Spegillinn mánudaginn 24. júní

Umsjón: Kristján Sigurjónsson

Tæknimaður: Mark Eldred

Ástæða er til að hafa áhyggjur af meiri hernaðarumsvifum á norðurslóðum, meðal annars í ljósi þess að Bandaríkjaher áformar uppbyggingu á Keflavíkurflugvelli. Þetta segir Katrín Jakobsdóttir forsætisráðherra.

Embætti ríkislögreglustjóra segir að framganga ríkislögreglustjóra í máli lögreglumannsins sem þrjár stúlkur sökuðu um kynferðisbrot hafi verið lögum samkvæmt.

Vel gengur að hrinda 54 verkefnum árs gamallar byggðaáætlunar í framkvæmd, að mati verkefnastjóra í samgöngu- og sveitarstjórnarráðuneytinu, en tíu verkefni eru þó enn ekki hafin.

Donald Trump, Bandaríkjaforseti, kynnti í dag frekari refsiaðgerðir gegn Íran. Hyggst hann til að mynda beita beita Ayatollah Ali Khamenei, erkiklerk Írans, stórtækum viðskiptaþvingunum til að hefna fyrir drónann sem Íransher skaut niður í síðustu viku.

Gert er ráð fyrir að álagning á sykraða gosdrykki og sælgæti hækki í nýrri aðgerðaáætlun Landlæknisembættisins . Kjartan Hreinn Njálsson, aðstoðarmaður Landlæknis, segir að það sé mikilvægt fyrir lýðheilsu Íslendinga að sykurskattur komist í gagnið.

Mjaldrasysturnar Litla Grá og Litla Hvít hafa nú hafst við í sérsmíðaðri laug í Vestmannaeyjum í fimm daga, eftir ferðalagið stranga frá Kína. Páll Marvin Jónsson, forstöðumaður þekkingarseturs Vestmannaeyja, hefur fylgst með systrunum og hverning þeim vegnar í Eyjum.

Lengri umfjallanir:

Einar Sveinbjörnssson veðurfræðingur segir að þurrviðri undanfarinna vikna á Vesturlandi sé tæplega hægt að skrifa á loftslagsbreytingar. Ef þetta gerðist ár eftir ár mætti tala um breytingar. Kristján Sigurjónsson talar við Einar um veðurfar á íslandi það sem af er sumri og hitabylgjuspá á meginlandi Evrópu.

Það stefnir í að hlé verði gert í júlí á kjaraviðræðum opinberra starfsmanna við ríki og sveitarfélög. Samiðn og Rafiðnarsambandið hafa skrifað undir samkomulag við ríkið um friðarskyldu til 30. september og að 105 þúsund krónur verði greiddar 1. ágúst sem fyrirframgreiðsla vegna væntanlegra launahækkana. Bæði BSRB og BHM hafa fengið tilboð um svipað samkomulag en þar er miðað við að friðarskylda verði til 15. september. Enn á eftir að semja við sveitarfélögin um breytta viðræðuáætlun. Arnar Páll Hauksson tók saman og talaði við Sonju Ýr Þorbergsdóttur.

Fyrst voru þeir tíu, frambjóðendur til leiðtoga Íhaldsflokksins og þar með forsætisráðherra. Nú eru tveir eftir, Jeremy Hunt utanríkisráðherra og þingmaðurinn Boris Johnson, áður borgarstjóri höfuðborgarinnar og utanríkisráðherra. Kapphl

Dæmi eru um að sjúklingar þurfi að greiða tíu þúsund krónur aukalega fyrir heimsókn til sérfræðilæknis. Þetta aukagjald er ekki niðurgreitt af ríki. Forstjóri Sjúkratrygginga segir þetta sýna að brýnt að ná samningum við sérfræðilækna sem fyrst.

Deilur Bandaríkjanna og Íran virðast engan endi ætla að taka. Ásakanir hafa gengið milli í tengslum við njósnadróna sem Íranar skutu niður í fyrrakvöld.

Sjötta Secret Solstice-hátíðin var sett í Laugardalnum í dag, eftir mánaðalangar samningaviðræður við Reykjavíkurborg. Fjöldi heimsþekktra tónlistarmanna kemur þar fram.

Formaður félags framhaldsskólakennara, segir að trúnaðarbrestur hafi komið upp þegar formaður Kennarasambands Íslands, beitti sér fyrir frumvarpi að nýjum lögum um menntun, hæfni og ráðningu kennara.

Íbúar í Skútustaðahreppi og Þingeyjarsveit eru almennt jákvæðir gagnvart viðræðum um sameiningu sveitarfélaganna,

Í síðari hluta Spegilsins minnumst við þes að í dag eru tíu ár liðin frá því Grænlendingar fengu sjálfstjórn. Þá ríkti mikil bjartsýni um framtíðina en nú telur þáverandi formaður landsstjórnarinnar að leysa þurfi gríðarleg félagsleg vandamál áður en hugsað sé um fullt sjálfstæði.

Við fjöllum líka ítarlega um þá kolefnisjöfnunarkosti sem bjóðast á Íslandi og komumst að því að það er hægt að kolefnisjafna í bólu.

