarinnar.

Þingmaður Miðflokksins segist ánægður með úrskurð Persónuverndar í Klausturmálinu. Siðanefnd Alþingis hefur fengið málið til umfjöllunar frá forsætisnefnd.

Hagvaxtarauki sem kveðið er á um í lífskjarasamningnum gæti komið til greiðslu á næsta ári og því þarnæsta að mati Alþýðusambands Íslands.

Fimm hundruð gervisíður á Facebook, sem voru notaðar til að dreifa fölskum upplýsingum til milljóna manna í Evrópu til að hafa áhrif á Evrópuþingskosningarnar, hafa verið afhjúpaðar. Facebook hefur tekið sumar þeirra niður. Framkvæmdastjóri Fjölmiðlanefndar segir að ýmsar aðgerðir séu til að sporna við þessu.

Leiðtogi Demókrata á Bandaríkjaþingi telur óvarlegt að stefna Bandaríkjaforseta vegna embættisbrota. Slíkt geti aukið á sundurlyndi meðal þjóðarinnar.

Fyrirtækið Avaaz sem sérhæfir sig í markaðssetningu á netinu hefur afhjúpað 500 gervisíður á Facebook sem notaðar voru til að breiða út falskar fréttir og hatursorðræðu hægriöfgamanna í Evrópu. Markmiðið með þeim var að hafa áhrif á kosningar til Evrópuþingsins sem hefjast í dag. Elfa Ýr Gylfadóttir framkvæmdastjóri Fjölmiðlanefndar segir að ýmsar aðgerðir hafi verið skipulagðar til að draga úr áhrifum falsfrétta en oft sé mjög erfitt að eiga við þær. Bergljót Baldursdóttir talaði við Wlfu ÝR.

Rasmus Paludan er dæmdur eltihrellir og að margra mati hreinn og klár fasisti. Hann vill banna íslamstrú og reka alla innflytjendur úr landi. Kannanir sýna að nýr flokkur hans fær fimm þingmenn í kosningunum í Danmörku. Paludan er leiðtogi annars af tveimur nýjum flokkum sem eru hægra megin við Danska þjóðarflokkinn sem tapar stórt á kostnað þeirra. Pálmi Jónasson segir frá.

Stóran hluta plastmengunar í heimshöfunum má rekja til þess fatnaðar sem við göngum í. Árlega er talið að um 500 þúsund tonn af örtrefjum úr fatnaði renni til sjávar á ári. Finnsk uppfinning gæti leyst þennan vanda. Hún felst í því að framleiða föt úr trjám. Arnar Páll Hauksson segir frá.

Félagsmálaráðherra segir að stjórnvöld hafi ekki sinnt málum barna nægilega vel á undanförnum árum. Hann boðar aðgerðir vegna upplýsinga sem koma fram í samantekt UNICEF um ofbeldi gegn börnum á Íslandi.

Framkvæmdastjóri Samtaka atvinnulífsins segir að vaxtalækkun Seðlabankans sé risastórt skref í rétta átt. Formaður VR segir að vaxtalækkunin sé ánægjulegt skref.

Arnar Páll Hauksson talar við Halldór Benjamín Þorbergsson og Ragnar Þór Ingólfsson.

Hrun virðist vera byrjað á ákveðnum hlutum Suðurskautsjökulsins og rýrnun Grænlandsjökuls fer hraðvaxandi. Vísindamenn telja að sjávarborð geti hækkað mun meira en spáð hefur verið. Bergljót Baldursdóttir talar við Tómas Jóhannesson fagstjóra á sviði jöklafræði hjá Veðurstofu Íslands síðar.

Öll framkvæmdaleyfi Landsnets vegna Kröflulínu þrjú eru í höfn. Hefja á framkvæmdir á næstu dögum.

Milliríkjadeila er brostin á milli Kanadamanna og Filippseyinga vegna nokkurra tuga ruslagáma. Forseti Filippseyja hótar að láta henda þeim í hafið í kanadískri lögsögu, neiti Kanadamenn að taka við þeim.