Boris Johnson fékk aftur langflest atkvæði þingmanna Íhaldsflokksins sem nú velja sér nýjan formann. Hann etur kappi við Jeremy Hunt, sem fékk næstflest atkvæði í fimmtu atkvæðagreiðslunni í dag.

Fjármálaráðherra segir það öfugmæli að tala um niðurskurð í ríkisfjármálum þegar verið sé að bæta í á flestum sviðum.

Fulltrúaráð VR situr nú á fundi þar sem tillaga um að afturkalla umboð stjórnarmanna VR í Lífeyrissjóði verslunarmanna er rædd. Tilefnið er vaxtahækkun á verðtryggðum lánum sjóðsins. Forstjóri Fjármálaeftirlitsins segir að hlutverk lífeyrissjóða sé að gæta hagsmuna allra sjóðfélaga ekki bara lántaka.

Fyrsta leiguíbúð íbúðafélagsins Bjargs var afhent í dag. Einstæð tveggja barna tók við lyklunum.

Félag framhaldsskólakennara telur að ný lög um að sama leyfisbréf gildi fyrir þrjú skólastig geti orðið til þess að draga úr menntunar- og gæðakröfum sem gerðar eru til kennara.

Verslunarskólinn, Menntaskólinn við Sund og Tækniskólinn eru vinsælustu framhaldsskólar landsins, sé tekið mið af óskum nýnema um skólavist.

Landgræðslustjóri segir að landið sé enn að tapa jarðvegi og því miður sé ekki hlustað á fagmenn. Hann segir að nóg sé til af grasi. Hægt væri að vera með miklu stærri fjárstofn ef beitt væri á láglendi. Arnar Páll Hauksson ræðir við Árna Bragason.

Arnar Páll Hauksson talar við Guðfinnu Hörpu Árnadóttur, formann Samtaka sauðfjárbænda, um gagnrýn veggna gæðastýringar í sauðfjárrækt.

Sænskir stjórnmálamenn og fréttaskýrendur hafa ítrekað sakað kínversk stjórnvöld um fjandskap og óeðlileg afskipti síðasta árið. Árekstrar í samskiptum ríkjanna hafa tekið á sig margvíslega og jafnvel furðulegar myndir: Grátandi ferðafólk á götum Stokkhólms; viðhafnarathöfn sem aflýst var á síðustu stundu; og lögreglurannsókn á sendiherra Svíþjóðar í Kína, eftir leynifund í Stokkhólmi. Kári Gylfason segir frá.

Umsjón Arnar Páll Hauksson

Tæknimaður Gísli Kjaran Kristjánsson

Spegillinn 19. júní.

Það er stál í stál í kjaraviðræðum við sveitarfélögin, segir formaður Starfsgreinasambandsins eftir samningafund í morgun. Sveitarfélögin neiti að færa lífeyrisréttindi til jafns við borgina og ríkið. Tveir mánuðir eru í næsta samningafund.

Mjaldrasysturnar Litla-Hvít og Litla-Grá eru nú á leið til Landeyjahafnar en þaðan verða þær fluttar til Vestmannaeyja í kvöld.

Stjórnvöld í Moskvu gagnrýna harkalega niðurstöðu alþjóðlegrar rannsóknarnefndar vegna flugvélarinnar MH17 sem skotin var niður í Úkraínu fyrir fimm árum.

Þriðja hvert barn í bænum Tasiilaq á Grænlandi verður fyrir kynferðislegu ofbeldi og fimmti hver bæjarbúi sviptir sig lífi.

Íslenskar konur fengu kosningarétt og kjörgengi 19. júní fyrir 104 árum. Í tilefni dagsins rifjum við upp eina þrautseigustu og frægustu friðarbaráttu sem konur hafa staðið fyrir þegar konur dvöldu fyrir utan Greenham Common herstöðina í Englandi í 19 ár til að mótmæla kjarnorkuvopnavæðingu.

Aldrei hafa fleiri verið á flótta í heiminum. Í síðari hluta Spegilsins ræðum við vandann og orsakir hans við Stellu Samúelsdóttur, framkvæmdastýru UN Women á Íslandi.

Umsjón: Arnhildur Hálfdánardóttir

Spegillinn 18.6.2019

Umsjónarmaður: Bergljót Baldursdóttir

Samkomulag um afgreiðslu mála á Alþingi og þinglok er í höfn. Samið er um að fresta þriðja orkupakkanum þar til í lok ágúst og fresta gildistöku frumvarps um innflutning á fersku kjöti. Rætt við Sigmund Davíð Gunnlaugsson, formann Miðflokksins og Bjarna Benediktsson, formann Sjálfstæðisflokksins

Ef kviknar í á Vesturlandi má búast við að eldurinn breiðist hratt út þar sem áfram er spáð þurrki og norðanstrekkingi. Þetta segir veðurfræðingur sem brýnir fyrir fólki að fara gætilega. Rætt við Pálma Þór Sævarsson svæðisstjóra Vegagerðarinnar

Sérsveit ríkislögreglustjóra og sprengjusérfræðingar Landhelgisgæslunnar voru kallaðir út þegar vart varð við torkennilegan hlut við gegnumlýsingu í farangursleit á Keflavíkurflugvelli. Við nánari skoðun reyndist hann vera eftirlíking af Fabérge-eggi.

Donald Trump Bandaríkjaforseti útilokar ekki stríð við Íran, einkum ef stjórnvöld þar hefja þróun kjarnavopna. Hann gerði lítið úr árásum á tvö olíuflutningaskip á Ómanflóa í síðustu viku í viðtali við tímaritið Time í dag.

Mikil eftirvænting er fyrir komu tveggja mjaldra til Vestmannaeyja á morgun.

Starfshópur um endurskoðun kosningalaga leggur til að komið verði á fót nýrri kosningastofnun til að hafa umsjón með framkvæmd kosninga og verkefnum í tengslum við þær.

Boris Johnson fékk aftur flest atkvæði þingmanna Íhaldsflokksins, sem kjósa sér nýjan formann á næstunni. Frambjóðendum fækkaði um einn eftir atkvæðagreiðslu dagsins og þeir eru nú fimm. Sigrún Davíðsdóttir, segir frá

Það þarf að stokka upp hlutverk fjallkonunnar og leyfa henni að velja sér ljóð. Þetta er mat kynjafræðings sem fagnar því að í gær hafi kona sem ekki er hvít farið með hlutverkið. Arnhildur Hálfdánardóttir tók saman og ræddi við Guðnýju Gústafsdóttur, kynjafræðing.

Úrslitakeppni heimsmeistaramóts kvenna í fótbolta stendur nú sem hæst yfir í Frakklandi og sennilega hefur keppninni aldrei áður verið sinnt jafn vel af fjölmiðlum á alþjóðavísu. Kvennaboltinn hér á landi og erlendis á þó enn langt í land með að njóta jafnréttis á við karlaboltann þegar kemur að aðstöðu, peningum og viðhorfi þeirra sem stjórna í knattspyrnuhreyfingunni. Kristján Sigurjónsson ræddi við Eddu Garðarsdóttur, margreynd landsliðskona í fótbolta og þjálfari, og Kristján Guðmundsson knattspyrnuþjálfara. Kristján hefur um árabil þjálfað meistaraflokkslið karla í efstu deild víða um land, en þjálfar nú í fyrsta sinn kvennalið í efstu deild.

Spegillinn 13. júní 2019

Það stefnir í um það bil þriggja miljarða króna samdrátt í útflutningstekjum á ársgrundvelli, vegna ráðgjafar Hafrannsóknastofnunar um nytjastofna sem kynnt var í morgun.

Skipuð hefur verið samstarfsnefnd sem á að kanna ávinning af sameiningu Skútustaðahrepps og Þingeyjarsveitar.

Mikið hop Sólheimajökuls síðustu ár kom Frank-Walter Steinmeier forseta Þýskalands mjög á óvart, segja unglingar í Hvolsskóla á Hvolsvelli sem hafa fylgst með rýrnun jökulsins síðustu ár.

Fiskifræðingur segir að staða síldar sé alvarleg og hrun loðnu gæti haft alvarleg áhrif á helstu bolfiskstofna. Arnar Páll Hauksson ræðir við Guðmund Þórðarson fiskifræðing og Heiðrúnu Lind Marteinsdóttur, framkvæmdastjóra SFS.

Flóknar stjórnarmyndunarviðræður standa nú yfir í Danmörku. Mette Frederiksen, leiðtogi Jafnaðarmanna, reynir að sætta ólík sjónarmið mið- og vinstriflokka sem hafa lýst stuðningi við hana sem forsætisráðherra. Bogi Ágústsson.

Draumur Ídu Jónasdóttur Herman, 93 ára, rættist í dag þegar lögð var fram tillaga á Alþingi um að hún fengi að nýju íslenskan ríkisborgararétt.

Umsjón: Arnhildur Hálfdánardóttir

Tæknimaður: Mark Eldred

Undanfarin þrjú ár hefur verið fjárfest í ferðaþjónustu fyrir rúma 243 milljarða. Fjárfestingar í hótelum hafa aldrei verið meiri en í ár, 38 milljarðar.

Alþjóðaheilbrigðisstofnunin hefur boðað til neyðarfundar vegna útbreiðslu ebólu.

Boris Johnson, frambjóðandi í leiðtogabaráttu í Íhaldsflokknum breska, ætlar ekki að standa að útgöngu Bretlands úr Evrópusambandinu án samnings, nema það sé síðasti valkosturinn sem býðst.

Fjölmörgum kjarasamningum er ólokið. Svo gæti farið að kjaraviðræður færist fram á haustið. Sumarlokun verður hjá ríkissáttasemjara í júlí og fram yfir verslunarmannahelgi.

Stjórnmálafræðingur og aðjúnkt í siðfræði óttast að hamslaust hatur færist í vöxt í netheimum.

Umsjón: Arnhildur Hálfdánardótir

Tæknimaður: Mark Eldred