Í Speglinum var talað við Sigrúnu Davíðsdóttur um réttarhöld í París vegna Landsbankans í Lúxemborg.

Umsjón Arnar Páll Hauksson

Tæknimaður magnús Þorsteinn Magnússon

Spegillinn 21.05.2019

Umsjón: Pálmi Jónasson

Rafiðnaðarsambandið samþykkti nýgerðan kjarasamning mjög nauðmlega.

Síðari umræða um þriðja orkupakkann stendur enn á Alþingi.

Forseti Alþingis segir að Björn Leví Gunnarsson, þingmaður Pírata, hafi misnotað dagskrárliðinn störf þingsins með því að fara mjög ósæmilegum orðum um Ásmund Friðriksson

Hertri löggjöf um þungunarrof var mótmælt víða í Bandaríkjunum í dag. Á þriðja tug ríkja hafa annað hvort samþykkt eða tilkynnt um breytingar á lögum sem takmarka rétt til þungunarrofs.

Meira en tuttugu þúsund störf eru í hættu ef British Steel, næst stærsti stálframleiðandi Bretlands, verður gjaldþrota. Verkamannaflokkurinn leggur til að fyrirtækið verði þjóðnýtt.

Það eru sláandi líkindi með íslenska al Thani málinu svokallaða og sakamáli á hendur fyrrum forstjóra Barclaysbankans og þremur öðrum yfirmönnum bankans. En framvinda málanna í löndunum tveimur var mjög ólík. Nýlega kom svo í ljós að yfirmenn í Englandsbanka voru mótfallnir sakamálarannsókn því það gæti stofnað Barclaysbankanum í tvísýnu. Sem þýddi þá að bankar væru hafnir yfir lög og rétt. Sigrún Davíðsdóttir sagðiu frá.

Svartolía mun heyra sögunni til eftir næstu áramót. Þá verður ekki heimilt að nota skipaolíu sem inniheldur meira en 0,5% af brennisteini. Mörkin núna eru 3,5%. Um 22% af skipaolíu sem seld var 2016 hér á landi var svokölluð svartolía sem inniheldur hátt hlutfall af brennisteini. Arnar Páll Hauksson segir frá og talar við Guðberg Rúnarsson.

Þið hafið sennilega ekki tekið eftir því þegar þið stiguð á baðvigtina í morgun en síðan í gær eru kílóin ekki þau sömu. Járnklumpnum í París sem kílóin og þar með þyngd okkar er miðuð við var þá endanlega skipt út fyrir nýjan stuðul. Jón Björgvinsson segir frá og talar við Þorstein Viljjálmsson, prófessor í eðlisfræði.

Spegillinn 20.05.2019

Umsjón: Pálmi Jónasson

Viðbrögð við aðgerðum Hatara í Söngvakeppni evrópskra sjónvarpsstöðva voru sterk vegna þess að Ísraelar vilja ekki vekja athygli fólks, og allra síst almennings í Ísrael, á málefnum Palestínumanna. Þetta segir prófessor í sögu Mið-Austurlanda.

Einkareknir fjölmiðlar verða efldir með fjárstyrkjum, samkvæmt nýju frumvarpi á Alþingi.

Fækkað verður um sjö þúsund manns hjá Ford bílasmiðjunum bandarísku á næstu vikum. Fækkunin helst í hendur við aukna áhersu á sjálfkeyrandi bíla og rafmagnsbíla.

Formaður Bílstjórafélags Akureyrar óttast að fólk geti ekki framfleytt sér á því að keyra leigubíla ef af nýju frumvarpi um leigubifreiðar verður.

Og ítarlega verður fjallað um Prinsessuna og seiðskrattann.

Magnús Þorkell Bernharðsson, prófessor í sögu Mið-Austurlanda segir að viðbröð við aðgerðum Hatara í Ísrael hafi verið sterk vegna þess að Ísraelar vilji ekki vekja athygli fólks, sérstaklega ekki ísraelsks almennings á málefnum Palestínu. Aðgerðir þeirra séu fyrst og fremst táknrænar. Bergljót Baldursdóttir fjallar um málið.

Þess er krafist að Marta Lovísa Norgegsprinsessa afsali sér titlinum og ekki í fyrsta sinn. Það hafa verið kærastar og álfaskóli. Nú er það nýi kærastinn og fyrirlestraferðin Prinsessan og seiðskrattinn. Nýi kærastinn er umdeildur en vinsæll meðal fræga fólksins, leikkonan Gwyneth Paltrow er einn skjólstæðinga hans. Það er stórfrétt þegar prinsessa eignast nýjan kærasta en þegar kærastinn er særingamaður frá Bandaríkjunum þá fer allt á hliðina. Pálmi Jónasson fjallar um málið.

Brexit hefur ekki hrifið ESB-andstæðinga í öðrum ESB-löndum eins og útgöngusinnar í Bretlandi bjuggust við. En hingað til hafa Evrópuþingkosningar þó sýnt dalandi áhuga kjósenda. Spurning hver framvindan verður í kosningunum í næstu viku. Sigrún Davíðsdóttir fjallar um málið.

Spegillinn 17.5.2017

Umsjón: Bergljót Baldursdóttir

Alþýðusambandið hefur kært íslenska ríkið til eftirlitsstofnunar EFTA. Lögmaður ASÍ segir að nýlegur dómur Evrópudómstólsins hnykki á því að það sé á ábyrgð vinnuveitenda en ekki launafólks að passa að það njóti daglegrar hvíldar og vikulegra frídaga. Kristín Sigurðardóttir ræddi við Magnús M Norðdahl, lögfræðing Alþýðusambandsins.

Bandaríkjaforseti hefur frestað því um hálft ár að ákveða hvort hann leggur 25 prósenta verndartolla á erlenda bíla. Í Evrópu eykur það vonir um að hægt verði að koma í veg fyrir viðskiptastríð við Bandaríkjamenn.

Tveimur farþegum sem voru fastir undir rútu sem valt í Öræfum, var bjargað undan henni með handafli. Formaður björgunarsveitarinnar segir að aðkoman að slysinu hafi verið skelfileg. Kristín Sigurðardóttir ræddi vð Gunnar Sigurjónsson, bónda á Litla-Hofi í Öræfum og formann björgunarsveitarinnar Kára.

Haustið 2020 verður boðið upp á nýtt nám í hjúkrun í Háskóla Íslands fyrir fólk sem lokið hefur öðru háskólanámi. Námið er liður í því að fjölga hjúkrunarfræðingum hér á landi. Bergljót Baldursdóttir ræddi við Herdís Sveinsdóttir, deildarforseti hjúkrunarfræðideildar HÍ og Gunnar Helgason er sviðstjóri kjara- og réttindasviðs Félags íslenskra hjúkrunarfræðinga

Strangar reglur um mengun frá skipum í nokkrum fjörðum í Noregi tóku gildi í byrjun mars. Þær beinast ekki síst að siglingum skemmtiferðaskipa um firðina. Í þessari viku var tilkynnt um fyrstu sektina sem hljóðar upp á 10 milljónir íslenskra króna. Arnar Páll Hausson tók saman

Eitt helsta tákn rokktónlistarinnar, rafmagnsgítarinn, á 70 ára afmæli á þessu ári. Eftir tæpan mánuð verða nokkrir af helstu gíturum rokksögunnar boðnir upp, en það verður tæpast á færi annarra en auðkýfinga að kaupa þá. Haukur Hólm tók saman

Spennan magnast fyrir úrslitum Eurovision annað kvöld. Fyrirtæki auglýsa grímur og gadda og fólk undirbýr Eurovision-partý. Og Eurovision-skilaboð Hatara óma í strætisvögnum á höfuðborgarsvæðinu.

Minnst 4 slösuðust alvarlega í rútuslysi sem varð á Suðurlandsvegi í Öræfum í dag. Aðrir eru minna slasaðir. 32 auk ökumanns voru í rútunni sem valt út af veginum og lagðist á hliðina. Þyrla Landhelgisgæslunnar og dönsk herþyrla hafa flutt slasaða og einnig flugvél Landhelgisgæslunnar og sjúkraflugvél frá Akureyri sem lentu í Skaftafelli. Landspítalinn hefur verið settur á gult viðbúnaðarstig vegna slyssins.

Vegna loftslagsbreytinga má búast við fleiri tjónum af völdum vatnsflóða í nánustu framtíð. Byggingaverkfræðingur hjá Náttúruhamfaratryggingu ríkisins segir mikilvægt að brugðist verði við því.

Ríkið þarf að stytta vinnuviku þeirra hjúkrunarfræðinga sem vinna vaktavinnu og bæta laun þeirra til að gera störfin meira aðlaðandi, segir sviðsstjóri kjara- og réttindasviðs Félags íslenskra hjúkrunarfræðinga. Kjaraviðræður félagsins og ríkisins eru hafnar.

Leiðarahöfundur norska dagblaðsins Fædrelandsvennen segir að Marta Lovísa prinsessa eigi að afsala sér titlinum vegna þess að hún notfæri sér hann í viðskiptatilgangi.

Theresa May lætur að líkindum af embætti forsætisráðherra Bretlands í sumar. Boris Johnson, fyrrverandi utanríkisráðherra, kveðst reiðubúinn að taka við embættinu.

Loftslagsráð stóð í dag fyrir fundi sem bar yfirskriftina. Erum við tilbúin? Aðlögun Íslands að loftslagsbreytingum. Ég veit ekki hvort spurningunni var svarað en ýmsir fluttu erindi um stöðuna. Arnar Páll Hauksson talar við Hrönn Hrafnsdóttur og Fjólu Jóhannesdóttur.

Hjúkrunarfræðingar krefjast þess að laun þeirra verði bætt og hugað verði að vinnutíma og starfsumhverfi til að gera starfið meira aðlaðandi. Þetta segir Gunnar Helgason, sviðstjóri kjara- og réttindasviðs Félags íslenskra hjúkrunarfræðinga. Ef bæta eigi ástandið í heilbrigðiskerfinu verði að bæta kaup og kjör hjúkrunarfræðinga. Bergljót Baldursdóttir talaði við Gunnar Helgason.

Spegillinn 15.05.2019

Umsjónarmaður: Bergljót Baldursdóttir

Tveir þingmenn VG flugu mest þingmanna innanlands og -utan á síðasta ári. Þingmenn fóru í nærri þúsund flugferðir í fyrra, þar af um 600 innanlands.

Öldungadeild ríkisþings Alabama samþykkti í gær lög sem banna þungunarrof á öllum stigum meðgöngu nema líf móður liggi við. Löggjöf um þungunarrof hefur verið hert í mörgum ríkjum Bandaríkjanna á síðustu mánuðum.

Flugmenn American Airlines vöruðu stjórnendur Boeing-flugvélasmiðjanna við því síðastliðið haust að öryggisbúnaður í MAX-þotum væri gallaður. Fundur þeirra með stjórnendunum var hljóðritaður með leynd.

Framkvæmdastjóri hjúkrunar á Landspítala segir að vonast sé til að í kjaraviðræðum hjúkrunarfræðinga og ríkisins sem hófust nýlega verði samið um breytt vinnutímaákvæði og grunnlaun. Spítalinn á ekki aðild að viðræðunum en bundnar eru vonir við að hann verði til þess að betur gangi að manna hann. Bergljót Baldursdóttir ræddi við Sigríði Gunnarsdóttir, framkvæmdastjóra hjúkrunar á Landspítalanum.

Og líka við formann nefndar breska þingsins um heimskautasvæðin sem hefur áhyggjur af hernaðaruppbyggingu Rússa á norðurslóðum og segir hernaðarumsvif þeirra hafa aukist verulega á síðustu tveimur til þremur árum. Bogi Ágústsson ræddi við breska þingmanninn James Gray,

Sigrún Davíðsdóttir sagði frá áhrifum Brexit -glímunnar á breska stjórnmálaflokka.